Roomma 7:4 - Anutuna Ufa

⁴ Doo innee qini qikaqaafasaa innee faqa Mooseena sandufa ameemaanai mariasa doo innisaimbaqa qifaaqa fannoo Yisuna saimbaqa kuqinau. Doo mi kuqiranakiqari mina Yisuna namufaqa findifiqa minaindikiqa Anutuna ainainiranaki andeeqasee anoona ainaina imarinakina mariaqeera mariafanoo.

Roomma 7:4 Referans Kwoze

1 Peetooroo 2:24

Asauku mundirafa narí kai maasa mandainaina aaqarana narí apatasaa mara quqaseenoo doo aunirira saqarisaa kuqirana maree finau. Maasa kuqirausara foora sia mandoosana maraaqeera kuqinau, amiqira oosana kuqiara foora iqa marida maraaqeera kuqinau. Mina afaaqa ateekaqoonannai maasa daundura uninoo maridanoo.

Eefeesusa 2:15

Mooseena sandufakina oosanoosana ainainara nimaarusirana mifa faandaamurara foora Yuda maqannaasa faqa aanaamuru faqa aiqamaqara rakeemaqoofaqa mariqau. Asauku mundirafa doo mina ruka taikasoofaqa mi atiqanda oonu maree ani maree asauku mundirana faqa moodaanaki kiqa asooaranaki maridaqa.

Roomma 7:6

Doo maqee iriaqa, maasa Yisuna faqa kuqiara foora iqa maridaqa maasa karafusa rumbaqa marianasaaqari idukuaki maridaqa sia kafaa ooqeenaa mariranaki fuanaura. Maasa Mooseena sandufamau fuannana mifa maasa mandainaina mara uqeera quqaannoo minara mi mau sia fuanaura, fukamau Anutuna maraquna aatata fuanaura.

Karatia 5:18

Anutuna maraquna fannoo inni rakisifaqa innee sia Mooseena sandufa ameemaanai mariafanoo.

Kooroosee 1:22

Innee minni marufanoo Anutufa maqee inni mareeqeenoo narí aaqa quqaseenoo moodaanaki kinau. Narí amaaku narí afaaqa uqanna kuqiranannai kai inni moodaanaki aqoondikamma nimaqanau. Anutufa sia fifaufau miqinau. Inni marirafa nirafa amiqira marira andeeqara nira nuaqeera miqinau. Yisufa inni mareeqeenoo Anutuna afusaa kooroomasainaqa inniki sia moo nifasaasa ufa marianifeera nuqu siaisa mariaqeera minara Anutufa inni aqoondikamma nimaqanau.

Roomma 6:22

Doo maqee innee mandainainakiqari idukiqa mariafanoo Anutuna rumbaranaki keeqafi mariafanoo. Doo innee miqiunara inni marirafa aiqama doo minaindi kakai mafi mariinaqa taikara aukuana innaarunai marirana inni nimiannoo.

Karatia 3:13

Asauku mundirafa Mooseena sandufamau fimariasa Anutuna niqurararufa ameemaanai rumbaqa marunara iriseenoo asauku mundirafa narí kai Anutuna niqurara ufaikamambinoo maasa daaqa qumureenoo minaki rumbaqa marusa idukuqisanau. Tamummaqara fasiqauqa akara minara maaqimminoo maridanoo. Saqarisaa dirifi kuqimariasa aiqamausa Anutuna niqurararufa ameemaanai mariasa maridaqee qidanoo.

Roomma 6:14

Maqee innee sia Mooseena sandufa nimaarusira ufa ameemaanai mariafanoo innee Anutuna afaarirana ameemaanai mariafanoo minara mandainaina fannoo sia inni rafaaqa fuannoo.

Kooroosee 2:14

Anutuna aaquqira ufa papiqaki marifaqa maasa mina irisee rukiasaida kaqi fimariafananoo Anutufa maasa darira ufa sia maasasaa qinau. Asauku mundirafa aunirira saqarisaa kuqirari marufanoo Anutufa maasa darira ufa oosana oosana qimaseenoo mara mareenoo Yisuna afaaqai munuseenoo aunirira saqarisaa pirimmannai aru atukaranau. Miqunara Anutufa maasara ufa siaisee qidanoo Mooseena sandufa nimaarusirafa fannoo sia amana inni naruannoo fee qidanoo.

Kooroosee 1:10

Innee miqi marifaqa Karaambaiqa undee kai imarifaranoo mifa maqee maqee inni marirafa amiqira marira maridaqa amiqisaa kambiqaaqeera Anutuna irirafa faqa firaaqoo inniki kambiqaannoo.

Uqafiqoo Ufafa 19:7

Tatufirana aruaninna sipsipa anaaqifa Yisuna amundarafara foora doo animaridanoo, minara maasa susuiqa asasiaqa mina uriqararana amooqiaqa. Mina aanaaqara foora Anutufa fuka siara eekara arimaruna aminoo maa siarana iraannee qufanoo irasee deedaqinoo maridanoo. Mi eekara siarafa Anutuna maqasaa fasiqa anaasee andeeqara oosana kikiqamusinoo maridanoo.

Roomma 6:2

Oo sia uqanna maasa miqi qianaura Yisufa aunirira saqarisaa kuqinau, maasa mina faqa kuqiira foora iqa marunnanara maqee maria mandainainakiqari kuqiira foora iqa maridaqa. Naqimasee maqee mari mandainainaki fuanauree doo kuqiara foora iqa maridaqa.

