Ruka 8:2 - Anutuna Ufa

² Sia fifau aanaaseeuqa mina faqa fiqau. Yisufa aurirana taikannisoosa faqa faafasaaqa faqaasa maraqunnisoo anaaseesa kai mina faqa fidaqa nariqa narana faqa munnimma faqa minannai Yisuna faqa mina faiqi namufaqa fidaqa dadaaqimariqau.

Ruka 8:2 Referans Kwoze

Mareekoo 16:9

Yuda maqannaasa Saririqara amaanasaa fee qimasee amaanasaara indaaruqaa faasaanee qimariqau. Mi indaaruqaa faasaanna sandoo anaasee namusa anu faasaanasaa Mariafa Makadara maqusaindaraafa naaree Yisufa findifuna qafanau. Ooqai Yisufa kaqi maru kamuqoo faafasaaqa narí anoona amarana mi Mariana aunduraki faafasaaqa qisauku dinni taikasee dinni ani qaara marasee marufanoo Yisufa kaqi maruqoo mina aunduraindaraa faafasaaqa niqiqoofaqa rafudamaki sandamafiqau. Yisufa mi anaaseena afusaa narí kuqiranakiqari findifuna indaaru kooroo inau.

Yoohanee 19:25

Yisufa aunirira saqarisaa kuqirarifanoo mina aunirira saqari atukaki mina anoofa faqa narí auna qini qinoona faqa moo anaasee Karoopasana anaaqa Mariana amarafa Mariafa faqa moo anaasee Makadara maqusaindaraa Mariana amarafa Mariafa faqa minamusa miqoo kikiqiqa mariqau. (Qaaramoo anaasee Mariana amarausa kikiqiqa mariqau.)

Ruka 23:55

Karireendaraa aanaaseeuqa Yisuna faqa anusa Yooseefaana amarana faqa ooni aamaraki quqeemarufaqa qafamaseeqa oonurandee aniree nári oosana mareeqa nári marasinna fadameena oosana oosana Yisuna irisaa aku amaqarara anirandee oonu deedaqiqau. Saririqasaa misa Mooseena sandufamau fiqa nári amaana fee qimasee adooaqau.

Ruka 23:49

Moomoosa Yisunara amiqi mandee irimarusa faqa aanaaseeuqa Kariree maqa maaqaindari Yisuna faqa anusa faqa sia dauni fifainiqau kaqi marida nianai marida qafee mariqau.

Ruka 23:27

Sundiauqa Yisuna afiqa maree fimarufanoo Yeerusareendaraa aanaaseeuqa Yisuna ufa irimarusa moomoosa mina aanaaqiana oobiqasee ikifaaqa quqasee ikiraqaqa fimariqau. Miqi mamaree fimarufanoo Yisufa quandafi ninda fee kasoomambinoo qimanniminau. Sia qiniara ikiraqaaqa inneeqara faqa inneeqa faiqi namuara faqa ikiraqaaqa.

Ruka 8:30

Yisufa mi faafasaaqana iramirinoo qinau, ani auqu yafee qufanoo mi faafasaaqafa qinau, maasa moomoosa maa fasiqana aundurai marunausa marunnanara maasa duqu qusirausee qidaqa.

Mareekoo 16:1

Yisuna iri kaqi ooni aamaraki marufaqa Mariana amarafa Makadara maqusaindaraafa faqa Mariana moo amarafa Yameesana anoofa faqa moo anaasee Saroomeesa faqa Sabata faasaana aiqaroofaqa kuqimariasa akunnimaqee maria marasinna feefaurumamaree Yisuna irisaa akuanee qimasee mi eendanaki deedaqiqau.

Mataioo 4:24

Miqi marufanoo mina auqu aiqamai daraaninau. Siria maqannaasa faqa aiqama iriqau. Iriseeqa amiqi marusa misa aiqama oosana oosana aurirana maree marusa faqa kaaqa nidafi marusa faqa faiqí fueena naundurai keeqeemarusa faqa fuseenasana nári marusa faqa niku nisauku aadanusi marusa faqa aiqama Yisufinnai maraida munu quqee marufanoo Yisufa andeeqannisee marinau.