Roomma 7:7 - Anutuna Ufa

⁷ Minara maasa Mooseena sandufara mandainainafee qianauree. Oo sia miqinoo maridanoo. Mooseena sandufa innee moosa ainainara sia nimuqusianifee qidanoo sia miqinoo marinaqa qinee moosa ainainara qimuqusimarina mina aaqee unoo qunara sia irini mana mana kaimmunaiqini. Minara Mooseena sandufakinaafa doo kooroomandee mandainainara qimaqimifaqa qisauriqa.

Roomma 7:7 Referans Kwoze

Roomma 3:20

Sia faiqí anaasee moo fannoo Mooseena sandufannai andeeqara fasiqaikamambi Anutuna afusaa mariannoo. Sia minarau Mooseena sandufa ani maridanoofau. Faiqí anaasee maasa aaqee marunausee qiaqeera Mooseena sandufa ani maridanoo.

Rafudoo Akarafa 20:17

Sia moona maaqa umiasanara amuqusiani. Sia moona aanaaqara amukaani mina ainainira fasiqa anaaseera faqa misa aandau ainainara faqa mina aiqama ainainara faqa sia amukaani.

Roomma 4:15

Sandufa fannoo Anutuna aranaqarana mareeqeenoo faiqisaa quqaidanoo. Sandufa marinnaqoo kai sandufa rukiarafa mariannoo. Sandufa sia marinnaqoo mina rukiarafa faqa sia miqoo mariannoo.

1 Koorinti 15:56

Akara miqinoo marifaqa qinee Pauroosa minara maaqi qidaqa. Maasa aiqamausa mandoosana fannoo kai aupurara afeeka kuqirana amifanoo doo kuqirafa maasa daridanoo. Kafaa mandainaina fannoo mina narira afeeka Anutuna nimaarusira sandufakiqari kambiqaidanoo.

Roomma 13:9

Mooseena sandufakinaafa akaqafa maaqimminoo maridanoo. Sia faiqí anaasee narí ummuari narí ummuariaqa. Faiqí faqa anaasee faqa faiqi faqa sia kuqannaruqa misa fidika sia ruqiaaqa. Sia narí ainaina narí ainaina ummuariaqa. Sia moona ainainara amuqusinana marara aaqoo iria. Mi sandufausa faqa akaqa sandufauqa faqa moodaa ufa fannoo mi sandufausa aiqama rafaaqafinoo maridanoo mi moodaa ufafa maaqimminoo maridanoo. Anee aneennara amuqusi marianandee maseenana mi amuqusirafa kai aqoonnanara amuqusiani. Mi ufafa aiqama sandufa aruseenoo mifa anoonaikidanoo.

Roomma 7:8

Mooseena sandufa fannoo moosa ainainara sia nimuqusiaqee qinoo marifanoo qini manda irirafa irisee quandakinoo firaaqoo moosa ainainara amuqusidanoo. Minara sandufa sia maru kamuqoo mandoosanara oonumafi irirafa kuqinoo marufaqa mana mana imariafannana.

1 Teesaroonika 4:5

Innee sia aamina maqannaasa sia Anutunara irimariasa naanna raaqa misa mandainaina fanandiranaki maridaqa innee sia misa naanna raaqa.

Roomma 3:5

Misa faiqí faiqi unna qimasee maaqi qimasee Anutuna andeeqaranara qidaqa. Maasa faiqí faiqi qiqa aaqarafa quandaki Anutuna andeeqarana mara maree kooroomeeqeenoo uqeerainaqa maasa qeeqa aaqaranara amiqira ainainee qianauree. Miqooqari maasa maaqi qianaura mandainaina akiaqara maasa Anutufa darinaqa maasa maaqi qianaura Anutufa aaqaidanoo daridanoo fee qianaura.

Kooroosee 3:5

Inneeqa maa maqanasaaqaraa nifaaqa ainaina adiafaairana arusaifanoo sia inni kaifaa mandoosana uqannifiqaani faiqí fannoo anaasee qummuarimariana faqa anaasee fannoo faiqí qummuarimarina taikaani. Inneeqa nifaaqa sia kooroo iaqa. Innee sia inneeqa mandoosana maraidaqa maanaaqa anaaseera indee indee qiqanuaqa adiafaa qiqa nuaqa doo mi irirausa taikafuani. Oosana oosana mandainaina marararee qimariafa mifa faqa taikafuani. Innee aiqama ainainara nimukee marina mi irirafa taikaani. Anutuna minniseeqa moo Anutunara foora innaaru qidee qimariasa faqa ainainara rimariasa faqa moodaanaki unna aatata fimariafanoo.

Eefeesusa 5:3

Innee Anutuna maqasaa aiku asauku marianara inniki faiqí anaasee narí ummuari narí ummuari maria ufana faqa ikairi irirana faqa ainainara faqa aanaaseera faqa kaaqa fanandi mariana faqa sia mi oosanna maraaqa minara ufa qimariafa faqa doo taikaaqa.

