Roomma 1:1 - Anutuna Ufa

¹ Qinee Pauroosa Anutuna asauku mundirana Yisufa mara firiqai faiqisa maridaqa mina ainaina dadaaqimaruna faiqisa maridaqa. Anutufa qini maqasaa fasiqa Anutufa faiqí aanaaseekinaana rusandeesamumasee narí amiqira fasaasa ufara qimannimiannee qimaqoosa maridaqa.

Roomma 1:1 Referans Kwoze

Roomma 15:16

Anutufa amiqira ainainirana qini qiminau. Qinee asauku mundirana Yisuna saikaki quqaqisaifaqa maridaqa aanaamuru qimannimiranaki maridaqa. (Mooseena uqiqaana maaqakina Anutuna aanaiqikira fasiqauqa sipsipa aanaaqi amiqirana kai faiqí aanaaseendi mara maree mini ooninnai auqira qaindasaa quqasee arusee aandau tatufirana Anutuna suqa amimariqau.) Qinee aanaamuru faqa Anutuna faqa aanaiqikirausara foora marunnanara maa akaranaki afeeka ufa inni nimiqa, kaqiqeesa marifaqau sia afeeka ufa qimannimini ireeda kai qimannimini inni aanaiqikirausa maridaqara afeeka ufa qimannimidaqa. Anutuna naaquqara andeeqara maraquna fannoo aanaamuru mariasara Anutunaindi fee qimasee misauqa marirana nirana Anutuna aidirana amana kai mariaqeera minara kai Anutunai aanaiqi kirausaikidaqa maridaqa.

1 Koorinti 1:1

Qinee Pauroosa maa pasana akara rumannimaqaidaqa Anutufa narí iriranannai qini maqasaa fasiqa daaramaseenoo narí asauku mundirana Yisufa niqiqoo fasiqausaki qini quqaqoosa maridaqa maa pasana akara rumannimaqaidaqa. Maasa qikaqaafasaa Soosateeneesafa maa pasanaki mifa faqa qinee faqa nianaindari inni nimandaidaqa.

Kooroosee 1:1

Innee Kooroosee maqannaakiqari akaqausa Anutuna faiqinamu mariafanoo innee faqa maasa faqa asauku mundiranaki maridaqa mina ufa iridaqa moodaa fidikara foora maridaqa asauku mundiranasaa atooqarausa mariafanoo qinee Pauroosa qeeqa qikaqaafasaa Timootinandiri inni Kooroosee maqannaa nimandaidaqa. Anutufa qufanoo asauku mundirana Yisufa diqiqamaqaifaqa faiqí faiqi maridaqa inni nimandaidaqa. Maasa qikoofa Anutufa narí amaaku maasara afaarinau mi afaarirana faqa inni naundura asooarana faqa inni nimianifeera qimannimidaqa.

Titusa 1:1

Qinee maqasaa fasiqa Pauroosa Anutuna ainainirannai diqiqoosa maridaqa. Asauku mundirana Yisuna ufa anindiri irimarunausa maridaqa Titusa animma akara rumamaqaidaqa. Rusandeesamumasee Anutufa qini qumareeqeenoo narisaa mundimariasara mapuku nimaqaaneera qifaqa ufa nimidaqa. Anutufa qiniara misa mareeqee Yisuna kuqaa anoona firaa iriranaki mara quqaannee qifaqa miqidaqa.

Roomma 1:9

Qinee aiqama kari maqee maqee inni Roomma maqannaasara iridaqa Anutufinnai maqee maqee innaaru qimarunnanara minara Anutufa iridanoo. Qinee qeeqa qimuqusa ookiqari qeeqa iriranannai Anutunara eedoo qira dadaaqira ainainiranakina maridaqa. Maridaqa narí amaaku amiqira fasaasa ufa faiqí anaasee qimannimidaqa. Qinee inniara Roomma maqannaa faiqí aanaaseera innaaru qidee qunanoo Anutufa kuqaa fee qiannoo.

2 Koorinti 1:1

Anutufa qufaqa qinee Pauroosa asauku mundirana Yisufa niqiqoo fasiqausaikamambi marunausa maridaqa. Qinee qeeqa qikaqaafasaa Timootisandiri maa akarana rumannimaqeeqa. Innee Koorinti maqannaa Anutuna ufara suqimariasa faqa aiqama Akaia maqa maaqaki Anutuna ufa irimariasa faqa inni aiqama nimandaidaqa.

