Roomma 8:11 - Anutuna Ufa

¹¹ Anutuna maraquna fannoo Yisufa kuqiranakinaana marafindifinau. Yisuna mara findifu maraqunafa kai inni faiqí nifaaqa kuqiqa marifanoo kasooqaqee mi kuqirana uqeereeqeenoo kaqi marirana nimiannoo, narí maraquna inniki marinnanannai miqiannoo.

Roomma 8:11 Referans Kwoze

2 Koorinti 4:14

Maasa maana faqa iridaqa, karaambaiqa Yisuna kuqiranakinaana uqeeroofa maasa innisaimbaqa Yisuna faqa uqeera narí oorisaa quqaqisaannoo.

2 Koorinti 4:11

Maasa kaqi marunaqa Yisuna naaru marirana maasa faiqí faiqi qifaaqasaa koorooianifeera mina ufasaara kuqiranaki maqee maqee fidaqa.

Roomma 8:9

Innee Roomma maqusai mariasa qini qikaqaafasaauqa innee sia miqimariasa Anutuna maraquna fannoo innikina marifaqa innee sia faiqí iriranamau fimariasa mariafanoo innee maraquna ufamau fimariasa mariafanoo. Asauku mundirana maraquna siaifa sia minaindi maridanoo.

1 Koorinti 6:14

Anutufa narí afeekannai maasa karaambaiqa kuqiranakinaana uqeera quqoofa mifa kai maasa qifaaqa faqa kuqiranakinaana uqeera quqaaninnanara inniqa nifaaqaki andeeqara oosana kai maraaqa.

Firipi 3:21

Mifa miqoo maasa ummooqukira maqasaaqaraa qifaaqa mareeqeenoo quandaseenoo narí kaaqa areenara afaaqa fooqaanaikammiannoo. Mifa aiqama ainaina mareeqeenoo narí aramandunnai quqara afeekannai maasa maqasaa qifaaqa mara quandaqisaannoo.

Yoohanee 5:21

Qini qikoofa kuqira fasiqauqa findifumannisaidanoo. Qinee faqa miqikai iqa qeeqa didiranannoo kai kaqi marirana akaqausa nimianaura.

Uqafiqoo Ufafa 11:11

Qaaramoo faasaana aiqaramafinanoo Anutufinnaindari kasimari aidoofa qumureenoo miqanda iriki keeqafinaqa kasiqa findififaqa aiqamausa miqanda niqafeeinausa nindafeeqa kaaqa rufieefaranoo.

1 Peetooroo 3:18

Asauku mundirafa narí uqanna inniara kuqinau. Moodaa suanisaa moodaa kari kai aiqamausa mandoosanara kuqinau. Inni nisauku qumareeqeenoo Anutufinnai quqaaneera amiqirafa maasa manda fasiqa anaaseera kuqunnimaqanau.

Yoohanee 14:17

Maa maqanasaa mariasa sia qini Yisusa mandaaqee marinausa sia amana mi maraqunna mareefaranoo. Misa sia mina qafaidaqa sia minara irimariafanoo minara sia mareefaranoo. Mifa inni faqa mapukusee maridanoo kuqaa inni naundurai anoona mariannoo. Mifa inni faqa marifaqa innee mi maraqunna oosana irimariafanoo.

Uqafiqoo Ufafa 1:18

Qinee ooqai kaqi mariafanausa maridaqa, qinee kuquafanausa maridaqa doo qiqafa kaqi marunausa maridaqa naaru naaru marianaura. Qinee kuqiranara rakisirausa uriqararausa maridaqa mina kooqi kiqa uaqeeiunausa maridaqa kuqiranaki mariasa mandoosana mareeusa misa mariaqoo faqa uriqararausa maridaqa mina kooqi kiqa faqa uaqeeidaqa.

1 Peetooroo 1:21

Anutufa mina kuqiranakinaana uqeereeqeenoo areenaranaki quqanau. Innee minannai Yisunannai Anutunasaa mundiqa mariafanoo kafaa minannai kai inneeqa irirana minasaa rusirana faqa naaru innaarunai kambiqaaninna ainainara nidirana faqa minasaa ootupanoo maridanoo.

