Ruka 23:3 - Anutuna Ufa

³ Piratoofa misa ufa iriseenoo quandafi Yisuna qafamaseenoo irammirinoo qinau, Kuqaa fee anee maa maqannaasa karaambaiqa maridanee qufanoo Yisufa qinau, anee doo qimariananoo.

Ruka 23:3 Referans Kwoze

1 Timooti 6:13

Oo Timooti aiqama ainaina aidoo nimimarina Anutuna afusaa faqa, Piratoona oorisaa kooroounafa asauku mundirana Yisuna afusaa faqa qinee aaquqimasee qimamidaqa. Yisuna ufa asaana rumaseenana aiqama eedoo qimasee maraa, mi mau finana ani nirafa marirafa anukarafa sia aaqarafa mariani. Miqi kai ina fifi inana karaambaiqa Yisufa narí qumira aukuana paquria.

Yoohanee 1:49

Natanaeerafa iriseenoo tautumakufanoo qinau. Ufasaa rakisirafa anee Anutuna amaaku marianafa. Anee Isaraee maqannaa karaambaiqa marianafa mariananoo.

Ruka 22:70

Doo kuqaa fee anee Anutuna amaaku fee maridanee qufanoo Yisufa qinau Innee qimariandee qimarunausee qufaqa misa qiqau, doo maqee maaqooqari sia maa fasiqana manda ufa irimarusara randaanaura, doo maqee uqanna narí ookinaa manda ufa maasa daaqooki keeqaifaqa iriqa.

Mareekoo 15:2

Amisoofanoo Piratoofa Yisuna irammirinau. Anee kuqaa fee Yuda maqannaa karaambaiqa fee maridanee qufanoo Yisufa qinau anee qianandeemmiqa maridaqa.

Yoohanee 19:3

Sundiauqa nariqa sundia qamunna afisuamaqaseeqa anireeqa ataasa ataasa qimamaqee maaqi qiqau. Yuda maqannaa karaambaiqa afeeka anee mariana sia dauni kuqua miqidaqa ataasa ataasa qimariqau. Miqi qimasee misa nisaukusamu oori ariqau.

Ruka 23:38

Yisuna aunirira saqarisaa akiaqai akara moo akara rinoo marinau, maaqi qimasee akara rinoo marinau, maa fasiqafa Yuda maqannaa karaambaiqa maridanoo.

Mareekoo 15:32

Doo maqee Anutuna asauku mundirafa maasa Isaraee maqannaasa karaambaiqa auniriranasaaqari tatuaki aqufinaqa maasa irirana minasaa rusisee kuqaa Anutuna amaaku fee qianaura. Manda fasiqaqara dinni dinni nári saqarisaa aruaqanda miqanda faqa Yisunara ataasa ataasa qimariqau.

Mataioo 27:11

Misausai maree fiqau. Yisufa Piratoona koota maqaki kikiqinoo marufanoo Piratoofa anireenoo Yisuna irammirinoo qinau. Anee kuqaa Yuda maqannaa karaambaiqa fee maridanee. Miqi qufanoo Yisufa anee qiannana qinee miqimmiqa maridaqee qinau.

Yoohanee 18:29

Roomma maqannaa kiapafa Piratoofa misa nindafeenoo rauda mafufanoo Yisunara irammirinau. Innee nanaree fee qimasaidee maa fasiqanara ufa qidee.