1 Koorinti 9:1

Qinee Pauroosa kuqaa Yisufa diqiqoo fasiqausa maridaqa kuqaa qinee Yisuna maasa karaambaiqa qafaafanausa maridaqa qinee sia moona karabusaki maridaqa qinee qeeqa iriranannoo maa saikana maraidaqa. Qinee Karaambaiqa saika inniki maraafannana mina anoona innee Yisuna ufa uqeeraafanoo.

2 Timooti 1:11

Qinee sia fifau oosana oosana aupurarana karabusaki maridaqau maraidau, Anutufa diqiqoofaqa maa maqanasaa qinee mina ufa faiqí anaasee naamua qidaqa Yisuna amiqira fasaasa ufa kooroomannimidaqa qimannimunnanara aupurarana qeeqa qifaaqasaa maraidaqa. Sia qinee minara qisauridaqa. Qinee qeeqa irirana irira fasiqasaa mundusauna maridanoo, qinee minara maana amiqimasee iridaqa, Yisufa narí afaaqooqa qimuna sia kadiqaannoo mifa amiqimasee dadaaqinoo fifi inoo narí qumira aukuana paquriannoo.

1 Timooti 1:1

Oo Timooti anee kumaaraa marianafa anee qini qimaakuara foora mariananoo. Qinee ooqai ani qimamiafannana aninna irirafa qufana Yisufinnai quandoona Anutufa faqa narí asauku mundirafa Yisufa faqa maasa asumu maroofa maasa minasaa mundi marunafa mifa qini mara quqaqoosa minara asauku mundirafa Yisufa narí ainainianeera maqasaa fasiqa diqiqoosa maa papiqana qinee Pauroosa ani akara rumamaqeeqa.

Karatia 1:1

Qinee Pauroosa Yisufa diqiqoo fasiqausa maridaqa maa pasana akara rumannimaqaidaqa. Sia faiqí faiqi moo fannoo qini mareeqee Yisufa niqiqoo saikanaki quqaqoosa maridaqa, sia Anutufa moo fasiqara qufanoo qini mara quqanau. Anutuna asauku mundirafa Yisufa faqa narí akoona Anutuna faqa Yisuna kuqiranakinaana uqeera quqoofa miqandakai qini rafaaqafusee mara quqaqoosa maridaqa maa saikanara qidaqa.

1 Timooti 2:7

Minara faqa qini Pauroosa qeeqa maqusaindari diqiqamasoofaqa qinee aanaamuru aiqama uqannifiqaidaqa Yisunasaa irirana rusirana anoona ufa faqa qimannimidaqa. Qinee sia unna qidaqa anoona ufa kai qimannimidaqa.

1 Teesaroonika 2:2

Maasa namu Teesaroonika maqusai fuaneera Firipi maqusai oonuraafanaqa mandaikamma nimaqeeqa manda ufa qimunara irimariafanoo. Maasa inni maqusai oonuraafanaqa moomoosa aanooqima nimaqoofaqa oonumafi iriafananoo Anutufa paasoosirana nimufaqa mina ufa inni Teesaroonika maqannaasa qimannimiqiafana.

Roomma 1:5

Yisuna minannai Anutufa qini amiqi amiqinoo qimannimira fasiqaikamambi maridana aiqama maqannaa naarama minisee Yisuna amiqira fasaasa ufa qimannimisainaqa iriseeqa mi mau fiqa Yisuna auqu uqeeraaqeera qiniara qimaqoosa maridaqa.

Firipi 1:1

Qinee Pauroosa Timootisandiri asauku mundirana Yisuna rumbara ainainira fasiqaqara maridaqa maa akarana rumannimaqeeqa. Innee Firipi maqusai maria Anutuna aiku asauku maria fasiqa anaaseesa innee faqa innee ufa suqimariana rakisirausa faqa inni niqoonausa inni dadaaqi mariasa faqa, innee aiqamausa inneeqa irirana asauku mundirana Yisunasaa rusimariasa, inni akara rumannimaqaidaqa.

