Roomma 9:5 - Anutuna Ufa

⁵ Misa ooqeenaasa faiqí nuqufaqaasa Abarahaamana faqa Isakeena faqa Yakooboona faqa misauqa faiqi namu niku nisauku mariasa, misa asauku mundirafa mi maqannaasaki qumu kambiqafufaqa moodaa maqannaa marusa maridaqa. Anutufa aiqamausara rakisidanoo, naaru naaru mina amooqiaqa. Kuqaa.

Roomma 9:5 Referans Kwoze

Roomma 1:25

Misa Anutuna anoona ufa mareeqee kaqinni quqaseeqa unna ufa mareeqee nifusaa quqasee minara kuqaa fee qidaqa. Naaru naaru amooqimaria Anutuna aiqama ainaina auqu quqoo Anutunara minnisee quandaki Anutufa auqu quqoo ainainara fifau ainainara innaaru qimasee maasa Anutu fee qimasee mi mau fidaqa.

1 Yoohanee 5:20

Maasa maanara iridaqa asauku mundirafa Anutuna amaaku uqanna maasa Anutunara iriaqeera mina irirana qiminau. Doo maqee maasa Anutuna amaaku asauku mundirana Yisunaki marianara moodaanaki kuqaa anoona Anutunaki maridee qidaqa. Miqiqa maasa anoona Anutunaki faqa anoona asumu mariranaki faqa maridaqee qidaqa.

Yoohanee 10:30

Qini qikoofa faqa qinee faqa moodaa marunnanara sia amana rafieefaranoo.

1 Timooti 3:16

Maasa Yisuna ufa irirana anoona ooqaindari kukeeqara ufa marifa Yisufa idaaqirafa firaafa maridanoo, sia amana moo fannoo minara qaoo qirafa. Yisufa maqasaa fasiqa nifiri kammafinoo koorooinau. Anutuna maraquna fannoo minara andeeqarafa maridanoo fee qinau. Qangiroouqa mina qafaqau. Faiqí moomoosa maaqanna maaqanna minara qimannimiqau. Maa maqa maaqanaki marusa minara kuqaammifoo qiqau. Anutufa mina mareeqeenoo innaarunai quqaqoofanoo maridanoo.

Roomma 1:3

Mi amiqira fasaasa ufana narí amaaku narí asauku mundirana Yisunara maasa karaambaiqara qidanoo. Mifa Dafidinakiqari kambiqoonara maasa maqasaa fasiqee qidaqa. Anutufa narí firaa afeekannai kuqiranakinaana Yisuna mara findifumaseenoo minannai uqannifiqasoofaqa iriseeqa misa minara Anutuna amaaku innaarunaindaraafa naaquqarafee qidaqa.

Uqafiqoo Ufafa 1:18

Qinee ooqai kaqi mariafanausa maridaqa, qinee kuquafanausa maridaqa doo qiqafa kaqi marunausa maridaqa naaru naaru marianaura. Qinee kuqiranara rakisirausa uriqararausa maridaqa mina kooqi kiqa uaqeeiunausa maridaqa kuqiranaki mariasa mandoosana mareeusa misa mariaqoo faqa uriqararausa maridaqa mina kooqi kiqa faqa uaqeeidaqa.

Uqafiqoo Ufafa 22:16

Qinee Yisufa maa ufausa amaana maqaki keeqee mariasa qimannimiaqee qimasee qeeqa qangiroo aqiqeeqa. Qinee Dafidina oosanakiqari minati maridaqa. Qinee kananaana duqudeeqiara maqi kaaqa qeemarunausa maridaqa. (Yisuna saqariki mariasa aiqama mina aqoonausara foora mariafanoo misara Yoohaneefa moodaanaki sipsipa aanaaqi Yisuna anaaqa fee qidanoo maa papiqanaki qidanoo.)

2 Koorinti 11:31

Anutufa maasa karaambaiqa Yisuna akoofa naaru naaru mina auqu amiqi amiqirafa kai mariani, mifa kai qiniara sia unnaqi mari fee qidanoo, iridanoo.

Roomma 11:28

Yuda maqannaasa Yisuna amiqira fasaasa ufa minnisoonara Anutuna ufaasu namuqaa kammiqa maridaqa. Sia fifau, inni aanaamuru mariasara iriseenoo Anutufa miqimma nimaqasoofaqa miqidaqa. Anutufa Abarahaamana Isakeena Yakooboonara iriseenoo, aiqama aanaamurukinaana rusandeesamumandee maroonara iriseenoo misasaa aruakinausa misa amiqi amiqimma nimaqoonara iriseenoo Isaraee maqannaasara qini qiqoondi fee qidanoo.

Roomma 10:12

Mi ufana aiqamausara qidanoo Yuda maqannaa faqa aanaamuru faqa sia rainarafa maridanoo Anutufa aiqamausa narí aaree mariasa dadaaqirafa maridanoo. Aiqamausa amana amana kai Anutufa narí aaree mariasa firaaqoo naundura marirana amiqi amiqimannimaqaannoo.

