Roomma 13:2 - Anutuna Ufa

² Faiqí anaasee moo fannoo kaamanauqa ufa rukiee marinafa Anutufa quqaqai fasiqausa ufa rukiee mariafa marinnarannoo. Anutufa quqaqoo fasiqausa ufa rukiainafa mi fasiqausa saaqaraa aanoo irana aneenna kai mareeqeena aneenna afaariki rusimariananoo.

Roomma 13:2 Referans Kwoze

1 Peetooroo 2:13

Qinee Peetooroosa maanara faqa qimannimidaqa. Maqasaa kaamanna firaa uriqararafa faqa maaqa maaqa uriqararausa faqa karaambaiqa Anutufa misa quqanau, mandoosana mareemariasa narifaqa iriaqeera faqa amiqira oosana maree marisa nimooqira ufa nimiaqeera faqa mi uriqararausa karaambaiqa maqasaa quqanau. Innee inneeqara innaarunai karaambaiqa faiqi namu maridee qimasee aiqama maqasaa fasiqa anaaseesaa rakisi mariasa ureeaqa maridaqa misa ufara eedoo kai qiaqa.

Titusa 3:1

Titusa anee maa ainainnara faqa maqee maqee Kareetee maqannaasa naaqoo auqaina iriaqa. Misa kaamanna rakisirausara maasa uriqararausee qimasee eedoo kai qiaqa. Aiqama misa amiqira ainainiranara qifaqa kasi kasi kai iaqa.

Yameesa 3:1

Qini qikaqaafasaa Yisuna ufara suqimariasakiqari innikiqari sia moomoosa ufasaa rakisirausaikiqa mariaqa. Maasa ufasaa rakisirausa afeeka ufa Anutufa kasooqaqee qimiannoo, kaqiqeesa oorudupinoo nimiannoo. Maasa aiqama aaqeemariasa maridaqa. Faiqí anaasee moo fannoo narí ookiqari sia aaqainafa doo mifa anoona paqurimaseenoo doo narí afaaqa ainaina marirana faqa andeeqasee rakisida mariannoo.

Roomma 13:5

Innee minara irisee uriqararausa ufara aiqama eedoo eedoo kai qiaqa, sia Anutuna aanoo iranara kai iriseeqa eedoo qiaqa, aneenna aakiranara andeeqanoo marifaqee qimasee eedoo qiaqa.

Mareekoo 12:40

Misa adeedaana anaaseeuqara faiqí siaisa mariafaqee qimasaida misa maaqa maqusa saqama noopundu maqa aiqama ummuaramasee umarasee quandakiqa faiqí nifusaa faiqí qiqafaqee qimasee kisaaqasaa innaaru qimariasa maridaqa. Mina akiaqara misa narirafa naaru fiqaramasee mariannoo.

Ruka 20:47

Misa faiqí anaasee nifusaa kisaaqasaa innaaru qidaqa maqandanai adeedaana anaasee saqama fee maqa fee maaqa fee ummuari mariasa mariafanoo mina akiaqara narirafa fiqaramasee mariannoo.

Mataioo 23:13

Yisufa kaifaa misa qimanniminoo qinau. Innee Farisai amaana ufa qimariasa faqa innee Mooseena sandufa akoofasauqa faqa inni narirafa firaafa marinara qinee oonumafi iriqa qimudao̱o qidaqa. Innee faiqí amaana ufa qimannimisaidaqa maqandanai inneeqa kaqi ummuari mariasa. Faiqí anaasee akaqausa innaaruna ququsaki keeqarariafaqa innee rafaaqafunnimaqaida innee faqa sia keeqeefaranoo.

Rafudoo Akarafa 16:8

Mooseefa kafaa qimanniminoo qinau. Eendinanoo Yaaweefa aandau niminaqa neefaranoo. Kananaana bereeta fooqaana inni nimana kai nimiannoo. Innee mina firaaqoo aanoo qimarianara miqiannoo. Innee maasara aanoo qimariana sia maasarau miqi mariafanoo, Yaaweenara aanoo qimariafanoo.

Roomma 9:19

Innee mina iriseeqa quandaki maaqi qimasee aaqamasee qini qimaqimifaranoo. Ani ufa miqinoo marinaqa maasa mandoosana maraananoo naqimasee Anutufa maasara aaqee mariasee qiannoo fee. Naqimasee maasa Anutufa auquqisoo mandoosanara iriseeqa rakeemaki amiqira oosanamau fuanauree.

Roomma 13:1

Aiqama kaamanauqa faqa uriqararausa faqa Anutufa kai quqaidanoo. Sia moo fannoo narí kambiqaidanoo, Anutufa eedoo qinara kai kambiqafi maridaqa. Minara irisee innee aiqamausa misa ufamau kai fuaqa.

Roomma 13:3

Manda oosana maree mariasa kai kaamanna rakisirausara rufiaaqa, amiqira oosana mareemariasa sia misara rufiaaqa. Anee kaamanna fasiqa fee uriqarara fee misa nifusaa mana mana kai iraree fee qidanee doo amana andeeqara oosana marasee miqia. Miqinanoo mifa amooqira ufa kai ani amiannoo.