Ruka 4:1 - Anutuna Ufa

¹ Yoohaneefa Yisuna nammariki tupamasoofanoo findifufanoo Anutuna andeeqara naaquqara maraquna Yisunaki qumbiqafufanoo mi maraqunafa Yisuna rarisameeqeenoo kaasau aadana maqa maaqaki quqasoofanoo miqoo afaannauqa firaafa qaara fasiqa niku nisauku taikasee faasaana Yisunara mandainainaki aaqaranaki fuanifee qimaseenoo maara maqaseenoo amanamasee qafoosianoo.

Ruka 4:1 Referans Kwoze

Ruka 4:18

Karaambaiqa maraquna fannoo qini daakinoo maridanoo, mifa kudi fasiqauqa amiqira fasaasa ufa qimannimiannee qimasee asauku qinisaa mundinau, rumbaqa mariasa idukuaki fuaqeera qini diqiqanau, nifu dimbarausa faqa nifu maqannisaaneera faqa qini diqiqanau, moo maqannaasa ani mara moo maqannaasa aupurarana nimimariana minakinaana idukuaneera faqa qini diqiqanau, karaambaiqa narí maqannaasa mandainainakinaasa maraaninna aukuanara qimannimirara qini diqiqaifaqa ani maridaqa.

Yoohanee 3:34

Anutufa innaarunaindari aqiqamasaifa Anutuna ookinaa ufa kai qimannimidanoo Anutufa narí maraquna muduka amiqaifanoo miqidanoo.

Yoohanee 1:32

Yoohaneefa maaqi qimasee Yisunara qinau. Qinee Anutuna maraquna qafaunanoo mifa nakipurunaika mafinoo innaarunaindari qumureenoo Yisunasaa quqeenoo.

Mataioo 3:16

Yoohaneefa Yisuna nammariki ooqumari amaqasoofanoo nammarikiqari findifufanoo mikari kai innaaruna rakeeufanoo Anutuna naaquqara andeeqara maraquna fannoo Yoohaneefa qafoofanoo nakipurunara foora mambufanoo qumureenoo Yisunasaa quqanau.

Ruka 4:14

Yisufa Kariree maqa maaqai kafaa aniroofanoo Anutuna naaquqara maraquna fannoo mina faqa afeekaikamasee maridanoo dadaaqunara, mina aufakiana fannoo Kariree maqa maaqaki aiqamai daraaninau.

Ruka 2:27

Moo faasaana mi maraqunafa Simeeoona aakapoofanoo amaana maqaki keeqanau, mikari kai Yooseefaasa Mariasa Yisuna rafusu maree amaana maqaki keeqafiqa Mooseena ufamau firaree qimasee keeqaqau.

Ruka 3:3

Inneeqa manda marirana minnisee Anutufinnai ubeekaifaqa nammari ruma nimaqaanaura miqi masaifanoo Anutufa inni mandainaina mininnisee sia naruannoo.

Ruka 3:38

Eenoosafa Seetana amaaku marinau. Seetafa Adamana amaaku marinau. Adamafa Anutuna amaaku marinau. (Anutufa narí kambiqarafa marinau.)