Rafudoo Akarafa 13:3 - Anutuna Ufa

³ Mooseefa Isaraee maqannaasa qima niminoo qinau. Innee maa faasaannara iriaqa. Innee karabusakiqari maa faasaanna Yaaweefa narí afeekannoo nifiqee anunara innooqee mari pauraqana aqira bereeta sia naaqa.

Rafudoo Akarafa 13:3 Referans Kwoze

Rafudoo Akarafa 20:2

Qinee Yaaweesa inni Anutusa maridaqa. Qinee Isipa maqasaa rumbaranaki maruna inni mareeqee mai quqaafanausa maridaqa.

Rafudoo Akarafa 13:14

Kasooqaqee inni faiqi namu mi suqanara oosannara inni iraifaqa innee maaqi qimasee qimannimiaqa. Yaaweefa narí firaa afeekannoo maasa Isipa maqa maaqai rumbaranakinaana qifiqee aninau maqi qiaqa.

Rafudoo Akarafa 12:42

Eendaki Yaaweefa Isaraee maqannaasa qumee rakisidanoo nifiqee finau. Aiqama aukuanaki mi eendiranara kai Yaaweenaindi fee qimasee innaaru qidaqa rakisi mariqau.

Rafudoo Akarafa 23:15

Innee Isipa maqa maaqaindari anu quqoonnana Abiba quqoonasaa qinee qimannimiafannandee iqa innooqee mari pauraqana sia aqira bereeta naidaqa asasiaqa. Mi oomaqanaki 7 faasaanasaa sia innooqee mari pauraqana aqira bereeta naaqa. Innee qini qimooqiraree qimasee sia kaqi aniaqa. Qini tatufirana suqara ainaina faqa maree aniaqa.

Rafudoo Akarafa 20:8

Innee Sabata faasaanara naaquqara faasaanee qimasee iriqa fuaqa.

Rafudoo Akarafa 12:19

Innee 7 faasaana qoomaqa nara faasaana innooqee mari pauraqafa sia inni maaqakiaqa mariani. Innikiqari faiqí moo fannoo fee moo aanaamuru ani marina fee innooqee mari pauraqana aqira bereeta nainaqa innee sia minara Isaraee maqannaa fee qiaqa.

Rafudoo Akarafa 12:8

Mi eendanaki kai mi aandauna amaqi idasaa kasooqammasee sukaqee mari adasana namufaqa naaqa. Sia innooqee mari pauraqana aqira bereeta suqasee sipsipa amaqi namufaqa naaqa.

Rafudoo Akarafa 6:1

Yaaweefa Mooseena ufa iriseenoo qimaminau. Amana doo anee maqee qini oosana qafeennaranoo. Qinee Faraoona afeekaikammasee qimamiananoo qini faiqí anaasee idukusainaqa fifaranoo. Sia kaqi idukuannoo qinee qiananoo idukuseenoo fuki faaki qinaqa mina maqasaaqari quqasee fifaranoo.

Rafudoo Akarafa 3:20

Qinee oosana oosana ainaina Isipa maqannaasa qambaanai auqamasaanaqa qafaifaqa, qinee eeqa afeekannai misa aupurarana faqa fitiqnarana faqa nimianauranoo. Nimiananoo Faraoofa miqoo inni uqasainaqa fifaranoo.

Rafudoo Akarafa 12:15

Yaaweefa kaifaa maaqi qinau. Qisauku dinni taikasee dinni ani qaara marasee 7 faasaana innooqee mari pauraqana aquqaa bereeta sia naaqa. Sia pauraqa aqira bereeta kai naaqa. Oomaqa indaaruqaa faasaana inneeqa maaqakiaqa aiqama innooqee mari pauraqana mara aqusaaqa. Oomaqaki faiqí moo fannoo innooqee mari pauraqana aqira bereeta nainna fasiqanara sia Isaraee maqannaa fee qiaqa.

Idi Ufa 105:5

Innee Yaaweena ainainira fasiqa Abaraqaamana akeeku akaaku mariasa mariafanoo. Anutufa rusandeesamummaqaisa Yakooboona faiqi namu mariasa, innee mifa amiqira ainaina auqoonara faqa sia faiqí auqaaqaa ira ainaina auqoonara faqa mina naamuaqira ufara faqa iriaqa.

Eefeesusa 1:19

Maasaki mina ufasaa irirana rusimariaqooqari Anutuna afeeka fannoo maasaki ainaini marinara faqa innee iriaqeera qinee Pauroosa inniara innaaru qidaqa. Anutufa asauku mundirana kuqiranakinaana uqeerasee innaarunai narí aaqa narí asauku uqannai ooqumaruqoo firaa afeeka faqa maasaki ainainimarifa faqa amana amana kai moodaa firaa afeeka maridanoo.

