Roomma 1:16 - Anutuna Ufa

¹⁶ Anutuna amiqira fasaasa ufa Anutufa faiqí mareeqee asumu mariranaki quqeemari afeekafa maridanoo minannai Yuda maqannaa naaree aanaamuru mariasa innaaqiana irisee mi mau finausa Anutufa asumu mareeqee quqaannoo. Minara qinee mi amiqira fasaasa ufanaki qeeqa daundura firaaqoo mara quqaidaqa.

Roomma 1:16 Referans Kwoze

Mareekoo 8:38

Faiqí anaasee moo fannoo maa maqee maria manda aukuanasaa qiniara faqa qini ufara faqa faiqí nifusaa asaurusee nikooqainausa qinee faiqí nimaaku qeeqa qikoona areenarana namufaqa naaquqara andeeqara qangiroouqa faqa innaarunaindari qumureeqa mi fasiqa anaaseesara faqa qisaurusee qikooqaannoo.

2 Timooti 1:8

Minara irisee maasa karaambaiqara sia asaurua. Qinee Pauroosa minasaara karabusaki marunnanara faqa sia asaurua kaqi paasoosamasee qimannimia. Anee faqa miqi kai inana Anutufa afeeka amiqaina anee faqa Yisuna amiqira fasaasa ufara kaqi aupuraranaki keeqaa.

1 Peetooroo 4:16

Innee Yisuna ufara aupurarana maraseeqa sia minara nisauruaqa, Yisuna auqu maasasaa marinara Anutunara dufi dufi qiaqa.

Ruka 9:26

Faiqí anaasee moo fannoo qiniara faqa qini ufara faqa faiqí nifusaa asaurusee akooqainafa marinaqa qinee faiqí nimaaku naaru inaarunaindari qeeqa areenarana faqa qeeqa qikoona areenarana faqa naaquqara andeeqara qangiroouqa faqa misa areenarana faqa minauqa namufaqa qumureeqa mi fasiqa anaaseesara faqa qisaurusee qikooqaannoo.

1 Koorinti 2:2

Qinee qeeqa maaqi qimasee qimiriqa, qinee Koorinti maqannaasa qimannimidaqa qeeqa irirana aunusee asauku mundirana Yisunara kai qimannimianaura, mifa auniriranasaa kuqunara firaaqoo qimannimianauree qiqa.

Heeburu 4:12

Anutuna ufa sia fifau ainaina maridanoo, afu maqee marifa kasimarifa maridanoo. Aseema miqirafa kaaqa dinni dinni firaaqoo raiqarafa naundurai ateekeemarifa maridanoo. Faiqí nimana faqa maraquna faqa moodaanaki marinaki miqoo faqa fimarifa. Nimudaani aqumu faqa akikimana faqa ruqiasee miqoo faqa fimarifa maridanoo. Faiqí naunduraki faqa nimuqusaki faqa nidimarina faqa oonumafi irimariana faqa minauqa faqa qafeenoo rainee marifa maridanoo.

1 Koorinti 15:2

Yisuna amiqira fasaasa ufa qimannimiafannana, innee mina rakisi mapuku qumareeqa innaarunai asumu marirana maree mariafanoo. Abee innee indaaru kuqaa fee iriqee iqau unna qimasee iridee qifaara.

Karatia 1:7

Sia moo amiqira fasaasa ufa maridanoo moodaa kai maridanoo, faiqí anaasee akaqausa asauku mundirana amiqira fasaasa ufa qumaree mareeqee kaqinni ubeekeeqa minannai furufarirana inni nimimariafanoo.

Roomma 2:9

Nidafirana faqa aupuranara faqa Anutufa aiqama mandoosana maree mariasa misa nimiannoo. Yuda maqannaasa naaree nimiseenoo innaaqiana aanaamuruqa nimiannoo. Anutufa miqi kai inoo aiqama andeeqara oosana maree mariasa nimooqirana faqa nuqu uqeerarana faqa nimuqusaki asooarana faqa nimiannoo. Yuda maqannaasa naaree nimisee innaaqianna aanaamuru mariasa nimiannoo.

Idi Ufa 119:46

Qinee ani naamuaqira ufa uriqararausa kooroommasee qimannimianaura. Qinee miqi qimasee qimannimidaqa sia qisauruanauranoo.

