Ruka 8:12 - Anutuna Ufa

¹² Raisa qaqama niku reemariaqoo aqufifa maaqimmidanoo, Anutuna ufa irisaafanoo manda afaanna fannoo misa naunduraindaraana ufiniarafoo ani namammaree fifaqa qini saqarikirana faqa asumu mariranasaa faqa ititaanifeera.

Ruka 8:12 Referans Kwoze

Mareekoo 4:15

Moo kari akaqa ufa faiqí naunduraki aanasaara foora aaqasaafanoo iriafanoo Sadannafa ufiniara foora mina aaqee uqanna aakueeqee aqidanoo.

Mataioo 13:19

Moo fannoo qini ququsakinaa ufa iriseenoo sia irinoo manoo manaa imarifa, qaqamma mina amuqusaki kakasammasaifanoo manda faiqi fannoo animaree fifinoo. Maafa qaqamma fooqaana aanasaa kukupee marifanoo siara foorammidanoo.

Aaquqira Ufa 4:5

Anee amiqira iriranara faqa oonumafi iriranara faqa randasee maraa. Qinee qimamianna ufana sia irisee qaunua.

Aaquqira Ufa 1:29

Innee iriranara mandainainee qimasee sia Yaaweena ufa qaindusi mariafanoo.

Ruka 8:5

Innee amiqimasee iriaqa faiqí moo fannoo maasa Yuda maqannaasa oosana mareenoo maqa rumaseenoo raisa fooqaana ummaqirara mina qaqama marasee minaki aaqasoofanoo ururanau. Mifa miqoo aaqaidanoo akaqa qaqama fannoo aatata niku ree mariaqoo faqa aqufufaqa ufiniuqa aniree mina kai namasaqau.

Mataioo 13:4

Mi fasiqafa aaqee marufanoo qaqamma akaqafa aanasaa niku ree maruqoo faqa aaqamaki aqufufanoo ufiniuqa aniree mina kai naqau kaqindaraana sia naqau.

Ruka 8:11

Raisa fooqaana qaqamasaa quandara ufa oosana maaqimminoo maridanoo, raisa fooqaana qaqama Anutuna ufa maridanoo.

Ruka 8:13

Raisa qaqama ooni amuaaqa maqasaa aqufifa maaqimmidanoo, faiqí anaasee akaqausa Anutuna ufa irisee sia naundurai meemaqoo iriaraasidaqa aaqee kai irisee nimanamasee qafara aukuana kambiqafifaqa misa minnisaidaqa.