Ruka 10:11 - Anutuna Ufa

¹¹ Inni maqusa kookoomma fannoo maasa qifaaqai atooqafifaqa maasa rukeeqee inniqa nifaaqai aqiqa, maa ufana amiqimasee iriaqa Anutuna innaaruna ququsa fannoo inni naaqa ani marifaqa minnisaafanoo.

Ruka 10:11 Referans Kwoze

Heeburu 1:3

Mifa narí akoona Anutunasaaqaraa areenarana firaaqoo rupannooidanoo mifa Anutuna oori afiri amudaani narí akoofara foora mina amanakai uqanna maridanoo, narí afeekufannai innaaruna faqa maqa faqa aiqama ainaina uqeera afeekaikamaqoofanoo maridanoo. Mifa Anutuna amaaku fannoo faiqí faiqi mandainaina maqasaa qumu anukama rukaseenoo narí akoona aaqa innaarunai aiqama ainaina uriqararana asauku uqannai ooru ooqumarinau.

Mareekoo 6:11

Innee moo maqusai fifaqa misa sia inni mara quqeeqa sia inni ufa irifaqa innee fidaqa kookoomma afaqa ninaamarasee fuaqa. Innee miqiqa Anutuna naruaninnanara misa aaquqima nimaqeefaranoo. Yisufa miqi qimaseenoo niqiqoofaqa maqusa maqusa fidaqa faiqí anaaseera nári mandainainara nimeesuquaqeera qimannimiqa fiqau.

Mataioo 10:14

Yamaqusanai fee yamaqannaaki fee sia inni ufa irisee sia inni amiqi amiqifaqa innee mi maqusanakiqari raudamaki fiqa kookooma afaqa qumaree ninaamarasee fuaqa.

Roomma 10:21

Miqi qimaseenoo Isaraee maqannaasara maaqi qinau. Qinee faasaambaasaana inni rafusira runaqa innee ufa rukieeqa kaqirunna fimaria maqannaasa maridaqa rafusiranara rufiee mariafanoo.

Roomma 10:8

Akara fannoo maasa inni qimannimira ufara maaqi qidanoo. Anutuna qimannimira ufa inni naaqa maridanoo inni nifaurusaa maridanoo inni nimuqusaki maridanoo. Miqimmasee Mooseefa maasa faiqí anaasee qimannimimari ufanara Yisunasaa irirana mundiranara qidanoo.

Mataioo 3:2

Mifa maaqi qimasee fuki faaki qidanoo qimannimimarinau. Anutuna ququsa qusasaa innisaa ititafuannoo. Minara innee aiqamausa inneeqa mandainainara quqasee quandafina Anutufinnai noori ubeekaaqa.

Mataioo 10:7

Innee fidaqa maaqi qimasee qimannimiaqa. Innaarunai ququsa fannoo adeediranoo maridanoo.

Ruka 9:5

Yamaqusanaasee inniara qaoo qifaqa Anutufa naruaninnanara aaquqimannimaqasee kookoomma afaqa ninaamarasee fuaqa.

Ruka 10:10

Innee moo maqusaki oonuraifaqa misa sia inni amiqi amiqimannimaqaifaqa innee maqusa qambaanai maridaqa maaqi qimasee qimannimiaqa.