Roomma 5:10 - Anutuna Ufa

¹⁰ Maasa Anutuna namuqaa marufanoo mifa narí amaaku maasa mandainaina arirana maroonara iriseenoo mina kuqiranannai aqoondi kamma quqaqisaifaqa maridaqa. Asauku mundirafa kuqunannai Anutuna aqoondi kamambi maridaqa kafaa Yisuna kaqi mariranannai mifa taikara aukuana Anutuna aranaqaranakinaana kuqaa uqanna maasa mina aqoondiuqa mareeqee asumu mariranaki quqaqisaannoo.

Roomma 5:10 Referans Kwoze

Roomma 8:32

Anutufa sia narí amaakuara irinau kaqi maasara qimudaoo qimasee kuqiranaki quqanau. Mifa narí amaaku uqanna ririmma kaqi qiminau nana ainainee moo ainaina sia qimiannoo, aiqama ainaina kaqi afaarida qimiannoo.

Eefeesusa 2:16

Asauku mundirafa narí aunirira saqarisaa kuqunannai Yuda maqannaa faqa aanaamuru faqa nariara nariara fidiaqaa imaruna aru taikanau, narí aunirira saqarisaa kuqunannai Yuda maqannaa faqa aanaamuru faqa rakimaruna taikaseenoo Yisufa mareeqeenoo mafi moodaanaki quqaseenoo mareeqeenoo Anutuna aanooqirana taikaseenoo narí akoona Anutunaki asooaranaki quqanau.

Uqafiqoo Ufafa 1:18

Qinee ooqai kaqi mariafanausa maridaqa, qinee kuquafanausa maridaqa doo qiqafa kaqi marunausa maridaqa naaru naaru marianaura. Qinee kuqiranara rakisirausa uriqararausa maridaqa mina kooqi kiqa uaqeeiunausa maridaqa kuqiranaki mariasa mandoosana mareeusa misa mariaqoo faqa uriqararausa maridaqa mina kooqi kiqa faqa uaqeeidaqa.

Heeburu 7:25

Doo minara maqee faqa naaru faqa minannai Anutufa mariqoo fimarinausa Yisufa amana mareeqee narí akoona aaqa quqaannoo. Mifa naaru naaru marinara mifa narí akoona aaqa quqaseenoo naaru naaru misara narí akoona faqa ufa qinoo dadaaqiannoo.

Roomma 8:34

Yafee moo fannoo mina faiqi namu kuqira ufa nimiannoo fee. Sia moo fannoo amana miqiannoo. Anutuna asauku mundirafa Yisufa doo kuqufufanoo Anutufa kuqiranakinaana mara findifumasee kaqi mariranaki quqasaifanoo doo maqee Anutuna aaqa asauku uqannai maridanoo maasara Anutuna oorisaa innaaru qidanoo.

Roomma 8:7

Faiqí faiqi manda nidirafa nitikuraki rakisimarisa Anutuna namuqaakammiqa maridaqa, sia Anutuna sandufamau fidaqa, fidaqau sia amanaikiaqini.

Heeburu 2:17

Yisufa narí akaqaafasaauqa maa maqanasaaqaraaasa dadaaqianee qimasee amiqimmandee misara maqi qiara mambiqa amiqimmandee misa aanaiqikianeera miqinau. Sia fifau Anutuna ainainira aanaiqikirafa mariannoo maqee maqee narí akaqaafasaa nifauee marianinafa oori runusee miqoo kai marianinna aanaiqikira uriqararafa mariannoo. Anutufa faiqí anaasee mandainaina minnisaanifeera Yisufa miqinau.

2 Koorinti 5:21

Anutufa narí andeeqarana innisaimbaqa naida qimianifeera narí amaaku qimamiseenoo maasa mandainaina aiqama qumareeqeenoo minasaa quqasoofanoo mina akiaqara kuqinoo taikannimaqanau. Asauku mundirafa mandoosana siaifa miqinau.

