Roomma 3:3 - Anutuna Ufa

³ Akaqausa sia narisaa quqaqoonara irisee andeeqaramau fiqa rukiasee kaqi runnambiqau. Anutufa misa furufarirana qafamaseenoo qinee faqa misa qima afeekaikamma nimiafanna ufana qinee faqa misa naanna reeqa rukiaanauree qianauree.

Roomma 3:3 Referans Kwoze

2 Timooti 2:13

Maasa mina akaru qiananoo mifa kai amana kai andeeqasee mariannoo. Mifa sia amana narí oosana minnisee maasa mandoosanamau fuannoo, andeeqarafa kai maridanoo.

Heeburu 4:2

Ooqai inni saimbaqa Isaraee maqannaa ninausa nikausa Anutuna ufa iriqau. Maasa maqee doo irimmaseeqa amiqira fasaasa ufa maridanoo. Indaaru misa mi ufana iriseeqa aqummasaqau. Misa mi ufana naaqoonnai iriseeqa sia naundura nimuqusannai mi ufana qumaraqau. Sia minara kuqaa fee qimasee minasaa irirana rusiqau.

Roomma 9:6

Qinee Isaraee maqannaasara irisee sia Anutuna qima afeekaikira ufara kadiqee maqi qidaqa. Anutufa sia aiqama Isaraee maqannaasa rusandeesamumandee narí faiqi namu mariaqee qimasee maranau.

2 Teesaroonika 1:3

Oo qini qikaqaafasaauqa maasa inniara maqee maqee Anutufinai dufi dufi qimamaqaidaqa. Innee Yisuna saqarikirafa firaaqoo kambiqainara iriseeqa sia minara dufi dufi qiana aaqaannoo. Inniara Anutufinnai dufi dufi qimarunafa andeeqaidanoo.

Roomma 10:16

Misa amiqira fasaasa ufa mini qimannimisoofaqa sia aiqamausa iriqau akaqausa kai iriqau. Eesaiaafa minara maaqi qimasee akara rinau. Oo karaambaiqa maasa qimannimira ufa yausee iriaa, akaqausa moodaa kai iriaa. Eesaiaafa miqi qimasoofaqa qinee Pauroosa minara maaqi qidaqa. Faiqí anaasee sia fifau kaqi Yisuna saqarikidaqa, mina aufakiana naaree irisee miqoo Yisuna saqarikidaqa, Yisuna aufakiana sia fifau naaqooki kambiqaannoo, faiqí qimannimiafanoo naaqooki kambiqafifaqa saqarikidaqa.

Idi Ufa 84:7

Miqimmasee fimariasa afeekaika mafiqa Sioonna maqusa moo auqu Yeerusaree maqusai Anutufa aiqama unnaqira anutusa uriqararafa marina qafeefaranoo.

2 Koorinti 3:18

Doo maasa aiqamausa doorisaa qamunna rafaqaa irausara foora maridaqa karaambaiqa kaaqa qareenarafa innisaimbaqa doorisaara foora kaaqa qameeqeenoo aiqamai daroo daraa idanoo. Innisaimbaqa miqimammaree fidaqa Anutuna maraquna fannoo innisaimbaqa karaambaiqa fooqaanaikamma qimaqanoo fidanoo fimarifanoo innisaimbaqa areenarafa firaanaikinoo fidanoo. Karaambaiqa Anutuna maraquna saika maridanoo.

Mataioo 24:35

Innaaruna faqa innaarunakinaa ainaina faqa maqa faqa maqasaaqaraa ainaina faqa aiqama taikafuannoo. Qini dookinaafa sia taikarana amana naaru naaru anoona uqanna mariannoo miqi kaimminoo mariannoo.

Roomma 11:29

Anutufa narí rusandeesamumasee maree mariasara faqa narí amiqi amiqimma nimaqee mariasara faqa sia qaara iriranaikidanoo andeeqaidanoo sia kaaqa Isaraee maqannaa namuqaakinoo, ufaasu kai.

Yoohanee 1:16

Yisufa maaqoo qumu maridanoo narisaaqaraa amiqi amiqirana amuaaqa amuaaqa moomoo maasa aiqamausa qimufaqa mareemariqiafana.