Ruka 3:8 - Anutuna Ufa

⁸ Innee maasa Abarahaamana atiuqa marunausa maridee qimasaida Anutufa asumu marirana kaqi qimianifee qimariafanoo, aaqaida miqi qimariafanoo. Inneeqa mandoosana minnisee andeeqara oosana maraifaqa qafeeqa inniara kuqaa naundura quandarausee qimasee amiqira saqari qaqamara foora iraidaqee qianaura. Innee fifau Abarahaamana ati fee qimariasa, mifa fifau ainaina maridanoo, iriaqa Anutufa amana qifanoo maa fifau ooniuqasaaqari faiqikammafi Abarahaamana atiuqasaa amana ootupaqa mariannoo. Innee Abarahaamara ati fee qimariana fifau ufa kai qimariafanoo.

Ruka 3:8 Referans Kwoze

Mataioo 21:43

Miqi kai inoo Anutufa narí ququsa inni Isaraee maqannaakinaana mara maree moo maqannaaki quqasaifaqa mi maqannaasa amiqimmasee Anutuna ufamau fifaranoo. [

Roomma 9:7

Abarahaamana aiku asauku atiuqa faqa sia aiqama Anutuna aiku asaukukiqau. Minara qidaqa, Anutufa maaqi qimasee Abarahaamana qimaminau. Ani faiqi namukinaana Isakeena aiku asauku kai ani aiku asauku fee qianaura.

Roomma 4:16

Qinee Pauroosa Abarahaamanara kafaa qidaqa. Anutufa nimianinna ainainara Kannaana maqa maaqa faqa asumu marirana faqa qima afeekaikirafa Abarahaamafa Anutuna ufasaa irirana rusisoona minasaa mundinoo maridanoo. Miqiunara Anutufa nimianinna ainaina maa maqana faqa asuma marifandinnana faqa Abarahaamana narí aiku asauku faqa misasaa oonu aruakinausa faqa kaqi nimira ainainara foora mariannoo. Sia Anutuna ufaki kadaapirumasee fimariasaindi kai mi ainainausa marifaranoo Abarahaamana aanna ree mariasa, Anutuna ufasaa kaqi irirana rusimariasa misaindi faqa mi ainainausa mariannoo. Maasa Anutuna ufasaa rusimariasa nikoofa Abarahaamafa maridanoo. Maasa mina aanna ree mariasa kai mina aiku asauku maridaqa.

Ruka 19:40

Yisufa qimanniminau, Qinee qaoo qianaqa tamummaqara fasiqauqa akara misa miqifandiafoo qimaqoona misa ufa taikainanoo maa aatata mari oonisaa faiqiara foora kaanina mareefaranoo.

Yoohanee 8:33

Misa mi ufana iriseeqa qiqau. Maasa Abarahaamana ati maridaqa, sia moona rumbaranaki maridaqa. Nanaree anee maasara idukuaqee qidanee.

Yoohanee 8:39

Misa mi ufana iriseeqa maaqi qiqau. Maasa qikoofa Abarahaamafa maridanoo. Yisufa minara qinau. Innee Abarahaamana faiqi namu maridaqau mina ufamau fini.

Mataioo 3:8

Innee kuqaa naundura quandarausee maridaqee. Unna qimariafanoo. Andeeqara oosana maraifaqa qafeeqa inniara kuqaa naundura quandarausee qianaura.

Mataioo 3:9

Yoohaneefa kaifaa qimanniminau. Innee inneeqara maasa Abarahaana aiku asauku maridaqee sia Anutufa daruannoo fee qimariasa. Maasara amiqirausee qimariasee qimariafanoo. Miqi qimaria ufana sia qiaqa. Qini ufa iriaqa Anutufa maa fifau ooniuqara qinanoo amana Abarahaana aiku asauku kambiqeefaranoo. Nanaree innee fifau maasa Abarahaana aiku asauku maridee qida fee. Fifau faafau ufa dapi ufa qimariafanoo.

Ruka 5:21

Miqi qufaqa Mooseena sandufa akoofasauqa faqa Farisai amaana ufa qimarusa faqa nariqa naunduraindari kai qidaqa qiqau, maa fifau fasiqafa unnaqi masaidanoo narí ufannoo Anutuna amaaqa maqaidanoo faiqí sia amana moona mandainaina numoo taikarana amana maridanoo Anutufa kai amana miqiannoo.

Ruka 13:25

Mi maqana akoofa findifinoo kooqi atukarasainaqa misa madaanaindari kooqi aridaqa maaqi qifaranoo, kooqi atuaqisainaqa keeqaanee qifanoo maaqa akoofa maaqi qimasee qimannimiannoo.

Ruka 13:26

Innee yaindaraasee qinee inniara sia iridaqa qinaqa misa maaqi qifara, anee maasa maqusai Anutuna ufa qimannimimarianafa mariananoo maasa ani faqa narana nammari nee marunausa maridaqa maasara irimarianafa mariananoo.

Ruka 14:9

Ani uriqararafa anirainanoo qoomaqa akoofa ani qafeenoo aqiqamasee uriqarara fasiqara miqoo ooqu mariannee qinana anee asauriranaki maridana mandaikiraqoo kai ooqu marinnaranoo.

Ruka 19:9

Yisufa irisee qimaminau, maqee faasaana naaru naaru asumu marirafa ani maaqaki ani maridanoo anee faqa Abarahaamana ati mariananoo.