Roomma 8:4 - Anutuna Ufa

⁴ Maasakiqari akaqausa sia faiqí faiqi iriranamau fimariasa Anutuna maraquna sandufamau fimariasa maasara Anutufa qiqafeenoo sia maasa andeeqarafa Mooseena sandufa amana ooru maridanoo, ooreeqanoo maridanoo. Anutufa mina qafamaseenoo maasa andeeqarafa Mooseena sandufa amana kai ooru fuanifee qimasee narí amaaku aqiqoofanoo quminau.

Roomma 8:4 Referans Kwoze

Karatia 5:16

Qinee Pauroosa minara inni qimannimidaqa. Sia innee inniqa maqasaa irirannai ubeekaaqa. Anutuna maraquna fannoo inni naakinoo marifa maqee maqee inni naaqooki amiqira oosana maraaqeera qimaseenoo mandoosanara aaquqidanoo. Innee mi ufamau fiqa sia uqanna inneeqa maqasaa iriranamau fifaranoo.

Kooroosee 1:22

Innee minni marufanoo Anutufa maqee inni mareeqeenoo narí aaqa quqaseenoo moodaanaki kinau. Narí amaaku narí afaaqa uqanna kuqiranannai kai inni moodaanaki aqoondikamma nimaqanau. Anutufa sia fifaufau miqinau. Inni marirafa nirafa amiqira marira andeeqara nira nuaqeera miqinau. Yisufa inni mareeqeenoo Anutuna afusaa kooroomasainaqa inniki sia moo nifasaasa ufa marianifeera nuqu siaisa mariaqeera minara Anutufa inni aqoondikamma nimaqanau.

Yudeesa 1:24

Anutufa innee mandainainaki aqufirarifanoo mifa amana inni ititannisainaqa sia aqufifaranoo. Mifa amana inni mareeqeenoo amiqimmandee ninukamasee asasirana inni nimisee narí afaaqa areenaranaki naroorisaa amana quqaaninafa.

Heeburu 12:23

Innee Anutuna ooqa faiqi innaarunai bukaki akara rirausa kai kaaqa firaaqoo suqimarianaki asasimarianaki ani mariafanoo. Innee Anutufiqoo ari mariafanoo. Mifa aiqamausa ufa irisee andeeqannisee marifa maridanoo. Andeeqara fasiqa kuqufusa innaarunai ooruree anoonaikamambiqa innee misa nimana namufaqa andeeqaranaki asasiranaki ani mariafanoo.

Uqafiqoo Ufafa 14:5

Sia unna ufa misaki marusa sia aaqarafa misaki marusa.

1 Yoohanee 3:2

Qini qifaaqasaa qiqoondiuqa, maqee maria aukuana Anutuna faiqi namu maridaqa. Kasooqaqee innaarunai mina faiqi namu maridaqa nana amiqira ainaina fee moo faqa ootupamma qimiannoo fee maasa sia minara iridaqa sia akooqoo maridanoo. Moodaa ainaina kai maasa iridaqa. Asauku mundirafa innaarunaindari koorooinaqa maasa mifara foora marianaura. Maasa mina narí uqanna raquramisee qafamasee minara narí fooqaanaikammianaura.

Roomma 2:26

Aamina aanaamuru mariasa sia Yuda maqannaasa fainanduqimarusa misa nári kai sia irirai Mooseena sandufamau andeeqaramau fimarifanoo Anutufa mina qafamaseenoo Yuda maqannaara foora mariaafoo qiannoo.

Ruka 1:6

Mi qafaqiqanda Seekariasa Eerisabeetasa andeeqasee Anutuna ufamau fimaruqanda mariqau. Aiqama karaambaiqa Anutuna aaquqira ufa faqa naamuaqira ufa faqa mi mau fimaruqanda mariqau.

Roomma 3:31

Miqunannai maasa Yisuna saqarikidaqa sia minannai Mooseena sandufa mareeqee aqidaqa, sia miqidaqa maasa minannai Mooseena sandufa uqeeraidaqa mi mau fidaqa, minara mi sandufana anoona paquridaqa.

2 Koorinti 10:3

Kuqaa maasa maa maqa maaqanaki maridaqa sia minakinaa irirana marasee rakiara foora idaqa.