Ruka 2:1 - Anutuna Ufa

¹ Mi aukuanna mi uriqarara kiapana auqu Aukustusafa marufaqa mina asauku ameemaanai aiqama aanaamuru mariqau, Aukustusafa narí asauku ameemaanai marusara nariqa nikeeku nikaaku maqusaki suqufiqa Roomma maqannaa kiapana papiqaki nuqu akararuanee qufaqa miqimmiqau.

Ruka 2:1 Referans Kwoze

Ruka 3:1

Tibeeriusafa Roomma maqannaasa firaa kiapafa (15) qisaukuqara taikasee qikunni ooqu moodaannai qiku taikasee aukuana maru kamuqoo mi fasannai Yudeeaa maqannaasa kaqikaa kiapafa qaara auqu faqaafa marinau, Poontiusafa moo auqu Piratoofa marinau, Mi fasannai Kariree maqannaasa kaqikaa kiapafa Eeroodeefa marinau, Itureea maqannaasa faqa Tarakoonitisa maqannaasa faqa misa kaqikaa kiapafa Firipina amarafa Eeroodeena akaqa marinau, Abireenee maqannaasa kaqikaa kiapafa Risaniasafa marinau.

Mataioo 24:14

Maa amiqira fasaasa ufana qini innaaruna ququsa ufa maqusa maqusa faiqí anaasee aiqama qimannimisaifaqa misa aiqama irisaifanoo mi kamuqoo taikara aukuana aniannoo.

Firipi 4:22

Maaqoo Anutuna ufa irimariasa aiqamausa inni Firipi maqannaasa nimandaidaqa, Roomma maqannaasa uriqarara fasiqa Sisaana maaqaki ainainimariasa misakiqari akaqausa Yisuna ufa irimariasa misa faqa inni firaaqoo nimandaidaqa.

Roomma 1:8

Maa ufanannai inni qimannimiranara qianaura Anutuna asauku mundirana minannai qinee Pauroosa inni Roomma maqannaasara Anutu finnai dufi dufi qimamaqaidaqa. Aiqama maqannaasa innee Yisuna saqarikiranara irimarifaqa minara qinee Pauroosa innaaru qimamaqaidaqa dufi dufi qidaqa.

Mareekoo 16:15

Yisufa miqi qimasee qimannimiseenoo kafaa maaqi qimasee qimanniminau. Innee maa maqa maaqana afaaqasasa aiqama maqannaa iannai uqanna oonureeqa qini amiqira fasaasa ufa qimannimiaqa

Mareekoo 14:9

Maa ainainnara qimannimianaqa iriaqa sia aunuaqa, maa amiqira fasaasa ufana faiqí anaasee aiqama maa maqana afaaqasasa fidaqa qimannimidaqa maa anaaseefa maqee fadameena qini adia qimaqainara qimannimifaqa sia maa anaaseenara aunifaranoo.

Mataioo 22:17

Maasa iraanana anee iriseenana mina oosana maasa qimaqimia. Maasa maqee maqee Roomma maqannaa kaamanna takisa munnimma amimarunausa maridaqa. Maasa miqidaqa Mooseena sandufa rukiaidee sia fee rukiaidee.

Ruka 2:3

Aiqama maqannaasa Aukustusana ufa iriseeqa andeeqasee nariqa nikeeku nikaaku maqusai nuqu maraaqeera suqi mariqau.

Ruka 2:5

Mariafa Yooseefaana utaaqama amaqarafa amuaqu uqafaqa maridanoo Yooseefaana faqa ooqufinau.

Estaana 10:1

Kinna Serkisisafa faiqi ooruku nammari afaiqara marusa faqa narí maqa maaqaki marusa faqa nifiqasoofaqa misa mifa rakisi maru maqanasa dadaaqira saika auqee mariqau.