Ruka 10:4 - Anutuna Ufa

⁴ Innee afunee uqa aakauqa fee niku aanaamu fee sia maree fuaqa, aanai fidaqa faiqí sia nimandaaqa. Innee maqusai oonuree faiqí moona maaqaki keeqarara maaqi qiaqa Anutuna asooarafa maa maqanaki mariani.

Ruka 10:4 Referans Kwoze

Ruka 22:35

Yisufa miqi qimaseenoo quandafufanoo aiqama qimanniminoo qinau, Ooqai qinee inni niqiqamasaafanaqa innee munnimma fee rusaka fee niku aanaamu fee sia maree fiqau, innee mikari moo ainainara sarau fee iqau qufaqa misa qiqau, Oo sia moodaa ainainara sarauqimariafanausa maridaqee qufanoo Yisufa qimanniminoo qinau, munnimma pausa marina mina maqee maraaqa rusaka marina mina maqee maraaqa, rakira paipana siainafa narí asausi faqaa siuta moona amisee mina akiaqara rakira paipana maraaqa.

Aaquqira Ufa 4:25

Aneenna firaree qinnaqoo amiqimmasee aiuqummasee kuqaa qimaseenana fua. Sia aneenna akiiqa asauriranaki quqaa.

Oosana 24:56

Miqi qufanoo Abaraqaammana ainainira fasiqa fannoo qinau. Doo sia maasa rafaaqa fua. Doo qinee maqee fidaqa. Karaambaiqa fannoo qinee kisaaqasaa anunna saikana anoona doo kambiqasaifaqa qafamaseeqa sainaqa qeeqa uriqarara finnai fua.

Oosana 24:33

Niku nammari uqu soofanoo Rabanafa narana niminau. Nimufanoo Abaraqaammana ainainira fasiqa fannoo qaoo qimasee qinau. Sia qinee kaqi naanaura. Qinee qiraree qunna ufana qima nimiseeqa miqoo naanaura. Rabanafa minara iriseenoo qinau. Doo qinaqa maasa iria.

Mareekoo 6:7

Qimannimiseenoo narí faiqi namu naarama quqaseenoo manda afaanna faiqí anaasee naundurai marusa misa niqiqara afeeka nimiseenoo qaaraqanda qapamandee qaaraqanda qapamandeenoo qimanniminoo qinau, Sia moo ainaina maree fuaqa saunu kai qara maree fuaqa, feemu faqa uqa faqa munnimma faqa sia maree fuaqa, niku aanaamu afisumareeqa siuta moodaa afisumaree sia aabaa moo maraaqa.