Roomma 7:8 - Anutuna Ufa

⁸ Mooseena sandufa fannoo moosa ainainara sia nimuqusiaqee qinoo marifanoo qini manda irirafa irisee quandakinoo firaaqoo moosa ainainara amuqusidanoo. Minara sandufa sia maru kamuqoo mandoosanara oonumafi irirafa kuqinoo marufaqa mana mana imariafannana.

Roomma 7:8 Referans Kwoze

Roomma 7:11

Misa naunduraki mari mandainaina fannoo misa narirara rakisinoo marifanoo Anutuna sandufa aniraifanoo mina qumareenoo minannai misa naru quqeenoo.

1 Koorinti 15:56

Akara miqinoo marifaqa qinee Pauroosa minara maaqi qidaqa. Maasa aiqamausa mandoosana fannoo kai aupurara afeeka kuqirana amifanoo doo kuqirafa maasa daridanoo. Kafaa mandainaina fannoo mina narira afeeka Anutuna nimaarusira sandufakiqari kambiqaidanoo.

Roomma 4:15

Sandufa fannoo Anutuna aranaqarana mareeqeenoo faiqisaa quqaidanoo. Sandufa marinnaqoo kai sandufa rukiarafa mariannoo. Sandufa sia marinnaqoo mina rukiarafa faqa sia miqoo mariannoo.

Roomma 7:13

Amiqira ainaina fannoo fee misa kuqa narinoo fee qianauree. Oo sia miqinoo maridanoo. Misa naundurakinaa mandainaina fannoo kai amiqira ainaina mara mareenoo minannai misa narinoo. Miqi mandainanoo misa naundurakinaa anoona mandainaina akooqoo kooroo ianifeera miqinoo. Doo mi mandainainafa Mooseena sandufa saaqari innooqeenoo firaanaikinoo maridanoo.

Roomma 5:20

Anutufa narí sandufa nimaarusira ufa Mooseenasaa nimufaqa nári mandainainara irufanoo firaanaikinau, miqinoo firaanaikianifeera Anutufa aminau. Faiqí anaasee mandainaina firaaqoo ooru fimarufanoo Anutuna afaarirafa mina aakaarinni ooraaqareenoo ooriqaranoo marinau.

Yoohanee 15:22

Qinee maa maqanasaaqaraasa mandainainara sia kooroomma nimaqaananoo fau sia misa manda numoo mariqini. Doo qinee misa mandoosanara kooroomasee misa qimannimiqauna iridaqa Anutuna narira ufa ameemaanai maridaqa sia amana unnufannai mina ititeefaranoo, narirafa kaqi naruannoo.

Roomma 7:17

Miqidaqa sia qeeqa maraqunafau mi manda oosanna maraidau. Mandainaina fannoo qini daundurai marifa mifa qini qifeeqaraifaqa mi manda ainainna maraidaqa.

Yoohanee 15:24

Qinee misa nifusaa faiqí sia auqaaqaa ira ainaina auqaafannana sia maqasaa fasiqa moo fannoo mi ainainna auqoofanoo anoona kambiqanau. Qinee sia miqimaseeqa mi ainainna auqaananoofau misa numoo sia mariqini. Qinee oosana oosana ainaina auqaunaqa misa sia amiqimasee maaqanda qisakoosara irirai maaqandara fidiaqaamma qimaqaidaqa.

Roomma 3:20

Sia faiqí anaasee moo fannoo Mooseena sandufannai andeeqara fasiqaikamambi Anutuna afusaa mariannoo. Sia minarau Mooseena sandufa ani maridanoofau. Faiqí anaasee maasa aaqee marunausee qiaqeera Mooseena sandufa ani maridanoo.

Roomma 7:9

Mooseena sandufa sia maru aukuana sia faiqí anaasee narufaqa sia kuqiara foora imariqau kaqi maridaqara foora imariqau. Mooseena sandufa nimaarusira ufa kambiqafufaqa misa naundurai manda oosana uqeera niminoo narinau. Miqimandaifanoo Anutuna kaqi marira nimira ufa fannoo kuqirana kai niminoo.