Roomma 3:7 - Anutuna Ufa

⁷ Misa faiqí faiqi unna qimasee maaqi qimasee Anutuna anoona ufara qidaqa, maasa qiqa unna ufa fannoo Anutuna anoona ufa kooroomafi uqeerainanoo qiqa unna ufa amiqirafa maridanoo nanaree Anutufa qiqa unna ufa akiaqara qiqa daruannoo fee.

Roomma 3:7 Referans Kwoze

Roomma 3:4

Qinee Pauroosa minara maaqi qidaqa. Oo sia uqanna Anutufa mi mandoosanna maraannoo anoona ufa kai qimarifa maridanoo. Faiqí anaasee unnufa kai qimariasa kai mariafanoo sia Anutufa miqiannoo andeeqasee anoona kai qiannoo. Ooqeenaa akara Anutunara maaqi qinoo maridanoo. Ani ookinaa ufara aiqamausa anoona ufa fee qifaranoo. Misa ani ufara amanamandee irifanoo anoonaikammiannoo. Dafidina akarakinaa ufa Anutunara miqimminoo maridanoo.

Mataioo 26:34

Yisufa mi ufana iriseenoo qimaminau. Fafaa eendaki kookooraana sia ufa qinana anee qaaramookinana iraifana qiniara sia qinee mina qafaidee qinnaranoo. Miqi qinanoo kookooraana ufa qiannoo.

Rafudoo Akarafa 14:30

Mi faasaanna Yaaweefa Isaraee maqannaasa Isipa maqannaasa nisaukukinaana maranau. Marasoofaqa Isaraee maqannaasa quandafi niqafoofaqa Isipa maqannaa nammari afaiqara kuqiqeeqee mariqau.

Rafudoo Akarafa 14:5

Isipa maqannaa karaambaiqa Faraoofa narí ainainiranasaa rakisirausa faqa Isaraee maqannaa quqasee funara kaifaa oonu mafi irufanoo sia andeeqoofanoo qinau. Maasa nana furufaree qimarunaqee Isaraee maqannaasa idukuaki quqasee fidaqee. Maasa Isaraee maqannaasa quqasaafaqa fuafanoo yafee maasa ainainira faiqi kiannoo fee.

Rafudoo Akarafa 3:19

Qinee iridaqa, anee miqi qimasee qimaminanoo, Isipa maqannaasa Kinna fannoo sia inni niiqainaqa fifaranoo. Qinee mina aidafirana amiananoo miqoo inni niiqaannoo.

Oosana 37:20

Anifaqa mina aruseeqa mina iri mareeqee maa soorausaki mooki aqua. Miqimmaseeqa maasa minara kaasau aandau ariifoo qianaura. Maasa miqimmasaananoo mina qaina fannoo naqaa fee iannoo.