Idi Ufa 106:48

Isaraee maqannaasa Anutuna Yaaweena amooqiaqa. Maqee faqa naaru naaru faqa mina amooqiaqa. Faíqi anaasee aiqama minara kuqaa fee qiaqa. Yaaweena amooqiaqa.

Idi Ufa 103:19

Yaaweefa narí rakisi nimaqara qaari innaarunai quqaqaifanoo afeekaikinoo maridanoo. Mifa aiqama maqannaasa uriqararafa maridanoo.

Idi Ufa 72:19

Mina areenara auqu naaru naaru amooqiaqa. Maa maqa maaqanakina aiqamai mina qareenarafa qumbiqanoo mariani. Kuqaa uqanna.

Idi Ufa 45:6

Anutufa anee naaru naaru uriqarana maridana aneenna faiqí anaasee andeeqara oosanannoo rakisi nimaqaa.

Idi Ufa 41:13

Yaaweena Isaraee maqannaasa Anutuna amooqia. Maqee faqa naaru naaru faqa amooqima amaqaa. Kuqaa uqanna kafaa kuqaa fee qidaqa.

Uqafiqoo Ufafa 22:20

Qinee maa papiqanakinaa ufa qima afeekaikammannimi marunausa Yisusa maaqi qimasee qimannimidaqa kuqaa uqanna qinee qusasaa innee iannai kaifaa ooqu fuanaura. Qinee Yoohaneesa minara maaqi qidaqa. Oo karaambaiqa Yisu doo qumuannee qidaqa.

2 Timooti 2:8

Aneenna aaqooki asauku mundirana Yisunara iria, mifa Dafidina ati kuqiranakiqari findifufa maridanoo. Mina amiqira fasaasa ufa qinee qimannimi marunnana mina koorooidanoo.

1 Timooti 6:15

Anutufa amiqirafa moodaa rakisirafa aiqama uriqararausa urinaaqararafa aiqama karaambaiqauqa karaambaiqa mifa narí kai irisee andeeqara aukuanee qimaseenoo mi aukuanna kai Yisuna aqiqainanoo mai kafaa kooroomannimaqaannoo.

1 Koorinti 14:16

Innee Yisuna ufara suqimariasa suqimarifanoo moo fannoo Anutuna maraquna fannoo aakinanoo narí amana fannoo kai aanaamuru ufakiqari innaaru qinanoo moo kaqiqee fasiqa fannoo ani marida iridanoo naqimasee mifa iriseenoo Anutunara mifa faqa eedoo qiannoo fee. Mifa sia uqanna amana ani ufa oosanara iriannoo.

Mataioo 28:20

Aiqama ufa qimannimiafannana misa faqa mi ufana aiqamausa uqanna qimannimifaqa iriseeqa mi ufana qumaraaqeera, mi ufanamau kai fuaqa. Innee maqusa maqusa fifaqa qinee faqa qumee inni faqa fuanaura. Innee miqi marifaqa qinee qumee kai inni faqa nuanaura. Sia inni mininnisaanaura kasoo innaaruna faqa maqa faqa taikara aukuana inniqa saimbaqa moodaanaki kianaura.

Idi Ufa 89:52

Naaru naaru amooqirafa Yaaweenaindi mariani. Kuqaa kafaa kuqaa.

Uqafiqoo Ufafa 5:14

Misa miqi qimasee idi roofanoo qaara faqa qaara faqa aandau namu misa roo idina irisee kuqaa fee qufaqa miqoo uriqararausa marusa noorindari maqasaa rupaitamafufaqa Yisuna amooqimamaqaqau.

Mataioo 6:13

Sia anee maasa rarisameeqeenana afeeka nimaniraqoo quqaqisaa. Manda fasiqa asaukuki marunnana anee Anutufa uqeereeqee kaqinni amiqiraqoo quqaqisaa.

Oosana 49:10

Yudafa karaambaiqa duru feefa uaqeeiannoo. Minasaa ani aruakinausa uriqaraqa maridaqa rakisi nimaqeefaranoo. Mifa uriqarara auqu marasee rakisi nimaqanoo fifiinoo Siroo maqusaki oonuraannoo. Miqoo maridanoo aiqama maqannaasa mina ameemaanai marifanoo rakisinnimaqaannoo mina aiku oosana maridaqa mina ufa mau kai fifaranoo.

Oosana 12:3

Aniara amiqi amiqi mariasa qinee faqa quandafiqa misa faqa amiqi amiqi ianaura ani aqurarainausa qinee faqa quandafiqa misa faqa niquraraanaura. Aniaroo qimasee misa aiqama maqasaaqaraasa amiqi amiqimma nimaqaanaura.

Heeburu 7:24

Yisufa sia misa naanna ree kuquannoo sia mina aanaiqikirafa moonasaa mariannoo, narí naaru naaru marinara nariki kai naaru naaru mariannoo.

Ruka 20:44

Dafidifa mi idi papiqanaki Anutuna asauku mundiranara qini karaambaiqee qidanoo minara iriseeqa iraidaqa, Anutuna asauku mundirafa naqi fee masee Dafidina karaambaiqa faqa mina ati faqa aiqamaqara moodaa kari noo mariannoo fee.