Ruka 4:7 - Anutuna Ufa

⁷ Anee qini doorinni aqoori saunarafi deendeenamafi qini Anutusara foora qimooqinaqa maa aiqama adiafaa ira qumiasana aiqama ani amianaura.

Ruka 4:7 Referans Kwoze

Ruka 8:28

Faiqí anaasee moomoo kari sainnadannai mi fasiqana aiku asauku rumbasoofanoo faafasaaqa fannoo mi fasiqana afeekaikufanoo mi sainandana rakeemasoofanoo sandeenoo kaasau aadana maqa maaqai fimarinau. Mi fasiqafa Yisuna qafamasoofanoo faafasaaqa afaanna mina aundurai marufa faaqarinau. Yisufa mi faafasaaqana aqiqaaninnanara iriseenoo faaqa rumasee Yisuna oorinni maqasaa aqufinoo aranaiqi qimaminau, Yisu anee firaaqoo uriqarara Anutuna amaaku mariananoo anee nanaree maasa soodaa idanee, qinee firaaqoo ani iraidaqa, sia qini ambufuqua.

Uqafiqoo Ufafa 22:8

Qinee Yoohaneesa mi ainainna aiqama qafamasee iriseeqa daaquqoofaqa uqaqifiqee mari qangiroona aikuki maqasaa aqufiqa amooqianeeriafananoo mifa qaoo qimasee qinau.

Uqafiqoo Ufafa 4:10

Mi aandaunamusa idi ramasoofaqa fiqu fiqumma marusa moodaa fasiqa aiku asauku taikasee moo fasiqa oonu qaara faqa qaara faqa marasee uriqararausa nári koora auqira qafee uturuqu quqasee noorindari maqasaa Anutuna oorinni kummarammafufaqa mina amooqimasee maaqi qimasee qimamiqau.

Mataioo 2:11

Misa oonureeqa maaqaki keeqafufaqa faiqi aanaaqi kaqikaaqoo afeekaikinoo narí anoona Mariana faqa marufaqa ireeda rufia rufia idaqa ooru keeqafi qafaqau. Mi fasiqausa naaquqoofaqa ooqumarifufaqa noorindari maqasaa kummara mafufaqa amooqimamaqaida susumamaqaqau. Misa Yisunara amooqimaseeqa karaambaiqa nimimaru ainaina minammamiqau. Sia kaiqeesa nimimaruna Yisuna amiqau. Amiqira ainaina idukusee koora munnimma aabaa kai amiqau. Kaifaa afundimaru saqari anoona makaqa anoona fooqaana misa mina faqa aabaa amiqau nári maqusai firaa feefaurummamaree anuna maree mini aabaa amiqau. Kaifaa moo saqari anoona afundi maruna faqa, mandeefana anoona fooqaafa miqi kai iqa aabaa mina amiqau.

Idi Ufa 72:11

Aiqama maqannaa karaambaiqauqa maasa uriqarara fee qimasee mina oorinni niqoori saunu areefaranoo. Aiqama maqannaasa mina ainainira faiqikamma fifaranoo.

Ruka 4:6

Maa aiqama afeeka ainaina faqaasa maqasaa faqa misa firaa qumiasana faqa Anutufa qini qimiqaifanoo qinindi maridanoo, qeeqa kai irisee moo fasiqa amana amianaura.

Ruka 4:8

Yisufa mina ufa iriseenoo kaifaa qimaminoo qinau, Anutuna akarakinaa ufa maaqi qidanoo, anee karaambaiqa aneenna Anutuna kai amooqimasee mina ainaina kaimmamaqaa. Minara irisee sia ani ufamau fuanaura.