Roomma 1:3 - Anutuna Ufa

^3-4 Mi amiqira fasaasa ufana narí amaaku narí asauku mundirana Yisunara maasa karaambaiqara qidanoo. Mifa Dafidinakiqari kambiqoonara maasa maqasaa fasiqee qidaqa. Anutufa narí firaa afeekannai kuqiranakinaana Yisuna mara findifumaseenoo minannai uqannifiqasoofaqa iriseeqa misa minara Anutuna amaaku innaarunaindaraafa naaquqarafee qidaqa.

Roomma 1:3 Referans Kwoze

Mataioo 1:1

Maa akarafa Anutuna asauku mundirana Abarahaamana ati Yisunara qidanoo. Karaambaiqa Dafidina ati maridanoo. Mina akeeku akaaku mina oosana maaqimminoo maridanoo.

Yoohanee 1:14

Mi ufafa Anutuna anoona ufa Yisufa faiqí faiqi kamambinoo maasaki qumu marinau. Qumumarufaqa mina afeeka eeraarirana maasa mina faiqi namu kuqaa qafaqau. Mifa narí akoona amaaku moodaa marunara narí akoonasaaqaraa afeeka eeraarirana faqa kaqi afaarirana faqa kuqaa anoona ufa qirana faqa maraseenoo qumbiqanoo maruna qafaqau.

Yoohanee 1:49

Natanaeerafa iriseenoo tautumakufanoo qinau. Ufasaa rakisirafa anee Anutuna amaaku marianafa. Anee Isaraee maqannaa karaambaiqa marianafa mariananoo.

Ruka 1:35

Qangiroo fannoo iriseenoo qimaminoo qinau, Anutuna naaquqara andeeqara maraquna fannoo ani aakufinanoo Anutuna afeeka anisaa mariannoo, minara misa mi naaquqara faiqi anaaqinara Anutuna amaaku fee qifaranoo.

Idi Ufa 2:7

Maqasaa karaambaiqa maaqi qinau, qinee Yaaweefa qima qimu ufana kooroo ianauree qinau. Mifa qiniara maaqi qinau. Anee qini qimaaku mariananoo maqee faasaana ani akausaikammiqa.

Oosana 3:15

Qinee qianaqa maa anaaseefa faqa anee faqa nariara nariara fidiaqaa ifaranoo. Inniqara faiqinamu naaruara namuqaa marifaranoo. Mi anaaseena asumu kiqari moodaa fannoo ani akiiqa radamuannoo. Anee mina asumu kinaana aiku ataa ukaqa aminnaranoo.

1 Teesaroonika 1:10

Innee mifunnai ubeekamafi mina amaaku innaarunaindari qumiranara afeesu afeesirafa kaqi afeesida marunara faasai aanaamuru minara faqa irimariqau. Anutuna amaaku Yisufa kuqiranakinaana mara findifufa, maasa Anutufa kasooqaqee naruaninnanakinaana Yisufa maasa asumu qumaree marifa innee mifa qumuaninnanara afeesida marunara aiqama aanaamuru faasaimma irisee qimaqimiafanoo.

Roomma 9:5

Misa ooqeenaasa faiqí nuqufaqaasa Abarahaamana faqa Isakeena faqa Yakooboona faqa misauqa faiqi namu niku nisauku mariasa, misa asauku mundirafa mi maqannaasaki qumu kambiqafufaqa moodaa maqannaa marusa maridaqa. Anutufa aiqamausara rakisidanoo, naaru naaru mina amooqiaqa. Kuqaa.

Yoohanee 20:28

Toomasifa mina qafamaseenoo qinau. Qini karaambaiqa qini Anutufa.

Yoohanee 10:30

Qini qikoofa faqa qinee faqa moodaa marunnanara sia amana rafieefaranoo.

Mataioo 1:16

Yakooboofa Yooseefaana akoofa marinau. Yooseefaafa Mariana afaaqi marinau. Mariafa Anutuna asauku mundirana Yisuna anoofa marinau.

2 Timooti 2:8

Aneenna aaqooki asauku mundirana Yisunara iria, mifa Dafidina ati kuqiranakiqari findifufa maridanoo. Mina amiqira fasaasa ufa qinee qimannimi marunnana mina koorooidanoo.

1 Koorinti 1:9

Anutufa inniara narí amaaku narí asauku mundirana maasa karaambaiqa Yisuna faqa aqoondikiaqeera inni naaree marifa marinara sia inni nikaruqimasee kasaaqai mininnisaannoo innee minasaa nifaaqa quqeemariafa maridanoo.

Yoohanee 20:31

Maa ainainnausara akara rumaseeqa inneeqa Yisunara kuqaa asauku mundira fee qimasee Anutuna amaaku fee qimasee mi iriranannai mina auqunnai innee naaru naaru marirana maraaqeera akara rumannimaqeeqa.

Yoohanee 10:36

Anutufa qini maraseenoo maa maqa maaqanaki diqiqamaqoonaki maridaqa. Qinee qeeqaraa Anutuna amaaku fee qunnanara naqimasee fee minannai Anutuna mandaikamma amaqaanauree sia amanaikiannoo.

