Roomma 4:6 - Anutuna Ufa

⁶ Anutufa aaqee maru fasiqa anaaseesa sia narinau, misara andeeqara fasiqa anaaseera foora kaqi mareeqee narí andeeqaranaki quqanau. Dafidifa minara maaqi qimasee akara rinau.

Roomma 4:6 Referans Kwoze

2 Timooti 1:9

Anutufa maasa asumu mareenoo maasa daaramasee mai aniannee qimasee qini faiqí anaasee uqanna mariafaqee qidanoo. Sia maasa oosana moo ainaina amiqirana qafeenoofau maasa asumu mareenoofau. Narí irirana narí afaarirana minannai kai miqinoo. Ooqai maa maqa maaqana faqa innaaruna faqa sia maru aukuanna narí mi afaarirana maasara narí asauku mundirana Yisunasaa quqaqoofanoo maqee maa aukuanna maasa asumu maree marifa asauku mundirafa Yisufa maa maqanasaa kooroomafinoo mi afaarirana maasa faiqí faiqi qiminau. Asauku mundirafa Yisufa kuqirana aru taikaseenoo narí amiqira fasaasa ufannai kaqi marirana faqa naaru naaru marirana faqa koorooinoo marifaqa maridaqa.

1 Koorinti 1:30

Anutufa inni mareeqeenoo asauku mundirana Yisunasaa atooqaseenoo asauku mundirana qumareenoo maasa iriranee qimaseenoo maasa mareeqeenoo narí andeeqaranaki qiseenoo narí aiku asauku uqannaikamma qimaqeenoo maasa manda ainainakinaana idukuqisoofaqa marunnanara maasa tamummaqara fasiqa ufamau kai fuannanara minara maaqi qimasee mifa akararinau. Faiqí moo fannoo nana ainainaree moo ainaina amooqianauree qimasee sia narí amooqirana uqeeraani karaambaiqara kai amooqiani.

2 Koorinti 5:21

Anutufa narí andeeqarana innisaimbaqa naida qimianifeera narí amaaku qimamiseenoo maasa mandainaina aiqama qumareeqeenoo minasaa quqasoofanoo mina akiaqara kuqinoo taikannimaqanau. Asauku mundirafa mandoosana siaifa miqinau.

Eefeesusa 1:3

Maasa dufi dufi qirana maasa qikoona Anutuna faqa maasa karaambaiqa Yisuna faqa nimiaqa. Maasa asauku mundiranaki keeqafufanoo mina akoofa Anutufa amiqi amiqirana maasa Yisuna namufaqa qiminau. Mifa innaarunaindaraa amiqira dadaaqirana qimaqaifanoo miqoo innaarunai maridanoo, minara maasa dufi dufi qimamaqaidaqa.

Karatia 3:14

Asauku mundirafa saqarisaa dirifi kuqinau. Anutufa ooqai Abarahaamanasaaqaraa amiqi amiqirana aanaamuru mariasa nimianifee qimasoofanoo asauku mundirafa saqarisaa dirifi kuqinau. Asauku mundirana Yisunannai aanaamuru mariasa Anutufa Abarahaamanasaa qima afeekaikira amiqi amiqirana misa faqa raina mareefaranoo. Maasa faqa qeeqa Yisuna saqarikiranannai Anutufa narí maraquna nimiraree quna faqa maraanaura.

Roomma 1:17

Anutufa faiqí anaasee aaqeemariasa narí namuqaaki mariasa sia naruseenoo mareeqeenoo narí aqoondikidanoo narí amiqira fasaasa ufa minara kooroo idanoo. Maasa Yisuna saqarikirana mifa kai Anutunara aqoondikirana nimidanoo. Ooqeenaa tamummaqara fasiqauqa akara minara maaqi qinoo maridanoo. Faiqí anaasee Anutuna saqarikiranannai mina aqoondikinausa misa kai naaru naaru marirana mareefaranoo.

Idi Ufa 112:1

Yaaweena amooqiaqa. Yaaweenara eerairammasee mina ufamau fimarifa faqa mina sandufara asasammasee afaqee marifa faqa asasiranaki maridanoo.

2 Peetooroo 1:1

Qini Simoona moo duqu Peetooroosa qinee asauku mundirana Yisuna ainainira faiqi Yisufa maa maqanasaa diqiqamaqoo fasiqausa marunausa maa akarana inni rumannimaqaida. Maasa Anutufa maasa asumu maree marifa asauku mundirafa Yisufa narí andeeqaranannai amiqira oondara fooqaana narí saqarikirana maasa qiminau, inni faqa mi amiqira ainainna niminau.

Karatia 4:15

Mi fasannai innee firaaqoo qiniara asasimariqau, maqee naqi fee ifaqee sia miqidee. Inni ooqai mariranara maaqi qidaqa innee firaaqoo qiniara qimudaoo qimasee qini dadaaqianee qimasee inneeqa firaa uriqarara ainaina kaqi qimuqini inneeqa nifu faqa pitaqimeeqee kaqi qini qimuqini.

Roomma 4:9

Dafidifa mi asasirausara Yuda maqannaasara kai fee fee qinau. Sia miqinoo maridanoo. Anaamuru mariasa faqa asasifandia maqi qinau. Qinee Pauroosa faasai Mooseena akarakinaana Abarahaamanara qunafa maaqimminoo maridanoo. Abarahaamafa Anutuna ufa irisee narí irirana minasaa rusisoonara Anutufa minara kai irisee mina mareeqeenoo narí andeeqaranaki quqanau.

Roomma 3:27

Yuda maqannaasa Mooseena sandufamau fidaqa náriara andeeqarausa maridee qimasee nári nipatara nimooqida maridaqa. Sia sandufa miqinoo maridanoo Anutuna ufasaa irirana mundinoo marifa narí mina mandaaqee marinafa mifa kai andeeqarafa maridanoo. Mifa kai Anutuna innaaruna andeeqaranaki quqaqisaidanoo.

Mataioo 25:19

Naaru kasooqaqee misa rakisirafa anireenoo naaramaseenoo munnimma oosana oosanara irammirinau.

Roomma 4:7

Anutufa mandainaina akiaqara mininnisoo fasiqa anaaseesa firaaqoo asasidaqa. Nári mandainaina Anutufa rafaaqafusoonara asasidaqa.

Yameesa 2:18

Faiqí anaasee moo fannoo minara qiannoo, anee Yisuna saqarikirana qumaree marianafa mariananoo qinee qisaukunnai Anutuna ufa qumaree marunausa maridaqa. Qinee Yameesasa minara maaqi qidaqa. Qinee naqimasee ani Yisuna saqarikirana qafaanauree asaukunnoo qumararafa sia marinaqa sia qafaanaura. Qinee Yameesasa qeeqa Yisuna saqarikirana qisaukunnai qumararana miqiqa inni uqannifiqaanaura.