Uqafiqoo Ufafa 1:1

Dauni kambiqaaninna ainainara Anutufa narí asauku mundirana Yisuna akooroommamufanoo mifa quandakinoo narí faiqi namu qimannimianifeera Yoohaneena kooroomma aminau. Asauku mundirafa maa ainainausara narí qangiroo aqiqoofanoo qumureenoo Yisuna ainainira faiqi Yoohaneena kooroomma aminau.

Yudeesa 1:1

Qinee Yudeesa maa pasana akara ridaqa. Qinee Yisuna ainainira faiqi Yameesana akaqa maridaqa. Qinee qeeqa qifasaanara Anutuna asauku mundirana Yisuna eedoo qimasee rumbara faiqiara foora ainaini marunna faiqisa maridaqa akara ridaqa.

2 Peetooroo 1:1

Qini Simoona moo duqu Peetooroosa qinee asauku mundirana Yisuna ainainira faiqi Yisufa maa maqanasaa diqiqamaqoo fasiqausa marunausa maa akarana inni rumannimaqaida. Maasa Anutufa maasa asumu maree marifa asauku mundirafa Yisufa narí andeeqaranannai amiqira oondara fooqaana narí saqarikirana maasa qiminau, inni faqa mi amiqira ainainna niminau.

Yameesa 1:1

Anutuna aiku asauku maaqa maaqa daraaniqa mariasa qinee Yameesasa inni nimandaidaqa. Qinee Anutuna eedoo qira rumbara saikara foora marunna fasiqausa maridaqa. Asauku mundirana Yisuna maasa karaambaiqa mina faqa eedoo qira rumbara ainainira fasiqara foora maridaqa nimandaidaqa.

Heeburu 5:4

Sia faiqí moo fannoo naríara uriqarara saikaki keeqaanauree qimasee naríara aanaiqiki mariasa uriqararafa maridanoo. Anutufa qifa kai aanaiqiki mariasa uriqararafa maridanoo. Mooseena afasaafa Aaroonafa ooqai miqi kai inau. Anutufa Aaroona aaroofanoo aanaiqikinau.

Eefeesusa 4:11

Mifa kaqi nimira dadaaqira afeeka faiqí anaasee niminau, mi dadaaqira afeekafa ainainirana akoofasaikiaqee qimasee akaqausee niqiqoo fasiqausa akoofasaikirana niminau, akaqausa faiqí anaasee qimannimirana akoofasaikirana niminau, akaqausa aamina maqannaasa qimannirana akoofasaikirana faqa paatoo saika akoofasaikirana faqa ufasaa rakisirana akoofasaikirana faqa niminau.

Eefeesusa 1:13

Innee Eefeesusa maqannaasa faqa miqikai iqa mariafanoo. Amiqira fasaasa ufa innaaruna asumu marirana nimi maria ufana innee iriseeqa kuqaa anoonufee qufanoo Anutufa narí naaquqara maraquna nimiani qimasoofa inni niminoo minannai nariara utaaqanau.

2 Koorinti 12:11

Qinee inniki ani maria fasiqausa unnaqira niqiqoo fasiqausa naannaraqa maridaqa furufarira fasiqara foora maa ufana qimannimidaqa. Inneeqa kai inni oosana fannoo qini mara furufariranaki quqaqisaidanoo. Innee Koorinti maqannaasa qiniara Yisuna anoona ufa qimaqimi mari fasiqa fee qiaqaana. Innee inniki ani maria unnaqira niqiqoo fasiqausara fifau unna qidaqa uriqararausee qimariafaqa misa qiniara ureeqara fasiqee qidaqa. Kuqaa qinee kaqi fifau fasiqa maridau qinee sia misa ureeqarausa marunaiqini, misa urinaaqararausa maridaqa.

2 Koorinti 11:5

Mi unnaqira fasiqausa náriara Yisufa niqiqoo fasiqausa uriqararausee qidaqa. Qinee Pauroosa sia misa ureeqarasau maridau misa uriqararausa maridaqa.

2 Koorinti 4:5

Maasa namu sia qeeqara qidaqa faiqí anaasee qimannimidaqa, maasa asauku mundirana karaambaiqa Yisuna minara kai kooroomannimidaqa. Maasa namu Yisuna auqu uqeeraidaqa Yisunara inni qimannimidaqa inniki rumbara fasiqara foora ainaina mannisaidaqa.

