Ruka 24:2 - Anutuna Ufa

^2-5 Oonureeqa qafoofanoo narí kai ooni firaatia kooqisaa ititaqoofa quanda quandammeeqee kaqinni quqaqoofaqa qafamaseeqa kaqi keeqafi Yisuna iriara randoosia qafoofanoo sia marufaqa kaqi kikiqiqa maridaqa naqi fee ianaura naqi fee ianauree qidaqa tautu masee qafoofanoo qaara fasiqa kaaqa areenee maru qamunna afisira qanda misa naaqa kambiqafiqa kikiqiqau. Kikiqamafufaqa nindafeeqa qifu qafaanoo qimaseeqa ninuka tuqu naumoo amisoofaqa mi faiqiqanda qimannimiqa qiqau, innee nanaree findifimari fasiqanara kuqirausakiaqa randaidee.

Ruka 24:2 Referans Kwoze

Mataioo 28:2

Oonuree qafoofanoo miqoo kai maqa firaafa kasufanoo innaarunaindari Anutuna qangiroo moo fannoo qumureenoo ooni kooqi ititaqoona quanda quandammeeqeenoo kaqini quqaseenoo narí minasaa ooqu marifi marinau.

Ruka 24:1

Mi anaaseesa nári maqannaasa amaana faasaana Saririqa adooamaseeqa faiqee duna kananaana maasa amaanasaa kananaana eendai mi fadameenna marasinna ainaina deedaqamaqoona mareeqa Yisuna akundoo oonina aamaraki keeqarara fiqau.

Yoohanee 11:38

Yisufa narí kai misa miqi qu ufanara akooqoofanoo narí aunduraki mandaikufanoo mi ufanara aiaaee qimaseenoo madikai oonuranau. Rasarusana iri ooni aamaraki quqasee ooni firaatia qumaree ititaqoofanoo marinau.

Yoohanee 11:41

Misa mina iriseeqa ooni firaatia afeeqeeqee mafi quqasoofanoo Yisufa narí oori uqeeraseenoo Anutunara akooqoo innaaru qinoo qinau, Oo qini qikoofa dufi dufi anee qini ufa irimarianafa mariananoo.