Ruka 5:1 - Anutuna Ufa

¹ Moo kari Yisufa Keeneesareeta farumma afainni kikiqinoo maridanoo Anutuna ufa qimannimi marufaqa faiqí anaasee moomoosa aniree irirara narí futeeqee narí futeeqee imariqau,

Ruka 5:1 Referans Kwoze

Mareekoo 3:9

Yisufa misakinaana moomoo aurimarusa andeeqannisee marunara faiqí anaasee aiqama oosana oosana aurirana maraqanusa nisaukukoo Yisuna auqaananoo maasa aurirana taikaanifee qimasaida Yisuna auqaidaqa radamuaqaa imariqau. Yisufa minara iriseenoo narí faiqinamu qimanniminau innee kanuqa rarisama daaqa nammariki quqaaqa misa qini radamifaqa kanuaki akaraanaqa sia radamuaqa qufaqa misa miqimmiqau.

Mataioo 14:34

Misa sipaki nammari dinni afainni taqakufaqa Keeneesareetee maqusai oonu raqau.

Mareekoo 6:53

Misa miqooqari kanuqaki nammari amuaqumau fiqa munu maqa raquramufaqa fitaqa mareeqa mafi kanuqa qususeeqa doo Keeneesareeta maqa maaqammifoo qimaseeqa kanuqakiqari aqufiqa maqasaa oorufufaqa misaqa marusa miqooqaraasa Yisufammifoo qimaseeqa sandeeqa maqusa maqusa qimannimufaqa nariqa aurimarusa qaarisa rumba maraidaqa yatinnai fee Yisufa fuannoo fee qimasaida aurimariasa qaarisaa rumba maraidaqa Yisuna oorinni mini quqee mariqau.

Mataioo 11:12

Qinee anoona ufa qimannimidaqa. Yoohaneefa nammari nimimari aukuanaindari faiqí anaasee rakiranannoo maqusa maree mariandee miqi kaimasee nimudaanai qimasee innaaruna ququsaki keeqarara qimasee innaaruna ququsa maree mariasa maridaqa.

Ruka 12:1

Mikari faiqí anaasee moomoosa uqanna Yisufinnai ani suqufufaqa narisaa narisaa faqa niku ree mariqau. Yisufa ufa qimannimiraree qimaseenoo narí faiqi namu naaree qimanniminoo qinau. Innee Farisai amaana ufa qimariasa misa atiqeemari ooruku anoonara foora rufieeqa eerairiaqa misa ooruku maaqimmidanoo misa faiqí anaasee amaana ufa qimannimisaida nariqa maqandanai mandainaina maraidaqa misa miqimaria ooruku anoonara foora innee eerairiaqee qidaqa.

Ruka 8:45

Yisufa irammirinoo qinau, yafee qini duqeenoo fee qufaqa aiqamausa qaoo qufanoo Peetooroofa qinau, uriqararafa faiqí anaasee moomoosa ani afeeqaidammia qufanoo Yisufa kafaa qinau,

Mareekoo 4:1

Yisufa kaifaa Kariree nammari afainni ooqu maridanoo Anutuna ufa miqoo suqi marusa qimannimi marinau. Faiqí anaasee moomoo mina ufa iriraree qimasee aiqama anireeqa Yisuna ititasoonara mifa kanuqaki akaramafufanoo nammariki afiqa quqaqoofanoo munu kasoomasee maridanoo minakiqari nammari afaisaa faiqí anaasee marusa Anutuna fasaasa ufa qimannimimarinau.

Ruka 5:2

Noodaanna reemaru fasiqaqanda nariqa noodaanna reemaru kanuqaqanda mafi nammari afainni quqasee nariqa pateeuqa mareeqa moosaa oonu maridaqa akuni mariqau, Yisufa faiqí anaasee moomoosa niqafaidanoo kanuqa qafamaseenoo Simoonaindiki akaramafinoo qimamufaqa kaqi kaaqoo afeeqoofanoo nammari amuaqusaa oonuroofanoo Yisufa minaki ooqumarifinoo faiqí anaasee aiqamausa mina oorinni ani usufufanoo naamua qimarinau.

Ruka 8:22

Moo kari Yisufa narí faiqi namufaqa nammari afainni noodaanna reemaru kanuqanaki akaramafinoo qimanniminau, innisaimbaqa maa nammarina muqu afainai nianai fuanaura miqi qufaqa misauqa aikannai furufanoo kanuqa fannoo finau.

Ruka 8:23

Misa fimarufanoo Yisufa kanuqaki faiqaqee marinau, faiqaqee marufanoo ufai firaafa uqufanoo nammari amakaurinoo nammari fannoo kanuqaki qumbiqeenoo ukuqnaaqaa ufaqa rufiee mariqau.

Yoohanee 1:40

Mi fasiqaqanda Yisuna maaqa oonu qafamasee mina faqa maruqanda miqandakiqari moo fannoo Andurufa marinau. Mifa Simoona moo auqu Peetooroona akaqa marinau.

Yoohanee 6:1

Yisufa Yuda maqannaa rakisirausa mi ufana qimannimiseenoo miqooqari Kariree firaa farumma dinni afainni finau. Mi farummana auqu moo marinau, Tibeeriasa farummee qiqau.

Heeburu 13:7

Ooqai indaaru Anutuna ufa qimannimusara sia aunuaqa. Misa amiqi mariranara faqa misa kuqiranara faqa misa Anutuna saqarikiranara faqa iriseeqa misa nimeeraameera kai ida mariaqa.