Roomma 8:1 - Anutuna Ufa

^1-2 Maasa Anutuna asauku mundirana Yisuna faqa moodaanaki marifanoo Anutuna maraquna fannoo kaqi marirana niminoo kuqirana manda sanda faqa manda oosana faqa minaki marunnana idukuqisaifaqa maridaqa. Minara maqee asauku mundirana Yisuna faqa moodaanaki mariasa sia Anutuna kuqira ufa ameemaanai maridaqa.

Roomma 8:1 Referans Kwoze

Karatia 3:13

Asauku mundirafa Mooseena sandufamau fimariasa Anutuna niqurararufa ameemaanai rumbaqa marunara iriseenoo asauku mundirafa narí kai Anutuna niqurara ufaikamambinoo maasa daaqa qumureenoo minaki rumbaqa marusa idukuqisanau. Tamummaqara fasiqauqa akara minara maaqimminoo maridanoo. Saqarisaa dirifi kuqimariasa aiqamausa Anutuna niqurararufa ameemaanai mariasa maridaqee qidanoo.

Roomma 5:1

Maasa qeeqa irirana Anutunasaa rusiseeqa marianara doo maqee sia Anutuna aranaqaranaki aanoo iranaki maridaqa Anutufa narí andeeqaranaki quqaqisoofaqa minara doo maqee mina asooaranaki amiqiranaki maridaqa. Anutuna asauku mundirana maasa karaambaiqa Yisufa minannai kai mi asooaranaki maridaqa.

1 Koorinti 1:30

Anutufa inni mareeqeenoo asauku mundirana Yisunasaa atooqaseenoo asauku mundirana qumareenoo maasa iriranee qimaseenoo maasa mareeqeenoo narí andeeqaranaki qiseenoo narí aiku asauku uqannaikamma qimaqeenoo maasa manda ainainakinaana idukuqisoofaqa marunnanara maasa tamummaqara fasiqa ufamau kai fuannanara minara maaqi qimasee mifa akararinau. Faiqí moo fannoo nana ainainaree moo ainaina amooqianauree qimasee sia narí amooqirana uqeeraani karaambaiqara kai amooqiani.

Roomma 8:34

Yafee moo fannoo mina faiqi namu kuqira ufa nimiannoo fee. Sia moo fannoo amana miqiannoo. Anutuna asauku mundirafa Yisufa doo kuqufufanoo Anutufa kuqiranakinaana mara findifumasee kaqi mariranaki quqasaifanoo doo maqee Anutuna aaqa asauku uqannai maridanoo maasara Anutuna oorisaa innaaru qidanoo.

Yoohanee 5:24

Yisufa Yuda maqannaa rakisirausa kaqi qimannimidanoo qinau. Qinee kuqaa anoona ufa inni qimannimidaqa faiqí moo fannoo qini ufa irisee qini diqiqamaqoona saqarikinafa mifa doo naaru mariranaki maridanoo. Miqinna fasiqafa sia Anutuna arirufaki mariannoo. Anutuna narirana doo maa maqee aiqaaqareenoo kaqi mariranaki doo keeqanoo maridanoo.

Yoohanee 15:4

Innee saqari asaanara foora qinisaa ariqa mariaqa. Innee sia qinisaa ariqa maridaqa sia qini amiqira marira nirana mareefaranoo.

Roomma 8:14

Anutuna maraquna fannoo nifiqee fimarisa Anutuna faiqi namu maridaqa.

1 Koorinti 15:22

Maasa aiqama fasiqa anaasee Adamana faiqi namu marunnanara kuqidaqa, miqikai inoo asauku mundirana faiqi namu marianara Anutufa misa kuqiranakinaana uqeera quqaannoo.

Karatia 5:16

Qinee Pauroosa minara inni qimannimidaqa. Sia innee inniqa maqasaa irirannai ubeekaaqa. Anutuna maraquna fannoo inni naakinoo marifa maqee maqee inni naaqooki amiqira oosana maraaqeera qimaseenoo mandoosanara aaquqidanoo. Innee mi ufamau fiqa sia uqanna inneeqa maqasaa iriranamau fifaranoo.

Roomma 8:4

Maasakiqari akaqausa sia faiqí faiqi iriranamau fimariasa Anutuna maraquna sandufamau fimariasa maasara Anutufa qiqafeenoo sia maasa andeeqarafa Mooseena sandufa amana ooru maridanoo, ooreeqanoo maridanoo. Anutufa mina qafamaseenoo maasa andeeqarafa Mooseena sandufa amana kai ooru fuanifee qimasee narí amaaku aqiqoofanoo quminau.

Roomma 8:39

Innaarunai mari ainaina fee maa maqanasaa mari ainaina fee, Anutufa auqu quqaqoo ainainakiqari sia amana moo ainaina fannoo Anutuna amuqusiranakinaana ani qumaree rakee iannoo. Anutuna asauku mundirafa Yisufa maasa karaambaiqa fannoo maasa mareeqeenoo minaki quqaqaisa maridaqa sia moo ainaina fannoo minakinaana ani qumaree rakee iannoo.

