Roomma 16:3 - Anutuna Ufa

^3-4 Inni Roomma maqusai maria fasiqa anaaseeqanda, anaasee auqu Pirisikaa nammarifa maridanoo afaaqi auqu Akuiraafa mi qafaqiqanda qini dadaaqirana nári kuqiranara paasoosamandee moomoo kari nimeekaranaki fidaqa qini dadaaqimariasa maridaqa, asauku mundirana Yisuna ainainirana dadaaqi mariaqanda maridaqa. Sia qini kai dadaaqimariaqanda aiqama aanaamuru Yisuna ufara suqufi qimariasa misa faqa dadaaqimariaqanda marianara misa faqa qinee faqa miqandara dufi dufi qidaqa. Qinee maa pasanaki mi qafaqisa nimandaida.

Roomma 16:3 Referans Kwoze

2 Timooti 4:19

Anee Pirisikira nammarifa faqa narí afaaqi Akuiraana faqa nimandaa, Ooneesifoorusafa faqa narí faiqi anaasee faqa nimandaa.

1 Koorinti 16:19

Asia maqa maaqaki Yisuna ufara suqimariasa misa inni nimandaidaqa. Maaqoo Akuirafa faqa narí anaaqa Pirisikira nammarifa faqa nári maaqaki Yisuna ufara suqimariasa faqa inni firaaqoo amiqimmandee Yisuna ufa irimariasara foora inni nimandaidaqa.

Roomma 16:9

Asauku mundirana ainainiranakina maasa faqa moodaanaki mariufa. Urabanusana faqa inni faqa marina amandaidaqa, Qini qifaaqasaa qiqoondi moo auqu Sarakisafa inni faqa marina amandaidaqa.

Roomma 8:1

Maasa Anutuna asauku mundirana Yisuna faqa moodaanaki marifanoo Anutuna maraquna fannoo kaqi marirana niminoo kuqirana manda sanda faqa manda oosana faqa minaki marunnana idukuqisaifaqa maridaqa. Minara maqee asauku mundirana Yisuna faqa moodaanaki mariasa sia Anutuna kuqira ufa ameemaanai maridaqa.

Roomma 8:11

Anutuna maraquna fannoo Yisufa kuqiranakinaana marafindifinau. Yisuna mara findifu maraqunafa kai inni faiqí nifaaqa kuqiqa marifanoo kasooqaqee mi kuqirana uqeereeqeenoo kaqi marirana nimiannoo, narí maraquna inniki marinnanannai miqiannoo.

Roomma 16:7

Qini maqannaa Yuda maqannaa fasiqa anaasee qini faqa karabusaki maruqanda nuqu Andaroonikusafa faqa Iunia nammarifa faqa mi qafaqisa naaree Yisuna saqariki maruqanda maridaqa qinee innaaqianna. Yisufa niqiqoo fasiqausa amiqimandee miqandara iri mariqau. Qinee miqandara faqa maa pasanaki nimandaidaqa.

Roomma 16:10

Apeereesana faqa amandaidaqa, mifa aukuana aukuana asauku mundiranasaa atooqafinoo mina ainainirana faakanaikirafa marifa. Aristooburusana faqa mina aiku asauku faqa nimandaidaqa.

2 Koorinti 12:2

Ooqai qinee Yisuna ufa irimaru fasiqanara iriqia. Karaambaiqa Anutufa kaqi kai mina uqeereeqeenoo qaara innaaruna ooraaqareenoo qaaramoo kiranaki Anutufa marunaki quqanau. Mifa kuqaa fee afiqa miqoo quqanoo fee inau kai afu pisipasamaseenoo mina amana mara uqeereeqeenoo innaarunai quqanau fee inau. Qinee sia iridaqa Anutufa kai iridanoo.

Karatia 1:22

Mi aukuanna mi kamuqoo Yudeea maqa maaqaki maridaqa Yisuna ufara suqimarusa sia qini qiqafaqau.

Firipi 2:25

Maa akara rirana Eepafarooditusanasaa rumasaananoo maree innee iannai fuannoo mi fasiqafa qini daaqa ainainida dadaaqidanoo rakiranara foora dadaaqimarifa ooqai innee ooqai qini dadaaqira munnimma minasaa quqasee aqiqoofanoo mai anireenoo mai qini faqa ani maridanoo amiqimasee qini dadaaqidanoo.

Kooroosee 4:11

Yusatusafa mifa faqa mai maridanoo mina auqu moo Yisuna auqu amaranaikirafa mifa faqa inni nimandaidanoo. Yuda maqannaa amaana ufa irimarusa misakiqari Yusatusafa faqa Marikoofa faqa Aristarakusafa faqa mi namusa kai qini faqa moodaa karida ainainimariasa maridaqa maa maqanasaa Anutuna ququsa firaafaikianifeera mi namusa kai maasa dadaaqidaqa. Misa miqi mariafaqa qinee rumbaranaki marunanoo qimuqusa isooaidanoo.