Ruka 1:6 - Anutuna Ufa

⁶ Mi qafaqiqanda Seekariasa Eerisabeetasa andeeqasee Anutuna ufamau fimaruqanda mariqau. Aiqama karaambaiqa Anutuna aaquqira ufa faqa naamuaqira ufa faqa mi mau fimaruqanda mariqau.

Ruka 1:6 Referans Kwoze

Oosana 7:1

Karaambaiqa Nooana maaqi qimasee qimaminau. Anee aneenna aiku asauku faqa sipaki keeqaa. Maqa saaqaraasakiqari anee kai aneennaraa andeeqarafa mariana qafaidaqa.

Oosana 17:1

Abarammafa mariufanoo 99 aukuana marasoofanoo Karaambaiqa mina afusa kooroo mafi qimaminau. Qinee aiqama afeeka faqaa Anutusa maridaqa. Anee aiqama kari qini ufa qaindusidana andeeqara ainaina kai auqaa.

1 Teesaroonika 3:13

Miqifanoo Anutufa inni nimuqusa mapukusee afeekaikamma nimiannoo. Innisaimbaqa karaambaiqa Yisufa narí aiku asauku faqa kafaa qumureenoo inni mareeqeenoo andeeqarausa naaquqarausaikama nisainaqa maasa qikoona Anutuna afusaa kikiqifaranoo.

1 Yoohanee 2:3

Maasa Anutuna ufa iriseeqa mi mau fidaqa kuqaa Anutunara iridee qianaura.

2 Peetooroo 3:14

Qini qiqoondiuqa innee mi faasaannara afeesida maridaqa Anutuna afusaa maridaqa nisakadiki qikairi siaisa mandainaina siaisa mariaqa innee faqa Anutuna faqa noori runirafa sia mi qambaanna mariani asooarana kai mariani.

1 Yoohanee 3:7

Qini faiqinamu nikaru qimari fasiqafa anireenoo inni ueeqaandoo qimasee maana inni qimannimidaqa aufariaqee qidaqa andeeqara qoo nimariasa andeeqarausa maridaqa asauku mundirana aanna rarausa andeeqarausa mariaqa.

1 Yoohanee 2:29

Innee asauku mundiranara irimariafanoo mifa andeeqeemarifa maridanoo. Innee maanara faqa doo iriaqa, faiqí fee anaasee fee moo fannoo andeeqara oosana marainafa mifa faqa Anutuna faiqiara foora maridanoo.

Kooroosee 1:22

Innee minni marufanoo Anutufa maqee inni mareeqeenoo narí aaqa quqaseenoo moodaanaki kinau. Narí amaaku narí afaaqa uqanna kuqiranannai kai inni moodaanaki aqoondikamma nimaqanau. Anutufa sia fifaufau miqinau. Inni marirafa nirafa amiqira marira andeeqara nira nuaqeera miqinau. Yisufa inni mareeqeenoo Anutuna afusaa kooroomasainaqa inniki sia moo nifasaasa ufa marianifeera nuqu siaisa mariaqeera minara Anutufa inni aqoondikamma nimaqanau.

2 Koorinti 1:12

Oo Koorinti maqannaasa maasa maqusa maqusa nidaqa inni faqa mariafananoo qini daakirafa irirafa maaqimandee qimaqimidanoo. Maasa inni faqa mariafananoo sia faiqí irirafa maasa uqaqifiqanau. Anutufa dadaaqufaqa narikinaana akooqoo anoona ufa faqa noori runusee auqarafa faqa, Anutuna afaarira amiqi amiqira afeeka faqa mifauqa kai rakisiqimaqee marifaqa inni faqa maridaqa minara maasa irisee nasuridaqa.

1 Koorinti 11:2

Oo Koorinti maqannaasa innee qiniara maqee maqee irisee Yisuna ufa irimariasa sandufa qinee qimamiafanna ufamau fimarianara inni nimooqidaqa.

Idi Ufa 119:6

Qinee ani sanda ufa aiqama kasoommafi iriaraasidaqa.

Oosana 6:9

Nooana oosana maaqimminoo marinau. Nooafa kai sia aaqarana marufa marinau, narí faqa marusakiqari naríaraa kai andeeqarafa marinau. Mifa kai Anutuna aqoondikiranaki marinau. Mina amaaku qaarammoo namu mariqau. Misa nuqu Seemmafa faqa Qammafa faqa Yafeetafa faqa mariqau.

Ruka 16:15

Yisufa iriseenoo qimanniminau, innee inneeqa kai maqasaa fasiqauqa nifusaa andeeqarausee qimariasa mariafanoo, Anutufa inni naunduraki qafee marifa maqasaa fasiqauqa amiqira ainainee qimarianara Anutufa mandainainee qidanoo.

Ruka 1:7

Eerisabeeta nammarifa aafanaasee marunara miqanda asooqaqeeqa faiqi siaiqanda mariqau.

Ruka 2:25

Moo nauraiqi auqu Simeeoonafa mi aukuanna Yeerusaree maqusai amaana maqaki ainainimarufa maridanoo kaaqa Anutuna ufara rimarufa Isaraee maqannaa asumu maraaninnanara afeesara marinau.

Roomma 8:4

Maasakiqari akaqausa sia faiqí faiqi iriranamau fimariasa Anutuna maraquna sandufamau fimariasa maasara Anutufa qiqafeenoo sia maasa andeeqarafa Mooseena sandufa amana ooru maridanoo, ooreeqanoo maridanoo. Anutufa mina qafamaseenoo maasa andeeqarafa Mooseena sandufa amana kai ooru fuanifee qimasee narí amaaku aqiqoofanoo quminau.