Yoohanee 5:25

Qinee anoona ufa inni qimannimidaqa. Moo aukuana doo adeedi ranoo marida doo animaridanoo maa maqanasaa kaqi maridaqa Anutuna nariranaki mariusa kuqufusa Anutuna amaaku qinaqa iriseeqa doo narirafa ainaaqarainaqa kaqi mariranaki keeqeefaranoo.

Ruka 1:69

Mifa amudaanai qimasee asumu maraaninnana narí ainainira faiqi Dafidina atikiqari uqeereeqeenoo.

Mataioo 27:43

Mifa nariara Anutuna amaaku fee qimarifa Anutunasaa afaaqa quqarafa marifanoo Anutufa minara iridanoo fee sia fee iridanoo fee. Iridanoofau qumureenoo mina dadaaqinoofau asumu mariranaki quqani.

Mataioo 26:63

Miqi qimasoofanoo Yisufa kaqi kasooinoo marinau. Amaana maqasaa aanaiqikirausa misa uriqararafa Yisuna qafamaseenoo narí afusaa qimaminoo qinau. Kuqaa maaqanda Anutuna afusaa marunausa marida. Anee anoona ufa kai qini qimaqimia. Kuqaa fee anee Anutuna asauku mundirafa uqannee maridanee, Anutuna amaaku uqannee maridanee.

Mataioo 15:22

Miqooqari Kannaana maqannaa anaasee fannoo aanaamuru anaasee anireenoo Yisuna qimaminau. Anee Dafidina ati karaambaiqa mariananoo. Anee qiniara amuqusiani. Qini qiraamuna ooqeena aakinoo marifaqa ooqeena fannoo maqee maqee qini qiraamuna mara furufari marifaqa aurirana amimarifaqa minara ani qimamidaqa.

Mataioo 12:23

Faiqí anaasee aiqama qafamasee naaquqoofaqa qiqau. Maanaree maasa afeesi marunafa mifee. Dafidina atikiqari findifuanina fee qimaqoofa doo maana mifee.

Mataioo 9:27

Mi manaaqafa findifufanoo Yisufa moosaa fimarufanoo faiqí qaaraqanda nifu dimbaraqanda aanaaqiana fidaqa faaqariqa fida qiqau. Oo Dafidina ati anee maaqanda qiqafainanoo ani amuqusinana maaqanda dadaaqia.

Mataioo 3:17

Quqamafufanoo innaarunaindaraa ufa maaqi qimaseenoo akooqoo Yisunara qinau. Maa fasiqafa kaaqa qini qimuqusira qimaaku marifaqa minara qini qimuqusa asooaifaqa susuidaqa.

Mataioo 1:6

Yeeseefa karaambaiqa Dafidina akoofa marinau. Dafidifa Sooroomoona akoofa marinau. Sooroomoona anoofa Quriana anaaqa Dafidifa rafiaqoofa marinau.

Uqafiqoo Ufafa 2:18

Rambi kuradee maria saqarina qambaanai marifa Yisufa miqi qimaseenoo quandaki Yoohaneena kafaa maaqi qimasee qimaminau. Yoohanee anee Tiatira amaana maqasaa Paatoona faqa maaqi qimasee akara rumamaqaa. Anutuna amaaku afu idara foora qeemarifa mina aiku faqa anukanoo mari barasara foora tandi tandi mari aikunannoo mandainaina radamimarifa Yisufa maa ufana inni qimannimidanoo.

2 Yoohanee 1:7

Moomoo nikaru qimariasa ueeqee mariasa maaqanna maaqanna daraaniqa maridaqa. Misa Yisunara asauku mundiranara sia faiqí faiqi kambiqanau foo qidaqa. Miqi maria fasiqausa ueeqee mariasa maridaqa asauku mundirana namuqaa kammidaqa.

1 Yoohanee 5:20

Maasa maanara iridaqa asauku mundirafa Anutuna amaaku uqanna maasa Anutunara iriaqeera mina irirana qiminau. Doo maqee maasa Anutuna amaaku asauku mundirana Yisunaki marianara moodaanaki kuqaa anoona Anutunaki maridee qidaqa. Miqiqa maasa anoona Anutunaki faqa anoona asumu mariranaki faqa maridaqee qidaqa.

1 Yoohanee 5:5

Yafasiqa anaasee fee maa maqa maaqanakinaa mandainaina uraaqaraannoo fee. Akooqooqaraana Yisunara Anutuna amaaku fee qinafa mifa maa maqanasaaqaraa mandainaina uraaqaranoo mariannoo.

1 Yoohanee 5:1

Yafa yafee Yisunara Anutuna asauku mundira fee qinafa mifa Anutuna faiqi mariannoo. Moo fannoo akoonara rinafa mifa mi fasiqana faiqiara faqa ruannoo.

1 Yoohanee 4:15

Ya fasiqa anaasee fee maa maqanasaaqari Yisunara kuqaa Anutuna faiqi fee qinafa Anutufa minaki maridanoo mifa faqa nariki maridanoo.

