Roomma 9:8 - Anutuna Ufa

⁸ Mi ufana Anutuna qimamira ufara qinee maaqi qidaqa. Abarahaamana dapi anaasee Qakaarana kaqi fifau maroona faiqi namu sia Abarahaamana aiku asauku fee qinoo maridanoo. Anutufa qima afeekaikiranannai maqoo faiqina mina aiku asaukuara Abarahaamana aiku asauku anoona uqannee qidaqa.

Roomma 9:8 Referans Kwoze

Yoohanee 1:13

Anutuna faiqi miqimariasa kambiqafi mariasa sia maa maqa maaqanaki mariasakiqari kambiqaqau. Sia faiqí faiqi imariandeefau mafi kambiqaqau. Sia faiqí nári iriranannaifau Anutuna faiqi kammafi kambiqaqau. Anutuna iriranannai kai kambiqafufaqa mina faiqi namukiqau.

Roomma 8:14

Anutuna maraquna fannoo nifiqee fimarisa Anutuna faiqi namu maridaqa.

Idi Ufa 87:6

Anutufa aiqama fasiqa anaasee nuqu narí papiqaki akara ruannoo. Misakiqari akaqausara narí ufa irimariasa Sioona maqusanaasa namufaqa nisaana ruannoo.

Idi Ufa 22:30

Naaru kambiqainausa mina ainainira faiqiuqa marifaranoo. Misa kasooaqee kambiqainausa Yaaweenara qimannimifaranoo.

Oosana 31:15

Mifa maaqandara aanaamuruara foora midanoo. Doo mifa maaqandasaa feefauru mara mareenoo doo nariki kai taikeenoo.

Mataioo 3:9

Yoohaneefa kaifaa qimanniminau. Innee inneeqara maasa Abarahaana aiku asauku maridaqee sia Anutufa daruannoo fee qimariasa. Maasara amiqirausee qimariasee qimariafanoo. Miqi qimaria ufana sia qiaqa. Qini ufa iriaqa Anutufa maa fifau ooniuqara qinanoo amana Abarahaana aiku asauku kambiqeefaranoo. Nanaree innee fifau maasa Abarahaana aiku asauku maridee qida fee. Fifau faafau ufa dapi ufa qimariafanoo.

Roomma 8:16

Anutuna maraquna fannoo aniree maasa qeeqa maraquna minasaa ootupamasaannanara maasa maraquna qimamida maaqi qidanoo innee Anutuna faiqi namu mariafanoo fee qidanoo.

Roomma 8:19

Anutufa auqu quqoo ainainausa innaarunaindaraana faqa maqasaaqaraana faqa mi ainainausa aiqama moodaanaki kaaqa aupurarana maraidaqa Anutuna faiqi namu faiqí faiqi misa kuqiranakiqari findifiranara afeesidaqa. Misa kaaqa firaaqoo minara afeesida maridaqa. Maasa Anutuna faiqi namu saimbaqa putaa iranakiqari idukuaqee qimasee kaaqa afeesidaqa.

Heeburu 11:11

Abarahaamafa narí anaaqa Saraqanandiri asooqa nauaraiqi mariqau. Saraqana faiqi maqara kamu doo taikafufaqa faiqi siaiqanda mariqau. Mi kamuqoo Anutunasaa irirana rusimarunannai kai ooqa faiqi Isakeena maqaqau. Ooqai Anutuna mandaaqee marunnannai kai faiqi maqaqau. Ooqai Anutufa faiqi amianauree qufaqa iriseeqa eedoo qimaseeqa nifaaqa quqasee kisaaqasaa mariuna maqaqau.