Roomma 1:5 - Anutuna Ufa

⁵ Yisuna minannai Anutufa qini amiqi amiqinoo qimannimira fasiqaikamambi maridana aiqama maqannaa naarama minisee Yisuna amiqira fasaasa ufa qimannimisainaqa iriseeqa mi mau fiqa Yisuna auqu uqeeraaqeera qiniara qimaqoosa maridaqa.

Roomma 1:5 Referans Kwoze

Roomma 16:26

Ooqai mi kukeeqara anoona ufafa maqee naaru naaru marira Anutufa ufa qufanoo mi kukeeqara ufafa aiqamausakina akoosaqa kooroomafifanoo marifaqa qafaidaqa iridaqa. Anutufa ufa qufanoo Yisufa sia kambiqooqoo tamummara fasiqauqa Yisuna aufakiana kooroo iqau. Maqee faqa aiqama maqannaa qimannimiafaqa mi ufanasaa irirafa rusififaqa iridaqa eedoo qimasee mi mau fuaqeera.

1 Koorinti 15:10

Anutufa sia qini ureeqaranara irinoo kaqi narí afauaranannai qini mareeqeenoo narí niqiqoo fasiqausaki quqaqiseenoo ufa qimannimiannee afeeka qimufanoo sia qiniki mandaikinau. Qinee aiqama niqiqoo fasiqausa urinaaqaramasee faiqí aanaaseeki maqusa maqusa kadaapiriqa, sia qeeqa kaifau miqidau Anutufa qimu afeekafa qiniki kasinara miqidaqa.

Heeburu 5:9

Mifa aupuraranakiqari amiqiranaikamambinoo quandafi narí ufara eedoo qimarusa naaru naaru marirana oosanaraseenoo niminau.

Roomma 12:3

Qinee Pauroosa Anutufa afaarida nimimari ainainara irisee maaqi qidaqa. Innee sia inneeqara amiqirausee qimasee firaaqoo inneeqa nimooqiaqa innee andeeqasee reendeenamaseeqa inneeqa nimana kai irirana iriaqa. Aiqamausa náriara qidaqa Anutufa faiqí anaasee dadaaqira nimirana irisee mina amana kai nariqa kai iriaqa, sia noori uqeerasee inneeqara firaaqoo irirana faqaasee qiaqa.

1 Koorinti 9:2

Akaqausa qini Pauroosara sia Yisufa aqiqoo fasiqafee qimariafaqa innee Koorinti maqusanaasa sia qiniara miqi qimariafanoo. Innee Karaambaiqa ufa irisee mi mau fimariafanoo mifa kai Yisufa qini diqiqoonara koorooidanoo.

Roomma 3:29

Anutufa Yuda maqannaa Anutufa kai fee maridanoo, aanaamuru mariasa Anutufa faqa maridanoo fee. Doo Yuda maqannaa faqa aanaamuru aiqamausa faqa Anutufa maridanoo.

Yoohanee 1:16

Yisufa maaqoo qumu maridanoo narisaaqaraa amiqi amiqirana amuaaqa amuaaqa moomoo maasa aiqamausa qimufaqa mareemariqiafana.

Eefeesusa 1:12

Maasa asauku mundirana irirana naaree indaaru irisee minara afeesimariasa maasa Anutuna kaaqa areenaranara dufi dufi qidaqa.

Eefeesusa 1:6

Anutufa narí kaaqa qara areenara afaarirana narí amuqusira amaaku kaqi nimimari ainainnara foora kaqi niminau. Minara maasa qimuqusa ookiqari idaaqira ainaina uqannee qiaqeera kaqi niminau.