1 Koorinti 5:8

Doo maqee maasa ainnaaqarara qoomaqara foora suqufi naannana suqufi ooruku siai feemuara foora naanaura. Naranaki mari oorukufa manda oosanara faqa faiqí anaasee narí ummuari narí ummuari imariana faqa kikiqusidanoo. Ooruku siai feemu kikiqusimariafa Yisuna ufamau fidaqa nisakadiki ikairi sia marirana faqa anoona ufa qimariana faqa minara qidanoo. Maasa putaaira oosana taikaqisoofaqa maqee amiqira naranara foora putaaira oosana faqa aaqara oosana faqa taikasee nisakadiki ikairi siaisa anoona ufa qimariasa naanna ramafi marianaura.

Ruka 22:19

Miqi qimaseenoo feemu moo maraseenoo Anutunara dufi dufi qimaseenoo ruqi ruqi maseenoo narí faiqi namu niminoo qinau. Maa feemufa qini qifaaqa kikiqusira feemufa maridanoo kuqiranaki inniara quqannimaqaanaura. Innee maqee maqee naidaqa qiniara naaqoo iridaqa naaqa.

Mataioo 10:12

Mi fasiqana maaqaki keeqafinana qimamia. Anutuna amiqi amiqira asooarafa inni faqa mariani.

Rafudoo Akarafa 6:6

Moosee anee Isaraee maqannaasa maaqi qimasee qini ufa qimannimia, qinee Yaaweesa maridaqa. Innee Isipa maqannaa rumbaranaki mariana qinee inni idukeeqee asumu mariranaki quqannisaanaura. Qinee afeeka qisaukunnai manda aupurarana Isipa maqannaasasaa quqaanaura. Quqaseeqa inni Isaraee maqannaasa asumu maraanaura.

Rafudoo Akarafa 7:4

Qinee firaa aupurarana uqanna Isipa maqannaasa nimisee qeeqa faiqí anaasee aiqama faiqí oosaa indaarunni kiqa nifiqee fuanaura.

Rafudoo Akarafa 12:17

Innee miqimmasee qoomaqa naida mariaqa. Mi faasaanna qinee inni faiqí oosana faiqí oosana Isipa maqa maaqaindaraana nifiqee aniqiafana. Innee aiqama kari mi faasaannasaa qoomaqa sakeera foora mi faasaannara asasiaqa.

Rafudoo Akarafa 13:9

Mooseefa kafaa Isaraee maqannaa qimannimidanoo qinau. Maa oomaqana narafa inni naaqoo auqaannoo. Nisaukuki sanda rumbeera foora faqa niqinaaqa rumbeera foora inoo maridanoo, mifa inni naaqoo auqainaqa innee Yaaweena sandufa qirana faqa mina ufa asaana rumasee irirana faqa naaqoo auqaannoo. Yaaweefa narí afeekannoo inni Isipa maqa maaqaindaraana nifiqee anunara miqiaqa.

Idi Ufa 114:1

Isaraee maqannaasa Yakooboona akeeku akaaku aanaamuru maqa maaqa Isipa maqa maaqakiqari quqasee aniqau.

Idi Ufa 136:11

Mifa Isaraee maqannaasa Isipa maqusaindaraana aana muqunufaqa fiqau. Mina amuqusirafa naaru naaru marifa maridanoo.

Oosana 15:16

Ani aiku asauku qaara faqa qaara faqa oosana mi rumbaranakiqari oonu randee anifaranoo. Qinee sia Amoora maqannaasa dauni naru taikaanaura. Misa kaaqa mandaika uqanna ifaqa miqoo misa naru nindaqaaqa masee ani aiku asauku miqoo quqaanaura.

Rafudoo Akarafa 6:7

Qinee inni qeeqa faiqí aanaaseekammaseeqa qinee inni Anutusa marianaura. Qinee inni Isipa maqannaa karabusa kinaana iduku nisaanaqa miqoo innee qini Anutusara irifaranoo.

Rafudoo Akarafa 12:2

Innee aiqama aukuanaki maa quqoonnara maasa indaaruqaa quqoona fee qifaranoo.

Rafudoo Akarafa 12:41

430 aukuana taikarana namu faqa faiqí aiqama oosana Yaaweena aiku asauku Isaraee maqannaasa Isipa maqa maaqa quqasee fiqau.

Rafudoo Akarafa 34:18

Ooqai innee Abiba quqoonasaa Isipa maqasaaqari anusa mariafanoo. Minara Abiba quqoona anirainaqa maqee maqee innee sia yis mari feemuna oomaqa sakasee maqee maqee naaqa. Dinni qisauku taikasee dinni oonu qaara marasee 7 faasaana mi oomaqana sakasee naaqa. Isipa maqasaaqari anu quqoonafa marinara miqiaqa.

Idi Ufa 89:14

Ani rakisinnimaqarafa andeeqaranasaa faqa amana amana kai raina nimaqaranasaa faqa mundinoo maridanoo. Faiqí aanaaseera nimuqusirafa faqa mapukusee marira oosana faqa anee Anutufa auqaanna aiqama ainainnaki maridanoo.

Idi Ufa 136:12

Mifa misa narí afeeka asaukunnai nifiqee finau. Mina amuqusirafa naaru naaru marifa maridanoo.