1 Yoohanee 3:23

Anutufa maa naakaparufana maasa qimaqiminau. Innee qini qimaaku Yisuna qini qisauku mundiranara inneeqa irirana minasaa rusisee quandaki narí mina ufamau fiqa nariara nariara uriqarara ainainee qimasee nimuqusiaqee qinau.

1 Yoohanee 3:8

Yafa yafee mandaikiraqoo kaqi nimarifa mifa Sadannanaindi maridanoo, Sadannafa nikaruqirafa maridanoo nikaruqiannoo. Ooqai oosana arooqooqari mandainainaki nimarifa Sadannafa maridanoo Anutufa narí amaaku maa ainainnara maa maqanasaa koorooinau, Sadannana mandainainirana arutaikaanifeera maa maqanasaa koorooinau.

1 Timooti 3:16

Maasa Yisuna ufa irirana anoona ooqaindari kukeeqara ufa marifa Yisufa idaaqirafa firaafa maridanoo, sia amana moo fannoo minara qaoo qirafa. Yisufa maqasaa fasiqa nifiri kammafinoo koorooinau. Anutuna maraquna fannoo minara andeeqarafa maridanoo fee qinau. Qangiroouqa mina qafaqau. Faiqí moomoosa maaqanna maaqanna minara qimannimiqau. Maa maqa maaqanaki marusa minara kuqaammifoo qiqau. Anutufa mina mareeqeenoo innaarunai quqaqoofanoo maridanoo.

Roomma 1:9

Qinee aiqama kari maqee maqee inni Roomma maqannaasara iridaqa Anutufinnai maqee maqee innaaru qimarunnanara minara Anutufa iridanoo. Qinee qeeqa qimuqusa ookiqari qeeqa iriranannai Anutunara eedoo qira dadaaqira ainainiranakina maridaqa. Maridaqa narí amaaku amiqira fasaasa ufa faiqí anaasee qimannimidaqa. Qinee inniara Roomma maqannaa faiqí aanaaseera innaaru qidee qunanoo Anutufa kuqaa fee qiannoo.

Yoohanee 7:42

Tamummaqara fasiqa akara minara Anutuna asauku mundirafa Dafidina ati mariannoo. Dafidina ooqeenaa maqusaki Beetareeqeemma miqoo kambiqaannoo fee qiqau.

Yoohanee 1:34

Maafa Anutufa rusandeesamu masee maroofa narí amaaku uqanna maridanoo. Qinee qeeqa qifunnai qafeeqa inni kooroomannimaqaidaqa.

Roomma 4:1

Innee Roomma maqannaasaki Yuda maqannaa akaqausa maridaqa. Maasa Yuda maqannaa qikeeku qikaaku Abarahaamafa naqaafeeinau. Mifa andeeqara mariranannai fee Anutuna afusaa andeeqarafa maridanoofeeinau. Sia minannaifau miqinau Abarahaamafa miqinoo maridanoofau Anutuna afusaa narí andeeqaranara asasini. Sia amana narí asasirafa marinau, Mooseena akarakinaa ufa minara maaqi qinoo maridanoo. Anutufa Abarahaamanara qinau anee moomoosa nikausaikina marinnaranoo. Miqi qunara Abarahaamafa iriseenoo oo kuqaa kambiqaannoo fee qimasee narí irirana Anutuna mi ufanasaa rusiseenoo afaaqa quqasee kisaaqasaa rakisi marinau. Anutufa mina qafamaseenoo Abarahaamanara oo Abarahaamafa qini ufasaa ani irirana rusimarianafa mariananoo andeeqarafa mariananoo fee qinau, minara Abarahaamafa sia narí andeeqaranara narasasirafa marinau.

Roomma 9:3

Misa Isaraee maqannaasa asauku mundiranasaaqaraana rakeemmiqa maridaqa. Anutuna narira ufa ameemaanai marianara qinee rakeemaseeqa minni misa nimaaqa maqaanaqa misa aiqaree asauku mundiranasaa atooqafiqa naaru kaqi mariranaki mariaqaana.

1 Koorinti 10:18

Qeeburu maqannaasa moo nuqu Isaraee maqannaasa nariqa aandau tatufira oosanara iriaqa. Faiqí anaasee moo fannoo aandau maramaree Anutuna aanaiqiki maru fasiqana amisoofanoo aandau tatufinoo nariara akaqana marasee neemarufanoo aandau akoofa narí aiku asauku faqa muduka nanau. Misa qiqau, maasa Anutuna tatufira qaindasaa qaraana naida qimifaqa naidaqa mina faqa moodaanaki maridee qimariqau.

1 Timooti 2:5

Moodaa Anutufa kai maridanoo moodaa fannoo kai narí Anutuna faqa faiqí anaasee faqa mara moodaanakikamma nimaqaidanoo. Mi fasiqafa Anutuna asauku mundirafa Yisufa maridanoo faiqí anaasee oonu kafaa marasee nariki quqaanifeera narí afaaqa kuqiranaki quqanau. Maasa mina qafamaseeqa maaqi qidaqa. Oo Anutuna narí aukuana maridanoo. Oo mifa kuqaa aiqama fasiqa aanaaseera asumu mariranaki mariaqeera miqidanoo.