1 Koorinti 15:16

Kuqirausa sia findi fifaqau asauku mundirafa faqa sia findifiqini.

Roomma 6:12

Minara maqee manda marira nirana fannoo sia maasa qifaaqa rakisiqimaqaannoo, qaoo qiaqa. Sia maasa faiqí faiqi manda nidiranamau fuaqa.

Heeburu 13:20

Naaru naaru moodaanaki kirana Yisufa asauku mundirafa kuqiranannai mina fidikannai doo mapukuseenoo maridanoo. Anutufa mina kuqiranakinaana uqeereeqeenoo faiqí anaasee rakisirana firaanaikamaqaifanoo maridanoo. Narí kuqiranannai faiqí aanaaseesaa rakisirafa maridanoo.

2 Koorinti 5:4

Maasa qeeqa uiqaana maaqakiara foora qeeqa qifaaqaki maridaqa maasa qeeqa ummaara ameemaanai maridaqa faaqaridaqa. Maasa sia qeeqa maqasaa qifaaqa minnisararee qidaqa, maaqoo marunna qifaaqafa kaqi marinaqa naaru marira qifaaqa mina amuaaqa afisuanauree qidaqa. Miqimmasainanoo ufaasu marinna ainaina naaru mariranakina keeqeenoo kukeeqafuanifeera qidaqa.

Roomma 8:1

Maasa Anutuna asauku mundirana Yisuna faqa moodaanaki marifanoo Anutuna maraquna fannoo kaqi marirana niminoo kuqirana manda sanda faqa manda oosana faqa minaki marunnana idukuqisaifaqa maridaqa. Minara maqee asauku mundirana Yisuna faqa moodaanaki mariasa sia Anutuna kuqira ufa ameemaanai maridaqa.

Roomma 8:12

Oo qini qikaqaafasaauqa maasa moo ummaara ameemaanai maridaqa maasa faiqí faiqi manda nidirana ameemaanai sia maridaqa. Yisuna maraquna ummaara ameemaanai maridaqa.

Roomma 16:3

Inni Roomma maqusai maria fasiqa anaaseeqanda, anaasee auqu Pirisikaa nammarifa maridanoo afaaqi auqu Akuiraafa mi qafaqiqanda qini dadaaqirana nári kuqiranara paasoosamandee moomoo kari nimeekaranaki fidaqa qini dadaaqimariasa maridaqa, asauku mundirana Yisuna ainainirana dadaaqi mariaqanda maridaqa. Sia qini kai dadaaqimariaqanda aiqama aanaamuru Yisuna ufara suqufi qimariasa misa faqa dadaaqimariaqanda marianara misa faqa qinee faqa miqandara dufi dufi qidaqa. Qinee maa pasanaki mi qafaqisa nimandaida.

Roomma 16:7

Qini maqannaa Yuda maqannaa fasiqa anaasee qini faqa karabusaki maruqanda nuqu Andaroonikusafa faqa Iunia nammarifa faqa mi qafaqisa naaree Yisuna saqariki maruqanda maridaqa qinee innaaqianna. Yisufa niqiqoo fasiqausa amiqimandee miqandara iri mariqau. Qinee miqandara faqa maa pasanaki nimandaidaqa.

Roomma 16:9

Asauku mundirana ainainiranakina maasa faqa moodaanaki mariufa. Urabanusana faqa inni faqa marina amandaidaqa, Qini qifaaqasaa qiqoondi moo auqu Sarakisafa inni faqa marina amandaidaqa.

Roomma 16:10

Apeereesana faqa amandaidaqa, mifa aukuana aukuana asauku mundiranasaa atooqafinoo mina ainainirana faakanaikirafa marifa. Aristooburusana faqa mina aiku asauku faqa nimandaidaqa.

Karatia 6:8

Faiqí moo fannoo narí faiqí faiqi manda nidiranannai manda maqaki ummaquseenoo minakinaana kuqirana kai unakuannoo. Mifa Anutuna maraquna oosana marasee Anutuna afuqaki ummaquseenoo minakinaana naaru marirana kai unakuannoo.