Ruka 12:2 - Anutuna Ufa

² Aiqama rafaaqafira ainaina kasooqaqee Anutufa aiqusaina akooqoo mariannoo aiqama kukeeqara ainaina faqa kasooqaqee kooroomafinoo akooqoo mariannoo. Farisai amaana ufa qimariasa qaaraikirana faqa kooroo iannoo.

Ruka 12:2 Referans Kwoze

Mareekoo 4:22

Miqikaimmasee kasooqaqee aiqama kukeeqee mari ainaina oosana oosana Anutufa mareeqee akooqoo quqaannoo aiqama rafaaqa fimari ainaina faqa akooqoo quqaannoo.

2 Koorinti 5:10

Asauku mundirafa ufa qiminna faasaana maasa aiqamausa mina afusaa kikiqianaura. Kikiqamambuananoo narí kai maasa maa maqanasaa marunnana akiaqara amiqira ainainee mandainainee mina akiaqara aadu aadu qimiannoo.

1 Koorinti 4:5

Innee minara irisee sia maasara kasaaqaindari ufa qiaqa. Karaambaiqa innaarunaindari quminna faasaana kai taikara ufa qimannimirafa mariannoo. Mikari karaambaiqa sia ooqai akooqoo mariu irirana kukeeqara irirana oosana oosana irirana minakinaana uqeereeqeenoo aiqamausa nifusaa kooroomannimaqaannoo. Aiqama fasiqa anaasee naundurakinaa oosana auqeefandiannana deedaqirana akooqoo aiqamausa nifusaa mara quqasainaqa qafeefaranoo. Mikari aiqama fasiqa anaasee nári maqasaa andeeqara nirana marirana amana kai Anutuna amooqirana mareefaranoo. Mikari Anutufa maasa saika oosana aiquqummasee minara ufa qiannoo. Maasa mina ufamau fimariafanausa marunnanara innee sia ufannai maasa saika kasaaqaindari aruaqa.

Roomma 2:16

Kasooqaqee anianinna faasaana Anutufa narí asauku mundirana Yisunannai faiqí anaasee aiqama naunduraki kukeeqarana kooroomaseenoo rainannimaqaannoo, Qinee Pauroosa Anutuna amiqira fasaasufa faiqí anaasee qimannimiqa nidaqa minara qimannimidaqa.