Rafudoo Akarafa 5:3 - Anutuna Ufa

³ Mooseesa Aaroonasa kafaa Faraoona qimamiqa qiqau. Maasa Heeburu maqannaasa Anutufa maasa qifusaa koorooinoo. Anee maasara eedoo qinaqa qaaramoo faasaana aadana maqa maaqaki oonuree Yaaweena maasa Anutuna tatufirana suqa amianaura. Maasa sia miqiananoo mifa firaa manda auriranannai fee firaa dariranannai fee maasa aiqama daruannoo.

Rafudoo Akarafa 5:3 Referans Kwoze

Rafudoo Akarafa 3:18

Mosee anee Isaraee maqannaasa uriqarara fasiqauqa qimanniminaqa misa ani ufa irifana, Anee misa faqa nifiqa mareenana Isipa maqannaasa Kinna marinnai oonuree maaqi qimasee mina qimamia. Maasa Heeburu maqannaasa Karaambaiqa Anutufa maasa qifusaa kooroo mafinoo qimanniminoo.Anee maqee maasa uqasainaqa, maasa qaaramoo faasaana aadana maqa maaqaki oonuree maasa Karaambaiqa Anutuna tatufirana suqa amianauranoo.

Rafudoo Akarafa 7:16

Paquri maseeqa maaqi qimasee qimamiaqa. Yaaweefa Heeburu maqannaa Anutufa maaqanda diqiqaifaqa Isaraee maqannaasa anee idukusainaqa aadana maqa maaqai oonureeqa qiniara innaaru qiaqee qifaqa ani qimamidaqa. Anee sia iri mariananoo.

Rafudoo Akarafa 8:1

Yaaweefa kafaa Mooseesa Aaroonasa qimanniminoo qinau. Inneeqara Faraoo finnai oonuree maaqi qimasee qimamiaqa. Yaaweefa aniara maaqi qidanoo. Anee qini qiku qisauku idukusainaqa misa qiniara innaaru qidaqa qimooqiaqee qinoo.

Rafudoo Akarafa 8:20

Yaaweefa Mooseena kafaa qimaminoo qinau. Duna kananaana uqanna Faraoofa nammari auqarara ooqu fuannoo. Anee kananaana findifinana ooqureenana paqurimasee maaqi qimasee qini ufa qimamia. Faraoo Yaaweefa aniara maa ufana qinoo. Anee qini qiku qisauku idukusainaqa qini qimoo qiaqee qinoo.

Rafudoo Akarafa 8:27

Maasa qaaramoo faasaana aadana maqa maaqaki oonuree aandau tatufirana Yaaweena maasa Anutuna narí qimannimundee kai iqa suqa amianaura.