Roomma 13:7 - Anutuna Ufa

⁷ Inneeqa takisa munnimma aiqama aquaqa, kaqikaa takisa kansoora takisa faqa kaamanna firaa takisa faqa aquaqa, aiqama uriqararausara amiqira fasiqee qimasee misa noorinni rufiaqa rufiaqa idaqa fuaqa.

Roomma 13:7 Referans Kwoze

Ruka 20:25

Roomma maqannaa uriqararanaindi fee qufanoo Yisufa qinau, faiqí moo fannoo sia moona ainainasaa narí auqu akara ridanoo ainaina faqaafa narí ainainasaa narí auqu kai quqaidanoo maa munnimmana Roomma maqannaa karaambaiqaindi maridanoo mina amana faqa mina auqu faqa maanasaa maridanoo doo mifa qimiannee qinaqa innee naríndi narí kai amiaqa kaifaa Anutunaindi faqa narí kai amiaqa.

Aaquqira Ufa 24:21

Oo qini qimaaku, anee Yaaweena ameemanai faqa (maqasaa karaambaiqa nimeemaanai faqa maria). Ufa rukiee mariasa faqa sia moodaanakikia.

Mataioo 22:21

Roomma maqannaa rakisirafa mina auqu Sisaa mina amana faqa mina auqu faqa maridanoo. Miqi qufanoo Yisufa qimanniminau. Doo Sisaana auqu minasaa akara rinoo marinara minaindi uqanna maridanoo doo narí ainaina doo narí amiaqa amisee quandafiqa Anutuna ainaina doo mina faqa narí amiaqa.

Eefeesusa 6:5

Qinee Pauroosa innee moosa ainainimariasa qimannimidaqa. Inneeqa feefauru marara saikaki keeqafinaqa amiqimasee mina ainainammaisaaqa. Sia nifaaqa quqasee mana mana iaqa. Innee naaquqee marinaqa ainaina akoona anainammaisaaqa, innee asauku mundirana ainainidee qidaqa maqasaa ainaina akoona amiqimasee nimuqusannai ainainammaisaaqa.

1 Peetooroo 3:7

Qinee Peetooroosa doo aanaaseeuqara qiqa doo maqee anaasee nifaaqmaqkara qianaura. Anutufa kaqi marirana kaqi nimidanoo aneenna anaaqa faqa aneenna faqa mi mariranaki mariafanoo minara aneenna aanaaqara amanna fee qimasee amandakusee mina faqa maria. Innee miqimasee inneeqa ninaaqmaaka faqa marifanoo moo ainaina fannoo sia innee Anutunara innaaru qirana ititaannoo.

1 Timooti 6:1

Faiqí moo fannoo Anutuna auquara faqa maasa naamuaqira ufara faqa mandainainee qifoora maa ufana ani qimamianana anee Yisuna ufara suqimaria maqanaki keeqee marisa qimannimia. Ainainafaqaasa maa maqanasaa feefauruaree qimasaida ainaini mariasa anee maaqi qimasee misa naamuaqia, misa aiqama amiqimasee naaquqama nimaqainaqa nári rakisirausa ainainamannimaqaaqa.

Eefeesusa 5:33

Mi ufana inni faiqiara faqa qidanoo aiqama fasiqa nári ninaaqmaakara nári nifaaqara foora nári nimuqusiani, anaasee faqa nári nifaaqmaaka ufa ameemaanai eedoo qimasee mariaqa.

Rafudoo Akarafa 20:12

Inneeqa ninausa nikausara qeerairidaqa misa ufa qaindusuaqa. Innee miqiqa qinee nimianna maqanasaa kisaaqasaa marifaranoo.

1 Timooti 5:13

Kumaaraa adeedaana anaasee moomoo suanisaa maaqakiaqa fifau nimariafanoo ainainira aukuana ainnaaqaree marisa mariafanoo. Misa miqiqa nidaqa manda uriqarara irirana marasee unnufa munuqi miniqi qiqa nidaqa sia qiaqaa ufa qiqa nidaqa.

Aaquqira Ufa 3:27

Oo qini qimaaku faiqí moo fannoo moo ainainara dadaaqiannee qinana sia qaoo qia. Mi ainaina marinana kaqi dadaaqia.

Ruka 20:22

Anee maa ainainnara qimaqimia maasa maqee maqee takisa munnimma Roomma maqannaa uriqararana amidaqa, maasa Mooseena sandufa rukiaidaqee miqidee qufanoo,

Roomma 12:10

Innee aiqama asauku mundirana mandaaqaqa mariasa minara irisee nariara nariara qikaqaafasaa fee qimasee nariara nariara nifaaqasaa aqoondiara foora nariara nariara andeeqasee ridaqa asasiaqa. Inneeqa niqoonnanara maasa uriqararanee qimasee maqee maqee mina auqu kooroo qia.

Roomma 13:6

Kaamanna fasiqauqee kansoorauqee uriqararausee, misa aiqama Anutuna ainainiranaki maridaqa faiqí anaasee andeeqannisaida maridaqa minara inneeqa takisa munnimma nimirana eedoo qimasee nimiaqa, minannoo ainainidammia.