Roomma 12:2 - Anutuna Ufa

² Minara irisee maaqimmiaqa sia maa maqa maaqanasaa mariasa naanna raaqa. Innee eedoo qifanoo Anutufa inni nitikura amiqimmasee firaaqoo quandanniseenoo naunduraki nirana faqa quandannisaannoo. Innee miqimmaseeqa Anutuna irirana faqa Anutuna aidirana faqa amiqiranee qimariana faqa idaaqiranee qimariana faqa amiqimandee irifaranoo.

Roomma 12:2 Referans Kwoze

1 Peetooroo 1:14

Innee Anutuna ufara eedoo kai qimasee qumaraaqa. Ooqai innee aamina maru kamusaqa maridaqa manda nidimaru ainainna sia maqee kamu kafaa mina mara ootupaaqa, innee aiqama marirana andeeqasee mariaqa, Anutufa inni naaree marifa kaaqa andeeqarafa maridanoo mifa indee kai iqa kaaqa andeeaqa mariaqa.

Kooroosee 3:10

Mi manda irirausa ooqeenaa irirana marirana afaimma quqasee fuka andeeqara marirana marasee qammunnara foora afisuaqa. Mi fuka marirana Anutufa auqusee nimuna Anutufa kaifaa aiqama kari fukara foora kai mannimidanoo. Miqinanoo maasa marirafa mina amanaikinaqa maasa minara amiqimasee iriaqeera miqidanoo.

Eefeesusa 5:17

Minara innee sia furufariaqa Karaambaiqa inniara fuaqee qinaqa fifandinnanara faqa auqeefandinnanara faqa ooqai iridanoo innee mi iriranara randasee paqurimandee mi mau afeekaikamandee fidaqa qafaaqa.

1 Peetooroo 4:2

Nipatasaa nidafirana naruqooqari innee maa maqanasaa maridaqa inniqa nidira mandainaina fannoo sia inni mara quqaannoo, Anutuna irirafa kai inni mareeqee quqaani.

Roomma 12:1

Oo qini qikaqaafasaauqa, Anutufa inniara amuqusirana faqa amiqi amiqirana faqa firaaqoo marinara afeekaikamandee qeeqa qimuqusa ookiqari inni qimannimidaqa innee inneeqa marirana nipata aandau tatufiranara foora Anutuna amiaqa, Anutuna ufamau fidaqa mina aidira ainaina andeeqasee marirana mina mina amiaqa. Miqiqa inniqa Anutunara innaaru qirafa amooqirafa anoonaikiannoo.

Yoohanee 15:19

Innee qini faiqi namu maa maqa maaqanasaaqaraasa faqa moodaa irirana faqaasa marifaqau misa inniara maasaindi fee qimaseefau inniara rini. Qinee inni maa maqa maaqanakinaasa rusandeesamumasee qumaraqaunausa mariafaqa maqee sia misaindi marianara minara kaukaata qimannimaqaidaqa.

Idi Ufa 51:10

Oo Anutu qini qimuqusa fuka amiqira qimuqusa auqu qisaa. Qini daunduraki naaruara ani ufamau fira maraquna quqaqisaa.

Roomma 13:14

Innee inneeqa faiqí faiqi manda iriranamau fidaqa fanandimariana minniseeqa mi aanausa oonu ititee ani ititeemma atukaraseeqa quandaki Anutuna asauku mundirafa Yisufa maasa karaambaiqa mina andeeqaranaki fimariana mina qumareeqa mi duru saamunannai maasa faiqí faiqi manda marirana manda nirana faqa rakuaqa.

Titusa 3:5

Sia maasa amiqira saikafau Anutufa qafamaseenoo mina akiaqarau maasa asumu maranau narí amuqusiranannai kai maasa asumu maranau. Kaifaa aanaaqi aanaaqi kammafirana mifa nammariara foora maasa findaukamannisanau. Minannai Anutufa maasa asumu maranau.

Yameesa 4:4

Innee ummuari mari anaaseena aanna raidaqa innee maanara sia fee iridee, innee Anutuna aqoondi fee qimasaida maa maqa maaqanasaaqaraasa ainaina aqoondikidaqa Anutuna namuqaaki mariafanoo sia fee minara iridee. Faiqí anaasee moo fannoo maa maqa maaqanakinaa ainaina aqoondikiannee qimaseenoo minara kai inoo Anutuna namuqaakidanoo.

