Roomma 12:8 - Anutuna Ufa

⁸ Anee reendeenamandee fuki faaki qirana akoofasa maridana doo miqimmia. Faiqí anaasee moo fannoo narí akaqa nimira ainaina akaqausa raina nimidanoo sia akoo akaa ida nimia, oori inaa inaa ida nimia. Anee faiqí anaasee rakisi marinafa maridana anee faqa eeraaramasee ainainia. Faiqí aanaaseera qimudaoo qimasee dadaaqi mariasa sia nikoo nikaa mandeeqa miqia, asasammandee oori inaa inaa idana dadaaqiaqa.

Roomma 12:8 Referans Kwoze

2 Koorinti 9:7

Innee minara irisee inneeqa iriranannai kai munnimma aquaqa, sia mina aqusee ufaqirafa mariani sia moonara daakapaifaqa aqi fee qia Anutufa asasammandee aqimari fasiqanara aididanoo minara asasammasee aquaqa.

1 Koorinti 12:28

Innee Yisuna ufa iridaqa nuasa suqiranaki Anutufa miqikai inoo inni faiqí anaasee mareeqeenoo maaqimmasee quqannisoofaqa mariafanoo. Anutufa Yisufa niqiqoo fasiqausa inniki uriqararausaikinau, miqooqari misa ureeqarausa Anutuna ufa faiqí anaasee maqusa maqusa qimannimimarusa faqa inniki quqanau. Doo misa ureeqarausa ufasaa rakisirausa maqusaki qimannimimarusa Anutufa inniki quqanau. Kafaa miqooqari faiqí anaasee oosana oosana ainainirausa quqanau. Akaqausa faiqí sia amana auquaqaa ira ainaina auqimariasa quqanau. Akaqausa aurirausa andeeqee marusa quqanau. Akaqausa faiqí anaasee narí dadaaqi narí dadaaqi marusa quqanau. Akaqausa ufa suqirausasaa amiqimmandee rakisirausa quqanau. Akaqausa aanaamuru ufakiqari narí sia irimaru ufanakiqari Yisuna ufa suqiranaki qimannimimarusa Anutufa quqanau.

Heeburu 13:17

Innee inneeqa uriqararausa qinnandee kai iaqa. Misa Anutuna saika maraidaqa inni nimanara maqee maqee rakisidaqa. Anutufa kasooqaqee misa innisaa rakisiranara iraannoo. Innee misa ufara eedoo qifaqa misa asasammasee mi ainainnammifaranoo. Innee misa ufa rukiaifaqa misa nifaaqa qumooqukidaqa nikoo nikaa ifaranoo. Misa nikoo nikaa idaqa sia inni dadaaqifaranoo.

Heeburu 13:24

Innee maasa qimandarana inni uriqararausa faqa aiqama Anutuna ufa irimariasa faqa qimannimiaqa. Itari maqannaasa maaqooqaraasaki mariasa inni nikaqaafasaa mariasa inni nimandaidaqa.

Heeburu 13:22

Oo qini qikaqaafasaa innee maa ufana amiqimasee asaana ruaqa. Dadaaqira ufa maridanoo sia kisaaqa akara riqa minara qimannimidaqa.

Heeburu 13:7

Ooqai indaaru Anutuna ufa qimannimusara sia aunuaqa. Misa amiqi mariranara faqa misa kuqiranara faqa misa Anutuna saqarikiranara faqa iriseeqa misa nimeeraameera kai ida mariaqa.

Heeburu 10:25

Akaqausa amaana maqaki maqee suqiranara nikooqaidanoo. Innee sia miqiaqa maqee maqee suquaqa. Karaambaiqa qumira faasaanara qusararanara irisee narí fuki faaki narí fuki faaki qimasee Anutuna ufara suquaqa.

2 Koorinti 8:12

Inni munnimma amanaikinaqa nimisainanoo Anutufa narindiara foora dufi dufi qiannoo. Sia amanaikinana aqusainanoo Anutufa sia minara dufi dufi qiannoo. Sia amanaikinana sia aqua.

1 Koorinti 14:3

Faiqí moo fannoo Anutuna maraquna fannoo dadaaqifanoo Anutuna ufa narí ufakiqari qimannimifanoo nimuqusaki mandaikisa mina ufa iriafanoo dadaaqirana faqa pooduqarana faqa amiqi amiqirana faqa maraidaqa.

1 Timooti 4:13

Oo Timooti qinee anee ianannai kasooqaqee fuanaura. Anee qini qifeesidana maqee maqee faiqí anaasee aiqamausa nifusaa Anutuna akarakinaa ufa asaana rumasee mina oosana kooroomannimisee mi mau fuaqee qimasee fuki faaki qia.

1 Teesaroonika 2:8

Maasa inni Teesaroonika maqannaasara firaaqoo nimuqusimarunara sia Anutunaindaraa amiqira fasaasa ufa kai naida nimiqa, maasa qeeqa dariranara sia rufiqarai irirana faqa qimuqusa faqa kaqi marirana faqa nimiaqaaida mariqiafana.

1 Teesaroonika 2:3

Maasa qimannimirafa faqa sia aaqaranasaa mundinoo maridanoo sia maasa mandainaina maraannanasaa mundinoo maridanoo, sia maasa ufa akaruqiranasaa mundinoo maridanoo.

