Roomma 2:6 - Anutuna Ufa

⁶ Mi faasaanna Anutufa aiqama fasiqa anaasee nári maree mariana akiaqara kai nimiannoo.

Roomma 2:6 Referans Kwoze

Idi Ufa 62:12

Kafaa moo ainaina anee Yaaweefa maasara amuqusi marianafa mariananoo. Oo Yaawee anee kuqaa aiqamausa ainainirana akiiqara feefauru amana kai rainasee nimimarianafa mariananoo.

2 Koorinti 5:10

Asauku mundirafa ufa qiminna faasaana maasa aiqamausa mina afusaa kikiqianaura. Kikiqamambuananoo narí kai maasa maa maqanasaa marunnana akiaqara amiqira ainainee mandainainee mina akiaqara aadu aadu qimiannoo.

Mataioo 16:27

Minara qinee faiqí nimaaku qumuanaura, qini qangiroo namufaqa qini qikoona kaaqa areenaranaki qumuanaura, aiqama faiqí anaasee misa saika auqee mariana akiaqara nimirara qumuanaura.

Uqafiqoo Ufafa 22:12

Doo iriaqa Yisufa inniara qidanoo. Qinee qusasaa ooqufuanaura. Innee maree marianna akiaqara uqirausa doo ooqu fiqa muqu nimianauranoo.

Uqafiqoo Ufafa 20:12

Qinee miqoo qafaafananoo kuqirausa aiqama kuqiranakiqari findi fiqa Anutuna qaari aaqa ufa qiraree qimasee kikiqiqa mariqau. Uriqararausa faqa oorudupirausa faqa amana amana kai Anutuna oorisaa kikiqiqau. Innaarunai mariasa mi kuqirausa akara papiqa qairiseenoo nisaana riqau. Papiqa moo kaqi mariasa nuqu papiqa faqa qairisee qafanau. Anutufa mi papiqanakinaana misa manda marirana nirana auqarana qafamaseenoo ufa mina amana kai niminau.

1 Koorinti 3:8

Aaqee mari fasiqana saika faqa nammari adiee mari fasiqana saika faqa amana amana kai maridanoo. Anutufa naadu naadu narí ainaini marina akiaqara feefauru kasooqaqee nimiannoo. Maaqanda moodaanaki Anutuna ainainiranaki maridaqa ainainidaqa innee afuqa qambaanai Anutuna ainainirafa mariafanoo. Qinee Pauroosa moo ainaina kikiqa usuanaura, innee Koorinti maqannaasa Anutuna maaqa mariafanoo.

Uqafiqoo Ufafa 2:23

Qinee mi anaaseena ufa irimariasa faqa kuqa narusaanaqa amaana maqaki keeqee mariasa qini oosana irifaranoo. Misa qiniara kukeeqara ainainara irimari fee qiaqeera naruanauranoo. Qinee aiqamausa nári nisaukunnai auqainnana akiaqara kai nimianaura.

1 Koorinti 4:5

Innee minara irisee sia maasara kasaaqaindari ufa qiaqa. Karaambaiqa innaarunaindari quminna faasaana kai taikara ufa qimannimirafa mariannoo. Mikari karaambaiqa sia ooqai akooqoo mariu irirana kukeeqara irirana oosana oosana irirana minakinaana uqeereeqeenoo aiqamausa nifusaa kooroomannimaqaannoo. Aiqama fasiqa anaasee naundurakinaa oosana auqeefandiannana deedaqirana akooqoo aiqamausa nifusaa mara quqasainaqa qafeefaranoo. Mikari aiqama fasiqa anaasee nári maqasaa andeeqara nirana marirana amana kai Anutuna amooqirana mareefaranoo. Mikari Anutufa maasa saika oosana aiquqummasee minara ufa qiannoo. Maasa mina ufamau fimariafanausa marunnanara innee sia ufannai maasa saika kasaaqaindari aruaqa.

Aaquqira Ufa 24:12

Sia ani ainaina marida fee qia. Anutufa iridanoo mifa kai ani marirana rainaannoo fee qia. Mifa anisaa rakisidanoo, mifa iridanoo anee auqee mariannana akiiqara mifa amiannoo fee qia.

Roomma 14:22

Aninna irirafa narana nammariara sia faiqí aanaaseeki kooroomandee minasaa aanoo irafa raiqarafa kambiqaani Anutusandiri kai kukeeqasee iriaqa. Faiqí moo fannoo narana nammari nainara mina aakirafa sia qaoo qinafa mifa amiqira fasiqa asasiranaki mariannoo.

Aaquqira Ufa 24:2

Misa iriranaki faiqí mandaikamma nimaqarara kai randaidaqa. Misa aiqama kari ummaara kambiqaanifeera kai ufa qidaqa.

Rafudoo Akarafa 32:34

Doo oonuree faiqí anaasee nifiqamaree qinee qimamiafanna maqa maaqanai fua. Anee iria, qini qangiroo fannoo inni indaarunni kamma nimaqaannoo. Mi fasiqa anaaseesa aaqarana akiiqara ummaara nimianna aukuanafa anidanoo.

2 Koorinti 11:15

Sadannana ainaini maria fasiqausa andeeqara fasiqauqa nimammana usufiqa ainainirafa sia firaa ainaina, nárindi maridanoo. Kasooqaqee taikara aukuana andeeqasee mi manda oosanna amana kai mareefaranoo.

2 Timooti 4:14

Areesandeerafa mifa qainna faqa koopaa faqa auqimarifa mifa narí mandoosana mareenoo qini firaaqoo mandaikamaqimaqeenoo, mifa firaaqoo maasa qimannimira ufara akooqaidanoo anee faqa firaaqoo minara eerairia. Anutufa miqimarina akiaqara arirana mina amiannoo.

Aaquqira Ufa 26:10

Faiqí moo fannoo furufarira fasiqa fee kaqi nimari fasiqanee mareeqee narí ainainiranaki quqainafa aiqamausa naridanoora foora idanoo.