Roomma 9:4 - Anutuna Ufa

⁴ Misa Isaraee maqannaasa Anutufa aiqama maqannaasakinaana rusandeesamumandee Isaraee maqannaa maroosa mariafanoo, Anutufa misa mareeqeenoo narí faiqinamukamasee narí areenarana raina nimiqoosa mariafanoo. Anutufa narí moodaanaki kira ufa oosana oosana moomoo nimiseenoo narí sandufa faqa Mooseenasaa quqasoona faqa niminau, misa Anutuna amooqirafa anoonamau fimariasa, misa Anutuna qima afeekaikira ufa moomoo maree marusa.

Roomma 9:4 Referans Kwoze

Eefeesusa 2:12

Innee Eefeesusa maqusanaasa asauku mundiranasaaqari naaduma nianasaa mariusa mariafanoo, innee aanaamuru Anutufa maqasaaqaraasaki sia rusandeesamumandee nariara maroosa mariafanoo, aanaamuru nianasaa mariusa mariafanoo. Anutufa Yuda maqannaasa faqa moodaanakikira ufa oosana oosana qima afeekaikiranasaa mundiqa mariusa mariafaqa innee aanaamuru sia minaki marusa naaduma nianasaa marusa mariafanoo. Innee Eefeesusa maqusanaasa maa maqa maaqanaki maridaqa sia Anutunara faqa moo ainainara faqa irimariqau kaqi furufara kaimmiqaniqau, Anutuna siaisa mariqau.

Idi Ufa 147:19

Mifa narí ufa narí faiqí anaasee nimidanoo. Mifa narí sandufa faqa narí naakaparufa faqa Isaraee maqannaasa nimidanoo.

Roomma 9:6

Qinee Isaraee maqannaasara irisee sia Anutuna qima afeekaikira ufara kadiqee maqi qidaqa. Anutufa sia aiqama Isaraee maqannaasa rusandeesamumandee narí faiqi namu mariaqee qimasee maranau.

Oosana 17:2

Qinee ani faqa qeeqa moodaanaki kira ufa qimasee anisaaqari asumu moomoo kambiqa nimaqaanaura.

Rafudoo Akarafa 4:22

Anee maaqi qimaseenana Faraoona qimamia. Yaaweefa maaqi qidanoo. Isaraee maqannaasa qini ooqa faiqiara foora maridammiaafoo qia.

Heeburu 9:1

Indaaruqaa moodaanaki kira ufa maru kamuqoo Anutunara innaaruqira sandufa oosana oosana marinau. Faiqí nisaukunnai auqara uqiqaana maqa Anutunara amooqimaria maaqafa faqa marinau.

Idi Ufa 89:3

Anee Anutufa maaqi qinau qinee qeeqa moodaanaki kira ufa qinee rusandeesamu masee maraafanna fasiqanasaa Dafidinasaa quqeefee qinau. Qinee qeeqa ainainira faiqi Dafidinara qima afeekaikiqa.

Roomma 8:15

Anutufa narí nimimari maraqunafa sia inni manda rumbaranaki quqaseenoo rufiarana nimiannoo, mifa sia miqidanoo maaqimmiannoo inni mareeqeenoo inni Anutuna faiqi namu kammasainaqa mina afeekannai kai qifaaqa quqasee maasa Anutunara maasa qikoonee qidaqa.

Yoohanee 1:17

Anutufa Mooseenannai narí sandufa narí amusufa maasa qiminau. Asauku mundirana Yisunannai narí kaqi asasamandee nimirufa faqa kuqaa anoona ufa qirana faqa maasa qiminau.

Oosana 17:7

Qinee qeeqa qima afeekaikira ufa ani faqa ani asaifaqausa naaru kambiqainausa faqa qiafannana naaru marira moodaanaki kira ufara foora rakisianaura. Qinee ani faqa ani asaifaqausa Anutusa marianaura.

Heeburu 9:10

Anutuna ami maria ainainna faqa aandau tatufusee ami mariafa faqa mi namusa naranara faqa nammariara faqa nammarinnai findaukarana oosana oosana faqa qidaqa. Nipatasaaqaraa ainaina mi ainainafa ufaasu maridanoo. Anutufa fuka ainaina quqaranara minara afeesidanoo ufaasu maridanoo.

Heeburu 9:3

Firaa qamunna mi oosiranasaa ititanoo marinau. Mina dinni kooqi maqa marinau. Mina dinnatinai kukeeqaranaki firaaqoo naaquqara oosirafa mi atinai marinau.

Yoohanee 1:47

Firipifa mina afiqeenoo oonu roofanoo Yisufa Natanaeerana qafamaseenoo qimaminoo qinau. Oo maafa Isaraee maqannaa faiqí uqanna anidanoo. Sia qunna ufa minaki marifa andeeqarafa kai marifa maridanoo.

Mataioo 21:33

Yisufa mi ufana qimannimiseenoo kafaa moo ufa quandafufanoo maaqi qimasee qimanniminau. (Yisufa nariqa munnimma maree maru saikanara irisee uainna sanda ummaqirana kikiqa ususeenoo narí arifandinnanara qimanniminau. Maaqoo maasa sia uainna saikara iridaqa. Maasa munnimma maree maria saikafa koofi kai marinara Yisuna uainna kikiqira ufara maasa quandasee koofi kikiqa usuanaura.) Yisufa qimanniminoo qinau. Iriaqa, faiqí moo fannoo ainainafaqaafa ququsa auquseenoo koofi asumu ummaquseenoo nári oosana maraseenoo koofi qambaanai qainda afeeka meeraqoo sandaaqai auquseenoo minni maridanoo ummuarira fasiqara kaasau aandau ainainara rakisiaqeera qainda auqinau. Koofi nammaruqi maria difaani firaana faqa auqinau. Koofi innooqafufanoo mina akoofa rakisira fasiqausa qufaasu niminoo qinau. Innee qini koofisaa rakisiqisee marifaqa qinee qambaanai oosusaanaqa innee dindanai rafarisee nimiseeqa ooni maraaqa dindanai rafarisee nimiseeqa ooni mara qini qimaqaaqa qinee moosaa fuanauree qimasee moosaa finau.

