Ruka 16:9 - Anutuna Ufa

⁹ Qinee inni qimannimidaqa, maa maqanasaaqaraasa nári afeeka iriranannai kaaqa afeekaikamasee maaqoo mariranara iridaqa munnimma aina afeedidaqa. Innee faqa misa naanna ramasee kaaqa afeekaikamasee naaru marira afeedira ainainakiara munari minari masee inneeqa maaqooqaraa manda munnimmannai sarau imariasa dadaaqiqa innaarunai asumu mariranaki moomoo ainaina afeediaqa.

Ruka 16:9 Referans Kwoze

Mataioo 19:21

Yisufa iriseenoo qimaminau. Anee innaarunai atisaa kai mariananoo. Anee aiqama maraannee qimaseenana aneenna qumiasana aiqama mara mareenana moo atinai nimiseenana feefauru maraseenana kudifasiqauqa nimisainanoo ani qumiasana ani afeesara innaarunai mariannoo. Miqinana doo ania, qini faqa fua.

Mataioo 6:24

Moodaa fasiqa fannoo sia amana qaara rakisiraqanda moodaa kari ainainamma nimaqaannoo. Mifa indaaruqaa rakisiranara akooqaannoo moo rakisiranara aidiannoo. Sia miqinoo mifa moo rakisiranasaa atooqaannoo moo rakisirana minnisaannoo. Innee miqi kai iqa mariafaqa sia amana Anutunara faqa maqasaa qumiasanara faqa moodaanaki sia amana ainainamma nimaqeennaranoo.

Ruka 16:11

Anee maa maqanasaaqaraa munnimma qumiasana furufaramasee rakisinanoo naqi fee masee innaarunai finanoo Anutufa innaarunai mari firaa qumiasana munnimma anisaa quqasee rakisiannee qiannoo fee.

Aaquqira Ufa 19:17

Anee kudi fasiqa anaasee narana aina nimidana Yaaweena amiara foora imariananoo kasooaqee Yaaweefa mina akiiqara ani faqa amiannoo.

Ruka 14:14

Misa sia amana kafaa mina akiaqara ani amifaranoo minara kasooqaqee Anutufa amiqira oosana mareemaria fasiqa anaaseesa kuqiranakiqari mara findifu maseenoo mikari mina akiaqara ani faqa amiannoo.

Ruka 12:33

Innee inneeqa qumiasana moosa nimisee feefauru maraseeqa kudi fasiqa anaasee nimiseeqa, mi andeeqaranannai innee sia afauqaqaaninna munnimmara foora maraseeqa afeediaqa inneeqa aiqama qumiasana innaarunai kai afeediaqa, miqoo sia oorudupiannoo sia ummuara fasiqa fannoo maraannoo sia qooqoosa aukuanno.

Ruka 11:41

Innee inneeqa naundura anukamasaifanoo inni nifaaqa aiqama anukanoo mariannoo.

2 Koorinti 4:17

Kuqaa maasa maqee marunnanaki ufaasu unmaara darirafa maridanoo doo mifa kai firaa areenarana naaru marira areenarana sia amaniaqaairana doo kaaqa firaatia qimiannoo.

Ruka 16:13

Ainainira fasiqa moo fannoo sia amana qaara rakisiraqanda moodaa kari ainainamma nimaqaannoo, sia amana. Mifa indaaruqaanara akooqaannoo moo rakisiriranara aidiannoo. Mifa moo rakisiranasaa atooqeenoo inaaqianaana minnisaannoo, miqi kai iqa innee faqa Anutunara faqa maqasaa qumiasanara faqa moodaanaki sia amana ainainamma nimaqeennaranoo.

Mataioo 6:19

Innee maa maqa maaqanasaa sia aiqama qumiasana oosana oosana mareeqee quqaseeqa afeediaqa. Taafi aruani, atauku aruani, qooqoosa aukuani, ummuara fasiqa aniree ummuara mareefaara.

Yudeesa 1:21

Maasa karaambaiqa Yisufa asauku mundirafa narí nifauarana firaanakiqari maasa sia daruannoo naaru naaru marirana maasa qimiannoo. Innee Yisuna qumiranara afeesidaqa Anutufa inniara nidimarinaki minaki kai mariaqa sia moosaa finana kuridia.

Aaquqira Ufa 23:5

Anee moomoo munnima marasainanoo kai kaqi taikaannoo. Mi munnimmafa aqoosa arufinanoo uqaumuara foora aqamaree sandaannoo.

Idi Ufa 73:26

Qini irirana faqa qini qifaaqa faqa ummooquki marifanoo Anutufa qini afeeka maridanoo. Mifa qini faqa marifaqa qinee aiqama kari amanaikidaqa.

Ruka 16:4

Doo iridaqa qini qiqoondi moomoosaikiaqeera maa saikana taikasee misiannai firara maaqimmianaura.

Aaquqira Ufa 14:24

Irirana faqaasa mariana akiiqara moomoo qumiasa maraidaqa. Irirana siaisa furufarira oosanara aiqamausa iridaqa.