Roomma 7:13

Amiqira ainaina fannoo fee misa kuqa narinoo fee qianauree. Oo sia miqinoo maridanoo. Misa naundurakinaa mandainaina fannoo kai amiqira ainaina mara mareenoo minannai misa narinoo. Miqi mandainanoo misa naundurakinaa anoona mandainaina akooqoo kooroo ianifeera miqinoo. Doo mi mandainainafa Mooseena sandufa saaqari innooqeenoo firaanaikinoo maridanoo.

Roomma 7:11

Misa naunduraki mari mandainaina fannoo misa narirara rakisinoo marifanoo Anutuna sandufa aniraifanoo mina qumareenoo minannai misa naru quqeenoo.

Roomma 7:5

Ooqai maasa qeeqa faiqí faiqi iriranamau manoo manaa iqa fimariafananoo Mooseena sandufa anireenoo maasa manda oosana afaurammeeqee mara uqeera kikiqa maseenoo quandakinoo mareeqeenoo kuqirana ameemaanai quqaqisanau. Minara Mooseena sandufa nimaarusira ufa fannoo maasa karafusara foora rumbaqimaqanau.

Roomma 6:15

Maasa sia Mooseena sandufa nimaarusira ufa ameemaanai maridaqa Anutuna mandainaina minnisara afaarirana ameemaanai maridaqara qiqa manda oosanaki kaqi qifaaqa quqasee maraanauree. Oo sia uqanna.

Roomma 4:1

Innee Roomma maqannaasaki Yuda maqannaa akaqausa maridaqa. Maasa Yuda maqannaa qikeeku qikaaku Abarahaamafa naqaafeeinau. Mifa andeeqara mariranannai fee Anutuna afusaa andeeqarafa maridanoofeeinau. Sia minannaifau miqinau Abarahaamafa miqinoo maridanoofau Anutuna afusaa narí andeeqaranara asasini. Sia amana narí asasirafa marinau, Mooseena akarakinaa ufa minara maaqi qinoo maridanoo. Anutufa Abarahaamanara qinau anee moomoosa nikausaikina marinnaranoo. Miqi qunara Abarahaamafa iriseenoo oo kuqaa kambiqaannoo fee qimasee narí irirana Anutuna mi ufanasaa rusiseenoo afaaqa quqasee kisaaqasaa rakisi marinau. Anutufa mina qafamaseenoo Abarahaamanara oo Abarahaamafa qini ufasaa ani irirana rusimarianafa mariananoo andeeqarafa mariananoo fee qinau, minara Abarahaamafa sia narí andeeqaranara narasasirafa marinau.

Ruka 12:15

Miqi qimaseenoo quandafi faiqí anaasee minara qimanniminoo qinau, innee aiqama ainainara fanandiranara eerairiaqa. Faiqi anoona marirafa sia qumiasanasaa mundinoo maridanoommi.

Mataioo 5:28

Faiqí moo fannoo sia anaasee mareennara kaqi afu kai qafainnara aaqoo kai oonu mafi irinnanara minara Anutufa doo ummuarammiaanoo qiannoo.

Idi Ufa 119:96

Oosana oosana aiqama ainaina taikaaninafauqa kai marifaqa iridaqa. Miqinoo marifanoo ani naamuaqira ufa andeeqarafa sia taikaaninafa marifa maridanoo.

Oosana 3:6

Anaasee sakani ufa iriseenoo mi saqarina afu qafamasoofanoo amiqirafa marufanoo aqama faqa qafoofanoo idaaqirafa marufanoo amiqira ainainara iriranara faqa manda ainainara iriranara faqa irufanoo amiqufanoo mi saqari aqamana diqiseenoo neenoo narí afaaqi faqa amufanoo nanau.

Ruka 20:16

Mifa sia kaqi mariannoo oonu reenoo mi fasiqausa kuqa naruseenoo amiqira fasiqauqaindi mi ququsana nimiannoo. Faiqí anaasee mi ufana irufanoo naaquqoofaqa qiqau, oo mi mandoosannafa sia kambiqaani.

Roomma 5:20

Anutufa narí sandufa nimaarusira ufa Mooseenasaa nimufaqa nári mandainainara irufanoo firaanaikinau, miqinoo firaanaikianifeera Anutufa aminau. Faiqí anaasee mandainaina firaaqoo ooru fimarufanoo Anutuna afaarirafa mina aakaarinni ooraaqareenoo ooriqaranoo marinau.

Heeburu 7:19

Mooseena sandufa fannoo moona kaaqa amiqira andeeqarana Anutuna afusaa sia amiaqaaufanoo mi sandufana mafi quqanau. Quqaseenoo doo maqee fuka ainaina firaaqoo uriqarara ainaina Yisunara asasira afeesirana maree mini quqasoofaqa minannai kai Anutuna aaqa uqanna fuanaura.