Karatia 5:25

Anutuna maraquna fannoo maqee oosana arasee naaru marirana qimimarifa marinara mifa kai maasa marirana nirana rakisiani.

Karatia 3:28

Doo minakiqari sia Yuda maqannaasa faqa aanaamuru faqa naaduma moo kiqa maridaqa sia karabusa ainaini mariasa faqa idukirausa faqa moo kiqa mariafanoo sia faiqí faqa anaasee faqa mookiqa mariafanoo amana amana kai mariafanoo. Innee aiqama asauku mundirana Yisuna faqa moodaanaki maridaqa aiqamausa amana amana kai moodaa mariafanoo.

Yoohanee 14:20

Qinee qeeqa qikoonaki maridaqa kafaa innee qiniki mariafanoo qinee inniki maridaqa. Anutuna maraquna qumuaninna faasaana mi faasaanna mi ufana oosana amiqimandee irifaranoo.

Roomma 7:20

Qinee qini qikooqeemari mandainaina auqaananoo sia qeeqafau auqaidau qini daundurakinaa mandainaina fannoo mina auqaidanoo.

Roomma 7:17

Miqidaqa sia qeeqa maraqunafau mi manda oosanna maraidau. Mandainaina fannoo qini daundurai marifa mifa qini qifeeqaraifaqa mi manda ainainna maraidaqa.

2 Koorinti 12:2

Ooqai qinee Yisuna ufa irimaru fasiqanara iriqia. Karaambaiqa Anutufa kaqi kai mina uqeereeqeenoo qaara innaaruna ooraaqareenoo qaaramoo kiranaki Anutufa marunaki quqanau. Mifa kuqaa fee afiqa miqoo quqanoo fee inau kai afu pisipasamaseenoo mina amana mara uqeereeqeenoo innaarunai quqanau fee inau. Qinee sia iridaqa Anutufa kai iridanoo.

Roomma 16:7

Qini maqannaa Yuda maqannaa fasiqa anaasee qini faqa karabusaki maruqanda nuqu Andaroonikusafa faqa Iunia nammarifa faqa mi qafaqisa naaree Yisuna saqariki maruqanda maridaqa qinee innaaqianna. Yisufa niqiqoo fasiqausa amiqimandee miqandara iri mariqau. Qinee miqandara faqa maa pasanaki nimandaidaqa.

Roomma 16:3

Inni Roomma maqusai maria fasiqa anaaseeqanda, anaasee auqu Pirisikaa nammarifa maridanoo afaaqi auqu Akuiraafa mi qafaqiqanda qini dadaaqirana nári kuqiranara paasoosamandee moomoo kari nimeekaranaki fidaqa qini dadaaqimariasa maridaqa, asauku mundirana Yisuna ainainirana dadaaqi mariaqanda maridaqa. Sia qini kai dadaaqimariaqanda aiqama aanaamuru Yisuna ufara suqufi qimariasa misa faqa dadaaqimariaqanda marianara misa faqa qinee faqa miqandara dufi dufi qidaqa. Qinee maa pasanaki mi qafaqisa nimandaida.

Roomma 5:16

Anutufa afaaramandee naaru marirana nimianinnafa moodaa fasiqa Adamana mina aaqarana uraaqaranoo maridanoo. Mi ooreeqarana faqa mi uriqarafa faqa miqanda rainarafa maaqimminoo maridanoo, dinni mi moodaa fasiqana narí moodaa kari aaqamasoona akiaqara Anutufa nimaarusira ufa quqaqoofa maridanoo mina dinni faiqí anaasee moomoosaki aaqarafa kambiqafi marufanoo Anutufa sia minara narinau, kaqi narí afaarinoo niminoo qinau, doo andeeqarausa mariafanoo nimaarusira ufa doo taikeenoo fee qinau.

Roomma 8:9

Innee Roomma maqusai mariasa qini qikaqaafasaauqa innee sia miqimariasa Anutuna maraquna fannoo innikina marifaqa innee sia faiqí iriranamau fimariasa mariafanoo innee maraquna ufamau fimariasa mariafanoo. Asauku mundirana maraquna siaifa sia minaindi maridanoo.

Roomma 8:11

Anutuna maraquna fannoo Yisufa kuqiranakinaana marafindifinau. Yisuna mara findifu maraqunafa kai inni faiqí nifaaqa kuqiqa marifanoo kasooqaqee mi kuqirana uqeereeqeenoo kaqi marirana nimiannoo, narí maraquna inniki marinnanannai miqiannoo.

Karatia 3:26

Innee aiqama Yisuna saqarikiranannai asauku mundiranaki keeqafi marianara Anutuna amaaku kamambi marianara innee inneeqa nammari maroonannai innee asauku mundirana andeeqara marirana qamunnara foora akumaree minaki fuaqa.

Eefeesusa 1:1

Qinee Pauroosa Anutuna iriranannai asauku mundirana Yisunaindi maridaqa, mifa diqiqoo fasiqausa maridaqa. Anutuna maqasaa fasiqa anaasee Eefeesusa maqusai mariasa asauku mundirana Yisuna ufamau andeeqasee maqee maqee fimariasa inni maa akarana rumannimaqaidaqa.