Ruka 1:8 - Anutuna Ufa

⁸ Moo kari narí saika faasaana Seekariafa Yeerusaree amaana maqaki keeqafinoo narí amaana maqasaa rakisira saika Anutuna afusaa mina saika qimari fee qimarufanoo maree marinau. Amaana maqasaa rakisi marusa misakiqari yafee amiqira unda imari nammarina amaana maqaki suqeemaria qaindanasaa suqaannoo fee qimasee masisa rutukiara foorammasee Seekariana uqannifiqasoofanoo findifinoo mi amiqira undana imaru nammarinaki ida qumbiaramasoofanoo qeemarufaqa mikari faiqí anaasee moomoo amaana maqa naambeeqai maqusai suqufufaqa innaaru qimariqau. Amiqira unda imari nammarina qumbiaramasaafanoo qaidanoo mina muna fannoo faiqí anaasee innaaru qimariafa mi ida munnara foora ooru fidanoo Anutuna aiki ambuidanoo misa innaaru koorooidanoo.

Ruka 1:8 Referans Kwoze

Ruka 1:5

Mi ufana oosana maaqimminoo marinau, Eeroodeefa Yudeeaa maqa maaqaki karaambaiqa maru kamuqoo Yisufa kambiqanau, mi aukuanna Yeerusaree amaana maqasaa rakisirafa moo mina auqu Seekariafa marinau. Amaana maqasaa rakisi marusa faiqí oosana oosanakiqari mariqau, nuqufaqaasa mariqau, Seekariafa Abiaana oosanakiqari marinau. Mina anaaqa Aaroona akeeku akaaku mina auqu Eerisabeeta nammarifa marinau.

Rafudoo Akarafa 30:30

Miqimmasee Aaroona narí faiqi namu faqa mi fadameenna aku nimaqa sainaqa qini aanaiqikira saikaki mariaqa.

Rafudoo Akarafa 29:44

Qinee qeeqa uiqaana maqa faqa qaidara faqa naaquqara faika masaanaura. Qinee Aaroona narí faiqi namu faqa qini ainainirausa mariafaqa naaduma misa aanaiqikira saikaki quqaanaura.

Rafudoo Akarafa 29:9

Niranandauqanna rumbee mariana rumbasee nikiiqa aanaamu faqa afisu nimaqaaqa. Miqimmaseeqa Aaroona faqa mina faiqi namu faqa mi saikana nimia. Misa faqa misa saa aniaruakinausa qini aanaiqikira saikaki naaru naaru marifaranoo.

Rafudoo Akarafa 29:1

Maaqimmasee Aaroona faqa mina faiqi namu faqa naaduma mara quqasaifaqa qini saikaki aanaiqikirausa mariaqa. Innee burimakau akoona timmusa faqa sipsipa akoona qaaraqanda dinee teeroo siaina kai maree aniaqa.

Rafudoo Akarafa 28:41

Moosee anee maa qamunnausa mara maree aneenna afasaana Aaroona narí faiqi namu faqa afisu nimaqaa. Oorifa fadameena misa nikiiqa amoondunna adia nimaqasee naaduma mara quqasee mi saikana nimia. Miqimmasainaqa misa qini aanaiqikira saika maraaqa.

Rafudoo Akarafa 28:1

Yaaweefa kaifaa Mooseena qimaminoo qinau. Anee aneenna afasaana faqa mina faiqi namu Nadabana faqa Abiuna faqa Eeriasana faqa naara masee Itammarana faqa Isaraee maqannaasa kinaana raina naaduma quqasainaqa qini aanaiqi kira saika maraaqa.

Ruka 1:7

Eerisabeeta nammarifa aafanaasee marunara miqanda asooqaqeeqa faiqi siaiqanda mariqau.