Roomma 8:10 - Anutuna Ufa10 Asauku mundirafa inni naundurai namummaqainaqa mina maraquna fannoo inni nifaaqa mandainaina fannoo narinoo marinnana sia minara iridanoo qafaidanoo Yisuna kuqiranara iriseenoo kaqi marirana inni nimana kaqi nimidanoo. Gade chapit la |
Mi qangiroofa miqi qimasoofaqa qini qifu pisipasamasoofaqa qinee innaarunaira foora mariafananoo ufa moo qimaqiminau, Yoohanee anee maa ufana akara rua. Maa aukuannasaaqari karaambaiqaki keeqafiqa kuqifandinausa misa asasifaranoo. Anutuna maraquna fannoo mi ufana irisee dadaaqinoo qinau. Eeoo kuqaa nariqa kadaapi firaana ririseeqa kuqiqa adooaidaqa asasifaranoo. Nári kadaapirirana anoona kuqiranaki fiqa doo maree fidaqa asasifaranoo.
Qinee saqari anoona maridaqa. Innee asaana miqirausa mariafanoo sia anoonasaa arufinafa sia sauna iraannoo. Qiniki marinausa qinee faqa misaki mariananoo saunara foora moomoo ireefaranoo. Innee inneeqaraa marinausa kudi marifaranoo qini faqa marinausa sauna amiqimasee ireemarifaranoo. Innee minara iriseeqa amiqimasee qinisaa atooqaifaqa qinee faqa inniki marianaura.
Yisufa iriseenoo qinau. Yafasiqa anaasee fee qiniara rimarinafa qini ufa maree mari fasiqa anaaseefa mifa qiniara rimarifa mariannoo. Miqinna fasiqa anaaseena qini qikoofa Anutufa minara faqa ruannoo. Mifa faqa qinee faqa mi fasiqa anaaseesa innannai oonuree umee mina faqa marianaura, miqimaseeqa maasa inni nifusaa kai koorooianaura. Maqasaaqaraa irirana faqaasa nifusaa kukeeqaanaura.
Innee Anutuna ooqa faiqi innaarunai bukaki akara rirausa kai kaaqa firaaqoo suqimarianaki asasimarianaki ani mariafanoo. Innee Anutufiqoo ari mariafanoo. Mifa aiqamausa ufa irisee andeeqannisee marifa maridanoo. Andeeqara fasiqa kuqufusa innaarunai ooruree anoonaikamambiqa innee misa nimana namufaqa andeeqaranaki asasiranaki ani mariafanoo.
Mi faasaannasaa innaarunaindari Anutuna daambeenda firaaqoo ruannoo, qangirooqua uriqararafa ufa qiannoo, Anutuna ukeena fuaqaannoo doo miqoo innaarunaindari karaambaiqa narí uqanna qumuannoo. Qumurainaqa kuqirausa kaqi maru kamuqoo asauku mundirana saqarikida mariusa misa naaree kuqiranakiqari findififaqa doo miqoo maasa mikari kaqi mariasa faqa kuqirausa faqa Anutufa moodaanaki afapita qumareenoo uqeerannisainaqa asurukina keeqakinaqa aanai ooru karaambaiqa paqurimasee mikari mina faqa naaru naaru marianaura.
Ooqai indaaru moodaa fasiqasaaqaraafa Adamanasaaqaraafa maa maqa maaqanaki aaqarafa aninau. Doo mi aaqarana akiaqara kuqirafa moodaa kari ani marinau. Moodaa fasiqa Adamanasaaqari aiqama maa maqana afaaqasasa maria fasiqa anaaseesa mifa aaqoona akiaqara misasaa faqa kuqirafa rafaaqa finoo marufa maridanoo.