Ruka 7:9 - Anutuna Ufa

⁹ Misa mi ufana Yisuna qimamufanoo tautumaseenoo faiqí anaasee moomoosa mina faqa anusa quandaki qimanniminau. Maa Roomma maqannaa fasiqafa firaaqoo qini saqarikidanoo Isaraee maqannaa qeeqa maqannaasa maqusa maqusa nidaqa sia miqira amiqira fasiqa qafeeqa, aanaamuru maridanoommi.

Ruka 7:9 Referans Kwoze

Mataioo 15:28

Yisufa mi ufana iriseenoo qimaminau. Imboo maa anaaseeo̱o Anee qinisaa irirana rusirana firaafa marianafa. Anee aneenna innainaina mifa kai kambiqaannoo. Miqi qimasoofanoo mi anaaseena araamuna mikari kai nianai marunnai ooqeena taikasoofanoo mi manaaqafa amiqinoo marinau.

Mataioo 8:10

Yisufa mi ufana iriseenoo tautufanoo aaquqoofanoo faiqí anaasee mina faqa rumbarausa fifiusa qimanniminau. Qini ufa iriaqa. Maa Roomma maqannaa fasiqafa firaaqoo qini saqarikidanoo qinee Isaraee maqannaasaki qeeqa maqannaasaki maqusa maqusa nidaqa sia moo maaqira amiqira fasiqa paquriqa, aanaamuru maridanoommi.

Mataioo 9:33

Minisoofanoo Yisufa mina aundurakinaa afaanna aqiqamasoofanoo afaanna fannoo raudamakufanoo mi fasiqafa ufa andeeqasee qinau. Miqiufaqa faiqí anaasee mina qafamasee nimudaani qumooqukammafinoo nifaaqa sia qumaroofaqa mina qafeeqa qiqau. Isaraee maqannaa sia ooqai maa ainainafa maruna, maqee kai.

Ruka 7:8

Qini uriqarara sundiauqa moomoosa mariafaqa qinee misa nimeemaanai maridaqa misa ufamau fidaqa, qini qimeemaanai moomoo sundiauqa faqa mariafaqa qinee moonara fuannee qunanoo fidanoo moonara aniannee qunanoo anidanoo qeeqa ainainira fasiqara maa ainainna auqaa qunanoo auqaidanoo, anee Yisufa uriqararafa mariananoo anee miqooqari kai aurirafa taikaannee qinanoo qini ainainira fasiqa fannoo findifuani.

Ruka 7:10

Miqi qufaqa misauqaindi niqiqoosa anirandee nariqa uriqararana maaqaki keeqafi qafoofanoo mi fasiqana ainainira fasiqa findifinoo amiqimasee marinau.

Ruka 7:50

Yisufa mi anaaseena kafaa qimaminoo qinau, oo maa anaasee anee aneenna aunduraindari qinisaa rusimarianafa mifa kai ani innaarunai marira asumu aminoo doo asooaranaki fua.