Roomma 13:10 - Anutuna Ufa

¹⁰ Faiqí anaasee moo fannoo aqoonna fasiqa anaaseera amuqusi marinafa naqimaseenoo moona mandaikammamaqaannoo fee, sia miqiannoo. Minara qinee qiqa, aqoonnanara amuqusi marifa aiqama Mooseena sandufamau fimarifa maridanoo.

Roomma 13:10 Referans Kwoze

Roomma 13:8

Sia moona ummaara ameemaanai keeqana maria aufadaranaki kai maria. Moodaa ummaara ameemaanaki kai keeqaqa mariaqa. Nariara nariara nidimarinaqa mi moodaa ummaaranaki kai keeqaqa mariaqa. Faiqí anaasee moo fannoo narí aqoonna fasiqanaaseera amuqusinanoo Mooseena sandufa doo qumareenoo mi sandufana anoona paqurinoo kooroo idanoo.

Mataioo 7:12

Anee nana oosanaree aididanoo fee faiqí anaasee ani amifaree, anee amiqira oosana kai qimia qee qimariananoo. Doo anee naaree miqira amiqira oosanna kai faiqí anaasee maqee maqee kaqi nimia. Mooseena sandufa faqa tamummaqarausa ufa faqa misa ufa anoona mi ufanaki kooroo inoo maridanoo.

Yoohanee 13:34

Doo maqee qinee fuka aaquqira ufa qimannimidaqa. Innee nariara nariara nimuqusidaqa nariara nariara ruaqa. Qinee inniara qimuqusufaqa inniara rimariqia innee faqa qini daanna raaqa nariara nariara ruaqa.

Karatia 5:14

Mooseena sandufa aiqamatia maa moodaa ufanaki anoona kambiqaidanoo, mi ufafa maaqimminoo maridanoo. Innee inneeqa niqoonausara inniqa nifaaqara foora nidinaqa dadaaqiaqa.

Yameesa 2:8

Anutuna ququsakinaa ufa maaqi qimasee akara rinoo maridanoo, inneeqa niqoonausara inniqa nifaaqara foora nidianinani. Innee mi ufanamau fidaqa andeeqasee fifaranoo. Innee faiqí nifaaqa qamunna qafamasee rainee mariana mandoosana mareemariafanoo miqimarianara Anutuna sandufa fannoo inni rafaaqafidanoo.