Roomma 1:16

Anutuna amiqira fasaasa ufa Anutufa faiqí mareeqee asumu mariranaki quqeemari afeekafa maridanoo minannai Yuda maqannaa naaree aanaamuru mariasa innaaqiana irisee mi mau finausa Anutufa asumu mareeqee quqaannoo. Minara qinee mi amiqira fasaasa ufanaki qeeqa daundura firaaqoo mara quqaidaqa.

Uqafiqoo Ufafa 22:9

Oo sia miqia Anutuna kai amooqia. Qinee ani faqa moodaa ainaini marunausa maridaqa ani afasausa tamummaqara fasiqauqa faqa moodaa ainaini marunausa maridaqa. Maa papiqanakinaa ufamau fimariasa misa faqa moodaa ainaini marunausa maridaqa. Sia qini qimooqia Anutuna kai amooqia.

Kooroosee 1:25

Yisufa narí aiku oosana mariasara Anutuna adakara foora mariaafoo qida nuqu raidanoo. Anutufa qufaqa qinee Pauroosa mi nidaka saikirana saikimaruna fasiqausa maridaqa inni dadaaqiaqeera aiqama maqannai ooqai Anutuna ufa kukeeqara ufa amiqimmandee kooroo iaqeera mi saikanaki Anutufa qini quqaqisaifaqa maridaqa.

Eefeesusa 1:1

Qinee Pauroosa Anutuna iriranannai asauku mundirana Yisunaindi maridaqa, mifa diqiqoo fasiqausa maridaqa. Anutuna maqasaa fasiqa anaasee Eefeesusa maqusai mariasa asauku mundirana Yisuna ufamau andeeqasee maqee maqee fimariasa inni maa akarana rumannimaqaidaqa.

Roomma 16:25

Doo maasa Anutuna areenarana amia, Ooqai oosana aroonakiqari kukeeqara anoona ufa Isaraee maqannaasa faqa aanaamuru maqannaasa faqa Anutufa asumu mariranaki quqaaninna ufana kukeeqanoo mariufa maqee Yisunaki koorooinoo maridanoo. Mi kooroo ira ufafa inni Yisuna saqariki mariana minaki inni amana mapuku nimaqaannoo. Amiqira fasaasa ufa asauku mundirana Yisunara qinee qimannimiqa nunnana, inni Yisuna saqarikirana mi ufanasaa mundinoo maridanoo. Amana Anutufa inni Yisunaki saqarikirana mapukusee quqannisaanoo.

Roomma 16:18

Miqi mariasa sia maasa karaambaiqa asauku mundirana ainainau idau, misa nári nidimari mandainainara kai randaida iridaqa. Misa nári nimanira ufannai faqa nári nifaurunnai kai susumma nimaqaranannai faqa amiqira fasiqa anaasee iriranara uneemaana qidaqa.

Roomma 15:29

Qinee inni Roomma maqannaa iannai oonuree maa ainainnara iridaqa. Qinee asauku mundirana afaaqooqa qiranasaa fidaqa mina amiqi amiqirana inni nimianaura.

Roomma 11:13

Qinee Pauroosa Yuda maqannaara inni qimannimiseeqa kafaa maqee inniara aanaamuru qimannimidaqa, Anutufa aanaamuru qimannimiranara diqiqoosa maridaqa inniki ainainimarunnanara asasidaqa.

Yoohanee 15:15

Qinee sia maaqooqari inniara qini ainainira faiqí fee qianaura. Rakisirafa narí fuaninnanara faqa auqaaninnanara faqa maraaninnanara faqa sia ainainira faiqiuqa qimannimidanoo miqimmianauree maaqimmianuree qidanoo narí kai. Ainainiaqee ufa kai qimannimidanoo. Qinee sia fifau saikira faiqi fee qidaqa inniara qini qiqoondi fee qimasaidaqa qinee qini qikoofa auqaaninna saika ufanara aiqama inni kooroomannimidaqa.

Yoohanee 12:26

Innee Kirisa maqannaasa qimannimia. Yafasiqa anaasee fee qini ainainira faiqikiraree qimaseenoo aufadeemarifa mifa narí maaqoo marirana quqasee qini faqa finafa qinee fuannannai mifa faqa miqoo oonu marida qini dadaaqiannoo. Yafasiqa anaasee fee qini duqu uqeeraannoo mina auqu faqa qini qikoofa uqeeraannoo.