1 Teesaroonika 2:13

Anutuna aufakiana maasasaa quqasoona inni qimannimiafaqa innee irisee umaraqau. Innee minara sia faiqí ufafee qimariqau. Anutuna ufafee qimasee umaraqau. Miquna qafamasee maasa Anutunara dufi dufi qidaqa. Kuqaa Anutuna ufa maridanoo innee mina ufa irimariasakina saikidanoo.

1 Timooti 1:11

Mee Anutuna mapukira ufa qunnana mifa maasa Anutuna amiqirana mina areenarana kooroo idanoo. Mina amiqira fasaasa ufa amana kai mi ufafa maridanoo. Mi fasaasa ufana Anutufa qinisaa quqasee anee Timooti qimannimiannee qu ufafa maridanoo.

2 Koorinti 9:13

Inni dadaaqira ainainirafa innee Anutuna ufamau firana kooroo iannoo. Moomoosa mina qafammasee Anutuna amooqifaranoo misa inni afaaramasee naida nimirana qafammasee kafaa innee asauku mundirana fasaasa ufasaa atooqafi mundiqa marinnana faqa qafammasee sia ufa kai qimasee anoonee qimasee Anutuna amooqifaranoo.

2 Koorinti 2:12

Qinee Pauroosa Asia maqa maaqaki fiqu fiqu idaqa Tarooasa maqusai oonureeqa asauku mundirana amiqira fasaasa ufa qimannimiraree qiafananoo Karaambaiqa faasai kooqi atuqeenoora maqi inoo marufaqa mi maqusanaki saika amiqimasee firaaqoo uqeeraqiafana.

1 Koorinti 9:18

Qeeqa saika akiaqara nana feefauru fee maraidee, Anutufa amana kadaapi akiaqara narana marasee naannee qifaqa qinee sia miqidaqa amiqira fasaasa ufa sia feefauruara irisee kaqi didifaqa qimannimunafa mifa qini feefaurirafa maridanoo. Kaqi qimamidaqa qeeqa andeeqara kadaapirirana akiaqara sia maraida kaqi qimannimira asasirafa mifa qini amiqira feefauru maridanoo.

1 Koorinti 9:12

Akaqausa inniki kaqikaaqoo kadaapiri maruna akiaqara kaqi narana nimiafaqa naidaqa, maasa fiqaramasee inniki kadaapiri marunnana akiaqara inni narana marasee naunaiqini sia kaqi marasee naidaqa. Anutufa amanammifoo qifaqa maasa sia miqidaqa. Asauku mundirana Yisuna amiqira fasaasa ufa inni naundurai sia keeqaandoo qimasee daara rarana faqa kadaapirirana faqa oosana oosana saika auqee marunnanara faqa qimannimiqiafana.

Roomma 15:29

Qinee inni Roomma maqannaa iannai oonuree maa ainainnara iridaqa. Qinee asauku mundirana afaaqooqa qiranasaa fidaqa mina amiqi amiqirana inni nimianaura.

2 Timooti 1:16

Ooneesifoorusafa mifa kai sia qinee karabusaki mariafannanara asaurinau. Roomma maqusai firaa taunna marufanoo qini sia dauni paqurinau anireenoo qiniara fiqu faiqu fumandee randaseenoo paqurimandee moomoo kari qini dadaaqimarinau. Qinee karaambaiqara mi fasiqana aiku asaukuara amiqi amiqi mannisaannee qidaqa.

Idi Ufa 110:2

Yaaweefa ani urinnaqarara rakisirana Sioona maqusasaaqari firaanaikamasainana aiqamatinai rakisi nimaqeennaranoo. Mifa qinoo anee aneenna namuqaauqa faqa rakisi nimaqeennaranoo.

Yoohanee 7:35

Yuda maqannaa uriqararausa mi ufana iriseeqa narí qimami narí qimami qiqau. Mifa yai fee finaqa maasa sia amana fuanauree. Mifa aanaamuru Kirisa maqannaa mariannai fee fuannoo fee. Yuda maqannaasa miqoo mariasa faqa maridaqa Kirisa maqannaasa narí ufa qimannimiraree fidanoo fee qida qinoo fee.