Yoohanee 17:14

Qinee ani aufakiana qeeqa faiqi namu qimannimunaqa qimannimiafaqa maa maqanasaaqaraasa akaqausa sia qini ufa irimariasa misa iriseeqa qini faiqi namu fidiaqaamma nimaqaidaqa. Qini faiqi namu ani ufa irisee maqasaaqaraasakinaa iriranara nikooqaidanoo innaarunaindaraa irirana marasaafaqa maqasaaqaraasa minara misa fidiaqaamma nimaqaidanoo. Misa qini daanna raidaqa sia maaqooqaraasau maridau.

2 Peetooroo 1:4

Mi innaarunaindaraa afeekanannai narí kaaqa idaaqira amiqi amiqirana narí qima afeekaikammaqoona maasa qiminau. Mifa qima afeekaikammaqoo kaaqa amiqira ainainannai maasa maa maqanasaa mariafanna mandainainara fanandirana faqa putaairana faqa qima afeekaikammaqoo afeekana mara mareeqa fi ruqiqaki fidaqa Anutuna aunduraindaraa irirana andeeqara mariranaki mariraree qidaqa miqidaqa.

Yameesa 1:27

Maasa qikoofa Anutufa maa qaaramoo ainainausa maraanara kuqaa anoona qini saqarikirausammiafoo qidanoo. Moo oosana fiaiqi faiqi rakisirana faqa moo oosana adeedaana aanaaseeuqa nariqa aupuraranaki mariasa rakisirafa faqa moo oosana maa manda maqa maaqanakina mandoosanauqa qifaaqai aqufuandoo qimasee eerairinafa faqa mi ainainna namuna maree mariasara kuqaa anoona qini saqariki mariasee qidanoo.

Idi Ufa 34:8

Aneenna kai Yaaweena firaa amiqiranara oonu mafi iria. Yaaweena itita nimaqaranaki kukeeaqa mariasa asasiranaki maridaqa.

1 Yoohanee 3:13

Qini qikaqaafasaauqa maa maqa maaqanakinaasa inniara fidiaqaaifaqa siamma innee minara tautiaqa. Kaina oosana maraifaqa misa inniara fidiaqaammifaranoo.

1 Teesaroonika 4:3

Anutuna irirafa inniara maaqimminoo maridanoo inni andeeqara naaquqarafa marinaqa faiqí anaasee narí ummuari narí ummuarirafa sia inni rumbanoo mariani mandainainakiqari idukirausa naanna ramasee mariaqee qiaqa.

1 Yoohanee 5:19

Maasa maana iridaqa maasa Anutuna ainaina maridaqa. Maa maqa maaqanaki mariasa aiqama manda fasiqa aakaaqakinaa fasiqa aramandunnai maridaqa.

Eefeesusa 1:18

Anutufa inni naaramasee narí areenaranara afeesiaqee qimarianara innee iriaqee qimasee inniara innaaru qimasaanaqa inni nifu nitikura quandasainaqa areenarana nimianinnanara afeesiaqeera innaaru qidaqa. Naaquqara amiqi amiqirafa idaaqirafa moomoo uqanna narí maqasaa fasiqa anaasee innaarunai nimirara qima afeekaikidanoo nimiannoo minauqara faqa inniara iriaqeera innaaru qidaqa.

2 Peetooroo 2:20

Miqi mariasa akaqausa asauku mundirana, Yisufa asumu maree marifa maasa karaambaiqa, misa akaqausa minara irimarianannai minannai maa maqanasaa kuridira mandainaina rafaaqafiranakinaana idukunnisaidanoo andeeqara aanai ubeekeeqa kafaa quandaki kafaa manda ainainaki aqufinausa mi fasiqa anaaseesa indaaru mandainainaki ida afaisaa mariaasa maqee doo firaaqoo uqanna ida qambaanaki mandainainaki aqufuafanoo.

Idi Ufa 119:174

Oo Yaawee qinee ummaaraki marunnanara firaaqoo ani afeedamma qimaqaranara rakisidaqa. Qinee asasirana ani sandufaki paquridaqa.

Karatia 1:4

Maasa qikoofa Anutufa qufanoo asauku mundirafa iriseenoo eedoo qimaseenoo mi mau finau maqee kamuqoo marunna mandainaina afeekaikiranakinaana maasa idukuaqeera narafaaqa maasa mandainaina akiaqara aunirira saqarisaa paasoosamasee quqanau.

1 Koorinti 3:19

Maqasaa fasiqauqa iriranee qimariana Anutufa minara furufara qidammiafoo qidanoo. Ooqeenaa tamummaqara fasiqa minara maaqi qimasee akara rinau. Anutufa irirana faqaasa qumaree nári firaa iriranaki ufaanakiara foora naridanoo.