Kooroosee 2:20

Innee Yisuna aiku oosana mariasa mifa kuqufaqa innee faqa inneeqa irirana namufaqa kuqiarafoo mafi mariafanoo. Doo innee nanaree afaannauqa karaambaiqauqa misa ufa irisee rufiaidee kuqira fasiqa fannoo sia mi ainainausara iridanoo doo taikanoo maridanoo doo innee minara iriseeqa faiqí faiqi sandufa oosana oosanannai rafaaqafifaqa sia ooqai undee iqa eedoo qimasee mi mau fuaqa.

Kooroosee 1:6

Innee indaaru Anutufa narí amaaku maasara afaarinoo arunara innee mi afaariranara iriseeqa kai mi fasaasa ufana aiqama maqa maaqai daraanidanoo naundurakinaa amiqi amiqirana faiqí aanaaseeki kambiqaidanoo.

Firipi 4:17

Qinee sia narana maree maria munnimma moo faqa moo faqa maraanauree qidaqa maa ufana qimannimidaqa, qinee inni nuquara afeedira ainaina innaarunai nimaqaanifee qidaqa maaqoo munnimma qimianara qidaqa.

Yoohanee 3:29

Aqoondi fannoo amundara fasiqa aaqa maridanoo mina ufa iriseenoo asasidanoo. Narí aqoondi anaasee maree marinara asasidanoo. Qinee Yoohaneesa Yisunara iriseeqa asasidaqa. Mifa amundara fasiqara foora marifaqa qinee mina aqoondiara foora maridaqa mina ufa iriseeqa qini asasirafa firaafa maridanoo.

Mataioo 26:26

Misa nee marufanoo Yisufa feemu maraseenoo Anutunara dufi dufi qimaseenoo ruqiruqi maseenoo narí faiqi namu niminoo qinau. Maana marasee naaqa. Maana qini qifaaqa qimaqi kikiqusira feemu maridanoo.

Uqafiqoo Ufafa 21:9

Miqi qimasee qimaqimisoofanoo qangiroo moo fannoo qisauku dinni taikasee dinni ani qaara marasee marusakiqari aupurarana maqasaa teeqimariasakiqari moo fannoo aniree qimaqiminoo qinau. Yoohanee anee mai anirainaqa auniriranasaa kuqu sipsipa anaaqina mina anaaqa amundarana ani uqafiqaanana qafa.

Heeburu 10:10

Yisufa asauku mundirafa Anutuna aidiramau kai fidanoo narí afaaqa aandaura foora Anutuna moodaa kari kai aru aminau. Miqunara kai maasa numoo ikairi findaukama qumaqanau.

2 Koorinti 11:2

Qinee inni Koorinti maqannaasara qeeqa qiraamunara foora mareeqeeqa asauku mundirana utaaqama amaqaqaunanoo minaindikiqa mariaqeera minara rairaiqidaqa. Innee andeeqara maanaaqara foommafiqa mina faqa mariaqa. Maqasaa qaraa rairaiqiranau nimidau. Anutunaindaraa rairaiqirana nimidaqa.

1 Koorinti 10:16

Maasa aafaqa naidaqa kaafakinaa nammariara Anutunara dufi dufi qimasaidaqa mi kaafanakinaana naidaqa asauku mundirana fidika naida fee qimasaidaqa maasa kaqikaa feemu faqa ruqi ruqimasee naidaqa maasa asauku mundirana amaqi naida qimifaqa naidee qidaqa mi feemuna naidaqa.

Yoohanee 15:8

Innee andeeqara marirana qaqammara foora moomoo iraifanoo minannai qini qikoona amiqira afeeka eeraarira areenarana kooroomannimaqaannoo. Miqiuqanna iqa qini faiqinamuka mafifaranoo.

Yoohanee 6:51

Qinee kaqi marira feemu innaarunaindari qumu marunausa maridaqa. Faiqí anaasee moo fannoo qinee amianna feemuna namasainafa naaru naaru mariannoo. Qinee nimianna feemufa qini qimaqi maridanoo. Maa maqa maaqana afaaqasasa mariasa kaqi mariaqeera nimidaqa.

Mareekoo 4:20

Akaqa fasiqa anaasee amiqira maqasaa aaqee maria fara foora maridaqa, misa Anutuna ufa irisee maraanara qaqammara foora iraidanoo akaqafa oodaa iraidanoo akaqafa amiqimasee iraidanoo akaqafa fiqaramasee iraidanoo.

Roomma 6:11

Innee mi irirana marasee maaqimandee iriaqa. Maasa mandainainaki maridaqa kuqufiqa doo sia minaki maridaqa maasa faqa kuqirausa maridaqa doo maqee asauku mundirana Yisuna faqa kuqiranakiqari findi fiqa mina faqa Anutuna kaqi mariranaki maridaqee qidaqa.

Roomma 7:3

Mi anaaseena afaaqi kaqi marinanoo quandaki moo fasiqa marainnanara qummuarimari anaasee fee qifaranoo. Mina afaaqi kuqufinanoo sandufasaaqaraafa doo idukinoo maridanoo, quandakinoo moo fasiqa marainnanara sia minara ummuarimari anaasee fee qifaranoo.