Idi Ufa 90:16

Oo Yaawee anee kaaqa idaaqira ainaina auqu quqoonnana maasa aneenna ainainira fasiqauqa nifusaa kooroommasee uqannifiqaa. Aneenna areenara afeeka faqa maasa faiqinamu qinaiqi mara uqannifiqa.

Idi Ufa 89:34

Qinee moodaanaki kira ufa mina faqa qiafannana sia aikatamasee kaqinni fuanaura. Qeeqa dookiqari qiafanna ufana sia moo mafi quqaanaura, miqoo kai marianaura.

Idi Ufa 78:61

Mifa narí qima afeekaikira bookisa narí afeeka maruna namuqaa nisaukuki quqasoofaqa maree fiqau. Mifa narí bookisa narí afeeka areenarafa maruna mareeqeenoo namuqaa nisaukuki quqasoofaqa maree fiqau.

Idi Ufa 73:1

Oo kuqaa Anutufa Isaraee maqannaasa amiqi amiqi marifa maridanoo. Anukara nimuqusa faqaasa amiqi amiqimma nimaqaannoo.

Idi Ufa 63:2

Ani naaquqara uiqaana maqaki ani qafaanaura, ani afeeka faqa ani qareenarana faqa qafaanaura.

Rafudoo Akarafa 40:34

Miqi masoofanoo qasuru fannoo uiqaana maqa dukunimambufanoo Yaaweena kaaqa qara daroo daraa irafa uiqaana maqaki qumbiqa finau.

Rafudoo Akarafa 34:27

Yaaweefa mi ufanara Mooseena qimaminoo qinau. Anee aiqama maa ufausa akara rua. Maa ufausa qinee ani faqa Isaraee maqannaasa faqa moodaanaki qima afeekai kamma qaunna ufana oosana maridanoo.

Rafudoo Akarafa 12:25

Innee Yaaweefa qima afeekaikamasee nimiraree qimaqoo maqannaasa oonureeqa maaqimmiqa fuaqa.

Oosana 32:28

Miqi qufanoo mi fasiqafa qinau. Maqee maaqooqari Yakooboofa taikaannoo ani auqu Isaraeerafa marinnaranoo. Anee Anutuna faqa faiqí faqa aitatafi qumaraanannannoo uriqararafa marianaqa minara ani auqu Isaraeera fee qidaqa.

Oosana 17:10

Anee faqa ani asaifaqausamara faqa aiqama eedoo qimasee akoonaiqi faiqiuqa nifaaqa ati aukuaqa.

Oosana 15:18

Doo aaqee mikari kai Yaaweefa Abarammana faqa moodaanaki kira ufa qinau. Qinee maa maqa maaqana ani aiku asauku nimianauranoo. Isipa maqannaa nammari dinni oosirafa ani rameeqeenoo firaa nammari dinni Eeufarateesa nammari mariannoo.

Roomma 3:2

Oo sia fifau miqi qidaqa misa uriqararafa firaafa maridanoo. Doo qinee oosanarasee maaqi qimasee qimannimianaura, Anutufa narí ufa Yuda maqannaasasaa quqaqoofanoo marinau.

2 Koorinti 11:22

Misa náriara sia Kirisa maqannaasa ufa kai qidaqa maasa qikeeku qikaaku Heeburu ufa qimarunausee qiafaqa qinee faqa miqi kai qimarunausa maridaqa. Misa náriara Isaraee maqannaasa Anutuna utaaqa maqoosa maridee qiafaqa qinee faqa misa kai maridaqa. Misa náriara Abarahaamana aiku asauku Anutuna qima afeekaikira ainaina maraanausee qiafaqa, qinee faqa misa kai maridaqa.

Karatia 3:16

Miqi kaimmasee Anutufa narí qima afeekaikira ufa Abarahaamanasaa faqa mina atisaa faqa quqaseenoo akara rinau. Ooqeenaa akara fannoo sia narí atiuqa moomoo fasiqa anaaseera qidanoo. Mifa maaqi qidanoo, ani ati kaimma qima afeekaikirana amianauree qidanoo asauku mundiranara moodaara qinau.

Heeburu 9:5

Mi bookisana afusaa dinni dinni Anutuna qangiroo nimanaqara maridanoo Anutuna areenarana koorooimaru qangirooqanda mariqau. Miqanda niqoosaqara dinni dinni mi qaindana dinni dinni rafaaqafinoo marinau. Mi qambaannasaa Anutufa faiqí anaasee mandainainara nifaueenoo minniseenoo imariqoo ititaidaqa. Doo maqee sia mi ainainausara qianaura.

Heeburu 9:6

Aanaiqikirausa maaqimasee ooqeenaa uqiqaana maqaki ainaini mariqau. Aanaiqiki marusa kooqi maqaki faasaambaasaana keeqafi nári ainainimariqau.