Roomma 11:28

Yuda maqannaasa Yisuna amiqira fasaasa ufa minnisoonara Anutuna ufaasu namuqaa kammiqa maridaqa. Sia fifau, inni aanaamuru mariasara iriseenoo Anutufa miqimma nimaqasoofaqa miqidaqa. Anutufa Abarahaamana Isakeena Yakooboonara iriseenoo, aiqama aanaamurukinaana rusandeesamumandee maroonara iriseenoo misasaa aruakinausa misa amiqi amiqimma nimaqoonara iriseenoo Isaraee maqannaasara qini qiqoondi fee qidanoo.

Roomma 5:11

Sia mina kai, Anutufa maasa aqoondi kamma qimaqoonara irisee Anutunara dufi dufi qidaqa asasidaqa. Anutuna asauku mundirafa Yisufa maasa karaambaiqa minannai maasa Anutuna aqoondi kiqa asasidaqa.

Yoohanee 14:19

Kaqikaaqoo maa maqanasaaqaraa irirana faqaasa sia qini qiqafeefaranoo. Innee kai qini qiqafeefaranoo. Qinee kaqi marirausa maridaqa minara innee kaqi marirana mareefaranoo.

Yoohanee 6:57

Qini qikoofa Anutufa kaqi marira oosana faqaafa qini diqiqoofaqa maaqoo maridaqa minasaaqaraa marirana maraidaqa. Miqi kai inoo qini namasainafa qinisaaqaraa marirana maraannoo.

Yoohanee 6:40

Qini qikoofa maanara ridanoo. Mina amaaku qiqafee mariasa minasaa irirana rusimariasa mi kamuqoo kai naaru marirana mareefaranoo. Taikara faasaana qinee misa uqeereeqee naaru mariranaki quqannisaanaura.

Yoohanee 5:26

Kaqi marira oosana qini qikoonaki kai marifanoo faiqí anaasee nimidanoo. Miqikai inoo naramaaku qini faqa kai kaqi marira nimira oosana doo qini qimiqaisa maridaqa.

Roomma 5:6

Ooqai maasa Anutuna andeeqaranara sia amanaikiqa oorudupiqa mariafananoo Anutuna andeeqara aukuanasaa Yisufa maasa mandoosana maree mariafanausara maasara kuqunnimaqanau.

2 Koorinti 5:20

Doo maqee maasa asauku mundirana aanaiqikirausara foora maridaqa maasasaaqari Anutufa aiqamausara nameera qidanoo. Maasa asauku mundirana ufa inni Koorinti maqusanaasa fuki faaki qidaqa innee Anutunara eedoo qifanoo mifa inni namuqaakiranakiqari quandakinoo inni aqoondikamma nimaqaani.

Eefeesusa 2:3

Maasa faqa aiqamausa aanaamuru Anutuna ufa rukiee mariasa naanna ramasee maasa qeeqa faiqí faiqi mandiriranamau fidaqa qeeqa qifaaqa irirana afaariqa kaqi qeeqa manda didiramau kai fiqiafana. Maasa Yuda maqannaasa aanaamuru naanna ramasee qeeqa qifaaqa afaaramasee mina akiaqara Anutuna aranaqaranaki firaridaqa.

1 Yoohanee 2:1

Qini faiqi namu sia innee aaqaaqeera maa ufana akara ridaqa. Yisufa asauku mundirafa andeeqarafa Anutuna afusaa maasufa dadaaqu fasiqafa maridanoo faiqí faqa anaasee faqa moo fannoo aaqaifanoo Yisufa minara iriseenoo maasa qikoofinnai oonureenoo maasa aaqarana andeeqa taikaannoo.

1 Yoohanee 4:10

Andeeqara amuqusirana anoona maaqimminoo maridanoo. Sia maasa Anutunara uriqarara ainaina fee qimasee rimariqiafana. Anutufa naaree maasara amuqusufanoo narí amaaku aqiqeenoo minannai maasa mandainaina akiaqara dariraree quna mina mara aquanifeera aqiqoofanoo quminau.