Ruka 11:1 - Anutuna Ufa

^1-2 Moo kari Yisufa moo atinai maridanoo innaaru qimarufanoo mina faiqi namukiqari moo fannoo oonureenoo qimaminau, Karaambaiqa Yoohaneefa nammari nimi marufa narí faiqi namu innaaru qira oosana uqannifiqoondee inana anee faqa maasa uqannifiqaa qufanoo Yisufa eedoo qimasee qinau, innee innaaru qirara maaqi qimasee qiaqanani. Qipoo ani auqu naaquqarafa uriqararafa mariani, Ani innaarunai ququsa maa maqanasaa kambiqaani

Ruka 11:1 Referans Kwoze

Idi Ufa 19:14

Oo Yaawee, anee qini afeeka kukeeqara maqusa faqa qini asumu maree marianafa faqa mariananoo. Amanee qini ufara faqa qini iriranara faqa amiqira fee qimasee eedoo qia.

Yudeesa 1:20

Innee qini qiqoondiuqa sia miqimariasa mariafanoo. Innee Yisuna naaquqara ufaki mariasa mariafanoo maaqara foora auqiqa fifi inaqa minaki afeekaikiaqa. Innee Anutuna naaquqara maraqunannai maqee maqee innaaru qiaqa.

Ruka 6:12

Mi fasannai Yisufa innaaru qirara amuaqu namusa ooruree mi eendanaki innaaru saika imarufanoo iqaqanau.

Ruka 9:18

Moo kari Yisufa naríara oonuree innaaru qimarufaqa mina faiqi namu oonuroofanoo irammirinoo qinau, faiqí anaasee qiniara nana fasiqa fee qidee qufaqa misa qiqau, akaqausa Yoohaneefa nammari nimimarufa kuqiranakiqari findifinoo fee qidaqa, akaqausa aniara ooqai kuqufufa Eeriaafa findifinoo fee qidaqa, akaqausa Anutuna ooqeenaa tamummaqara fasiqauqakiqari moo fannoo kuqiranakiqari findi finoo fee qidaqa.

Heeburu 5:7

Yisufa maa maqanasaa Keetaseemanee saqamaki maridanoo aunirira saqarisaa kuquaninnanara Anutunara innaaru qidanoo qaoo qimirinau. Innaaru qidanoo firaaqoo faaqa rumaseenoo ikiraqaseenoo kuquaninnanara qaoo qimirinoo innaaru qinau. Anutufa mina reendeenirana qafamaseenoo mina aundura Anutufinnai ubeekaranara iriseenoo mina innaaruqirana iriseenoo dadaaqinau.

Ruka 9:28

Yisufa mi ufana qimannimiseenoo dinni qisauku taikasee dinni ani qaaramoo faasaana aiqaroofanoo Yisufa Peetooroona faqa Yoohaneena faqa Yameesana faqa nifiqeenoo moo aaqanai innaaru qirara ooru fiqau. Yisufa naríara innaaru qimarufaqa mina faiqi namu kaqi faiqaqee ufanoo.

Idi Ufa 10:17

Oo Yaawee anee oorudupirausa innaaru irinnaranoo. Anee misa paasoosirana niminnaranoo.

Ruka 7:13

Oo maa kumaaraa qinee ani qimamidaqa doo findifua qufanoo mi kuqira kumaaraafa rutaqinoo findifinoo ufa qinau.

Ruka 7:19

Inneeqara karaambaiqinnai oonuree maaqi qimasee iramiriaqa Qinee anianinnanara qiafanafa anee mifee maridanee moonaree rakisianauree, miqi qimasee qimannimisee niqiqoofaqa miqanda Yisufinnai oonuree iramiriqa qiqau.

Ruka 10:42

Anee moodaa narana suqaaqaana mifa amanaikinoo maridanoo ani anasaafa Mariafa andeeqara ainaina mareenoo Anutuna ufa reendeenamafinoo iridanoo, qinee sia mi ainainna minasaaqaraana rafiaanaura.