Uqafiqoo Ufafa 22:6

Mi qangiroofa mi ainainausa uqaqifiqaseenoo qimaqiminoo qinau. Mi ufausa aiqama qimamunafa kuqaa minasaa mundimariafa marifaqa qimamiqa. Karaambaiqa Anutufa narí maraquna tamummaqara fasiqauqa nimimarifa narí qangiroo niqiqaifaqa mina ainainira fasiqa aanaaseesa qusasaa kambiqaaninna ainainausa uqannifiqaanifeera mi ainainausa ani uqafiqeeqa.

Heeburu 7:26

Yisufa mifa maasa aanaiqikira uriqararafa maridanoo. Maasa mandainaina oosana oosana manda ainaina akiaqara amana kai Yisufa maridanoo. Mifa andeeqarana naaquqarafa maridanoo. Minaki sia moo aaqarafa mandaikirafa maridanoo. Mina manda maqasaa mariasakinaana aadumasaa Anutufa quqararee qimaseenoo mareeqeenoo innaarunai uqeera uriqararanaki quqaqaifanoo maridanoo.

Yoohanee 15:20

Maa ufana qimannimunnana kaifaa iriaqa ainainira fasiqa sia narí rakisirana uriqararafa maridanoo. Misa qini inni rakisirana dariqa quandaki inni faqa qini ufa irimariasa faqa narifaranoo, misa qini ufa iriqa quandaki inni ufa faqa irifaranoo.

Mareekoo 1:14

Yuda maqannaasa karaambaiqa Eeroodeefa Yoohaneena nammari nimimaruna karafusaki rumbasoofanoo miqooqari Yisufa Kariree maqa maaqaki oonuree faiqí anaasee Anutuna amiqira fasaasa ufa qimannimida maaqi qimasee qimannimi marinau.

2 Koorinti 2:12

Qinee Pauroosa Asia maqa maaqaki fiqu fiqu idaqa Tarooasa maqusai oonureeqa asauku mundirana amiqira fasaasa ufa qimannimiraree qiafananoo Karaambaiqa faasai kooqi atuqeenoora maqi inoo marufaqa mi maqusanaki saika amiqimasee firaaqoo uqeeraqiafana.

2 Koorinti 11:7

Qinee sia unnaqi maria fasiqausa naanna reeqa qinee Anutuna amiqira fasaasa ufa inni qimannimidaqa kaqi kaaqoo mina akiaqara munnimma moodaa faqa sia uqanna maraqiafana. Innee Anutuna afusaa uriqararausa mariaqee qimasee qinee reendeenamafiqa oorudupi mafifaqa qeeqa ainainiranannai qeeqa narana ainaina mara naidaqa sia inni narana mareeqa. Qinee aaqaidee miqi mari qiafana.

1 Teesaroonika 2:8

Maasa inni Teesaroonika maqannaasara firaaqoo nimuqusimarunara sia Anutunaindaraa amiqira fasaasa ufa kai naida nimiqa, maasa qeeqa dariranara sia rufiqarai irirana faqa qimuqusa faqa kaqi marirana faqa nimiaqaaida mariqiafana.

1 Teesaroonika 2:9

Oo qini qikaqaafasaa maasa inni maqusai inni faqa mariafanaqa innee maasa oosana qafamasee irimariafanoo. Maasa narana maree maria saikana kadaapiriqa tooqaamu maraafana qafaqau. Maasa Anutufinnaindaraa amiqira fasaasa ufa qimannimiqa fifi inaqa innisaa oonu munduanaqa innee maasa naranara mamaraida miqidammiafoo qifoora faasaana faqa eendaki faqa qeeqa kai narana maree maria ainainirana kadaapiri mariafanaqa qafaqau.

1 Peetooroo 4:17

Anutufa aiqamausa ufa irira aukuana doo ani maridanoo. Anutufa narí faiqi namu ufa naaree iriannoo. Iridanoo misa faqa aupurarana nimiannoo. Miqi qimasee niminanoo Anutuna ufara nikooqee marisa naqi fee iannoo fee firaaqoo uqanna misa ufa nimiannoo.