Kooroosee 3:22

Innee ainainira faiqiuqa mariasa innaarunai inni rakisirafa maridanoo inni saika oosana qafaidanoo. Innee maa maqanasaaqaraa rakisirausara faqa iriaqa aiqama kari misa ufara faqa eedoo qiaqa. Sia nári niqafainnaqoo kai andeeqasee ainainiaqa, kaqiqoo kaqiqoo faqa amiqimasee ainainiqa fuaqa. Miqi kai iqa sia faiqí anaasee nifusaa, inni nimooqiranara kai irisee ainainiaqa. Innee inneeqa nimuqusa ookiqari karaambaiqara naaquqainaqa minara irisee amiqimasee ainainiqa fuaqa.

Eefeesusa 6:5

Qinee Pauroosa innee moosa ainainimariasa qimannimidaqa. Inneeqa feefauru marara saikaki keeqafinaqa amiqimasee mina ainainammaisaaqa. Sia nifaaqa quqasee mana mana iaqa. Innee naaquqee marinaqa ainaina akoona anainammaisaaqa, innee asauku mundirana ainainidee qidaqa maqasaa ainaina akoona amiqimasee nimuqusannai ainainammaisaaqa.

2 Koorinti 11:3

Ooqai sakani fannoo narí kaaqa irira unnufannai Eeuana akaru qundee kai inni irirafa faqa iandoora. Asauku mundiranasaa kai inni irirafa amiqimandee andeeqasee mundinoo mari inanoo kaqi runna fifoora minara qinee inniara rufiaidaqa.

2 Koorinti 9:13

Inni dadaaqira ainainirafa innee Anutuna ufamau firana kooroo iannoo. Moomoosa mina qafammasee Anutuna amooqifaranoo misa inni afaaramasee naida nimirana qafammasee kafaa innee asauku mundirana fasaasa ufasaa atooqafi mundiqa marinnana faqa qafammasee sia ufa kai qimasee anoonee qimasee Anutuna amooqifaranoo.

2 Koorinti 9:11

Anutufa maqee maqee narana ainaina moomoo niminaqa innee mina qafeeqa amana maqee maqee akaqausa dadaaqiaqa. Innee maasasaaqari dadaaqimaria maqannaasa inni dadaaqiranara quandaki Anutunara dufi dufi firaaqoo qifaranoo.

2 Koorinti 1:12

Oo Koorinti maqannaasa maasa maqusa maqusa nidaqa inni faqa mariafananoo qini daakirafa irirafa maaqimandee qimaqimidanoo. Maasa inni faqa mariafananoo sia faiqí irirafa maasa uqaqifiqanau. Anutufa dadaaqufaqa narikinaana akooqoo anoona ufa faqa noori runusee auqarafa faqa, Anutuna afaarira amiqi amiqira afeeka faqa mifauqa kai rakisiqimaqee marifaqa inni faqa maridaqa minara maasa irisee nasuridaqa.

Roomma 13:6

Kaamanna fasiqauqee kansoorauqee uriqararausee, misa aiqama Anutuna ainainiranaki maridaqa faiqí anaasee andeeqannisaida maridaqa minara inneeqa takisa munnimma nimirana eedoo qimasee nimiaqa, minannoo ainainidammia.

Roomma 12:13

Innee niqoonausa Yisuna ufa irimariasa nana ainainaree sarau imariasa inneeqaindi misa faqa rainasee naida nimiaqa. Sia qafee marinna aanaamurufa faqa anirainana amiqi amiqimandee maaqa aminanoo tootooqiranaki fuani.

Mataioo 25:40

Qinee misa ufa iriseeqa quandafiqa kooroo qimannimianaura, maa qini qikaqaafasauqa misaki ureeqarausa innee misa amiqimmannimaqaidaqa qini faqa amiqimmaqimaqee marusa mariafanoo minara amiqira ququsaki keeqaaqeera qimannimidaqa.

Aaquqira Ufa 22:9

Afaarinana aneenna narana kudi fasiqauqa naiad nimia. Miqinana anee amiqi amiqirana mareennaranoo.

Idi Ufa 112:9

Mi andeeqara fasiqafa afaaridanoo sarauimariasa nimidanoo. Mina qimudaoo qirafa sia taikaannoo mi fasiqafa afeeka faqaafa marinaqa mina ufa ameemaanai keeqee faranoo.

Idi Ufa 37:21

Manda oosana maree mariasa moosa ainaina ufaasu maraseeqa sia kafaa nimidaqa. Andeeqarausa oosana moo maridanoo, misa afaarida kaqi nimimariasa maridaqa.

Oosana 18:19

Abaraqaammafa narí faiqi namu faqa misasaaqari kambiqainausara faqa andeeqara oosanamau kai fuaqeera fuki faaki ianifeera rusandeesamummasee maraqiafana. Misa miqi faqa qinee qima afeekaikiafanna ainainausa aiqama miqimma nisaanaura.

1 Timooti 6:18

Oo Timooti anee ainainafaqaasa mi ufana qimannimisee maa ufana faqa qimannimia. Sia moomoo munnimma ainaina mararara kai iriaqa. Innee faiqí anaasee dadaaqiqa amiqira dadaaqirana dadaaqiaqa mi dadaaqirana nimimariananaki aniki ainaina moomoora foora mariannoo. Innee afaariaqa inneeqa ainaina naida nimiaqa.