Idi Ufa 119:128

Minara qinee ani aiqama naakapara ufa afaqaidaqa aiqama aaqara oosanara fidiaqaa idaqa.

Roomma 7:22

Qini qimuqusa ookina Anutuna sandufara asasidanoo qiqa qifaaqaki mari manda ainaina mifa kai qini raineeqeenoo narí rumbaranaki quqaidanoo.

Idi Ufa 119:97

Oo Yaawee ani sandufara qinee firaqoo ridaqa. Qinee faasaambaasaana minara kai iridaqa.

Idi Ufa 119:72

Anee qimianna sanda ufanara didirafa oosana firaafa fiqarara fee qidaqa. Maa maqanasaa aiqama munnima marina uraaqaranoo maridanoo.

Rafudoo Akarafa 23:2

Kootaki oonureeqa moomoosa unna ufa qifana anee sia misa dadaaqia. Misa ufaki kikiqa mafi andeeqara ufa mara furufarifana sia misa dadaaqia.

Uqafiqoo Ufafa 13:8

Aiqama maa maqa maaqana afaaqasasa mariasa mi kaasau aandaunara Anutufara foora innaaru qimasee amooqifaranoo. Misa nári nuqu kaqi marifandinausa Yisuna bukaki akara rimariasa misa kai sia amooqifaranoo. Ooqai maa maqa maaqana sia maruqoo Anutuna sipsipa aanaaqi kuquna bukaki nuqu marisa kai sia kaasau aandau amooqifaranoo.

1 Peetooroo 2:3

Miqiqa karaambaiqinnai oonuree mina aaqa mariaqa. Innee karaambaiqa amiqi amiqirana doo namasee qafee mariafanoo adiafaa idanoo dadaaqirafa maridanoo.

Idi Ufa 119:103

Ani naakapara ufa kaaqa adiafaaimarifa maridanoo. Mi adiafaairafa ookasaasa anoona kaaqa adiafaa imarina faqa arusee uriqaranoo maridanoo.

Roomma 7:12

Mooseena sandufa faqa Anutuna naamuaqira ufa faqa andeeqarafa naaquqarafa amiqirafa maridanoo.

Kooroosee 4:12

Eepafaraasafa inni Kooroosee maqannaafa mai maridanoo inni nimandaidanoo. Mifa faqa asauku mundirana Yisuna ainainira faiqi maridanoo, mifa inni Kooroosee maqannaasara andeeqasee Anutuna ufa nimandakusee irisee mi mau andeeqasee fuaqeera afeekaikamasee innaaru qidanoo. Innee kooroosee maqannaasa faiqí firaasara maqi mafi amiqimasee Yisuna aiku oosanaki ooqumarifi afeekaikiqa mariaqeera innaaru qidanoo. Innee miqiaqeera Eepafaraasafa inniara maqee maqee afeekaikamasee innaaru qidanoo.

1 Peetooroo 1:18

Inni nikeeku nikaaku fifau faafau mandirirana maqeeuna minakinaana inni idukusee mareeqee quqasainara mina akiaqara firaa ainaina maridanoo innee irimariafanoo. Mi feefaurirafa sia koora siruaa miqirafa maridanoo mifa taikee marifa maridanoo.

Yoohanee 14:30

Qinee sia amana inni faqa kisaaqasaa ufa qianaura. Maa maqanasaa rakisirafa Sadannafa doo anidanoo qini afeeka fannoo mina afeeka uraaqaranoo maridanoo.

Roomma 7:14

Qinee Mooseena sandufara kuqaa innaarunaindaraa ainainee qidaqa. Qini daundurakinaa mandainaina fannoo ainainira fasiqara foora qini feefaurummeeqeenoo nararamandunna quqaqisaqaisa mina rumbara saikaki maridaqa.

Mataioo 13:22

Amuka faqaanaki aqufu qaqammafa moo fasiqara foora maridanoo. Mifa Anutuna ufa irinoo maqasaa kadaapirirana faqa kaaqa ainainara munnimmara amuqusirana faqa mi ainainafa mi ufana anukaki kukuqinoo sia qaqamma iraidanoo, sia anoona kambiqaidanoo.

Kooroosee 1:9

Maasa indaaru mi ufana iriseeqa miqooqari inniara innaaru qidaqa. Maasa inniara Anutuna iriranamau fifandinnanara inni naundurai qumbiqaanifeera innaaru qidaqa. Anutuna maraquna fannoo nimi irirana faqa iriranamau fira irirana faqa inni naundurai qumbiqaanifeera minara faqa innaaru qimannisaidaqa.