Roomma 10:2 - Anutuna Ufa

² Misa Anutunara aidiranaki keeqaranara rirafa firaaqoo marifaqa qinee nindafaunaqa sia anoona iriranamau fida Anutunara ridaqa, kaqi runnambidaqa.

Roomma 10:2 Referans Kwoze

Firipi 3:6

Qinee firaaqoo Yuda maqannaasa sandufamau fimariafanausa marunnanara firaaqoo sandanainai qimasee Yisuna ufara suqimarusa nárí mariafanausa maridaqa. Mooseena sandufannai Anutuna andeeqarana amanaikirafa sia amanaikiannoo. Mooseena sandufannai andeeqarana marararee qimarusakiqari qinee misa uriqararausa Farisai amaana ufa qimarunausa mariafannana.

Firipi 1:9

Innee amiqira oosana kai irisee maraaqee qidaqa maaqi qimasee inniara Anutufinnai innaaru qidaqa, Oo Anutu Firipi maqusanaasa nariara nariara rirafa maqee maqee innooqaidanoo kambiqaani mina sia aaqara irirafa anoona irirafa faqa rainasee akoofasaikira irirana faqa maasaki innooqeenoo uqannifiqainaqa uriqarara aana kai umaree fuaqeera qidaqa.

Roomma 10:3

Misa Anutufa faiqí mareeqeenoo narí afusaa andeeqara oosanaki quqaranara sia irimariafaqa nariqa kai nári firoosana nariqa kai uqeerasee mi mau fidaqa, sia Anutuna andeeqaranaki fimaria oosana iriseeqa sia mina ameemaanai keeqaidaqa.

Aaquqira Ufa 19:2

Sia oonu mafi irirana maraifa aaqamaki kaqiruna ubeekaidanoo. Kai kaqi fimarifa kaqi runna fiaikatee finoo aaqaidanoo.

2 Koorinti 4:6

Ooqai indaaru Anutufa asukunakiqari kaaqa qaranara qaani fee qufa mi moodaa Anutufa kai narí areenarana maqee maasa qitikuraki qoomara foora qeenoo. Anutuna areenarafa narí asauku mundirana oorisaa areenaidanoo mi areenarana aufakiana innisaimbaqa iriaqee qimasee Anutufa innisaimba maasa qitikuraki qoomara foora qaidanoo.

Idi Ufa 14:4

Anutufa maaqi qimasee iraidanoo, misa sia fee iridafee. Aiqama maa aaqara oosanna maree mariasa irirana siaisee maridee. Misa qini faiqí anaasee feemuara foora nama taikaidaqa. Misa sia qiniara aiqama kari innaaru qimariasa maridaqa.

2 Koorinti 8:3

Qinee maa ainainnara amiqimandee iridaqa qimannimidaqa, misa nári munnimma marunna amanakai nimiqau sia mina amana kai nimiqau kai fiqarammasee aabaa faqa nimiqau.

Karatia 4:15

Mi fasannai innee firaaqoo qiniara asasimariqau, maqee naqi fee ifaqee sia miqidee. Inni ooqai mariranara maaqi qidaqa innee firaaqoo qiniara qimudaoo qimasee qini dadaaqianee qimasee inneeqa firaa uriqarara ainaina kaqi qimuqini inneeqa nifu faqa pitaqimeeqee kaqi qini qimuqini.

Kooroosee 4:13

Qinee Pauroosa mi fasiqana Eepafaraasana kadaapirirana qafaidaqa qimannimidaqa. Sia inni Kooroosee maqannaara kaifau qidanoofau, Raoodiseea maqannaa faqa Qieerapoorisa maqannaa faqara innaaru qimannisaidanoo.

Yoohanee 16:2

Kasooqaqee faiqí misa nariqa amaana maqakiqarifee ufa suqira maqakiqarifee aanoommasee inni niqiqeefaranoo. Kasooqaqee nariqa aaqamasee kuqaa Anutuna dadaaqidee qiqa inni kuqa narifaranoo.

Roomma 10:1

Oo qini qikaqaafasaauqa Roomma maqusai mariasa. Qeeqa qimuqusa ookiqari qeeqa maqannaasa Isaraee maqannaasara Yisufinnai aniree mina asumu marirana maraaqeera firaaqoo qimuqusidanoo. Qinee Pauroosa misara Anutufinnai firaaqoo innaaru qidaqa.