Biblia Todo Logo
Bib sou entènèt

- Piblisite -




Rafudoo Akarafa 11:2 - Anutuna Ufa

2 Moosee anee aneenna maqannaasa maaqi qimasee qimannimia. Misa aiqama Isipa maqannaasa nári naaqa mariasa iramirifaqa nifaaqa auqi maria ainainna siruaannoo faqa koorannoo faqa auqirana nimiaqa.

Gade chapit la Kopi




Rafudoo Akarafa 11:2
16 Referans Kwoze  

Innee firarifaqa inni ninaaqmaaka Isipa maqannaa aanaaseeuqa nári naaqa maria aanaaseesa faqa nariqa maaqaki mariasara faqa qifaqa qamunna faqa koora faqa siruaa faqa nifaaqa auqi maria ainainausa faqa nimifaqa inneeqa faiqi namu niraamuqmaaka Isipa maqannaa amiqira qamunna ainaina kai afisunnimaqaifaqa maree fuaqa. Miqinnanannai innee Isipa maqannaasa ainaina maree fiara foora ifaranoo.


Munnimma qinindi uqanna marifaqa nimidaqa. Sia moonaindifau. Qeeqa kai iriseeqa amana afaaramma nimaqaanaura. Innee qini afaariranara minaree inni nikoo qaidanoo fee.


Andeeqara fasiqauqa kuqifaqa misa faiqi namu ninaiqi mara misa qumiasana mareefaranoo. Mandoosana maree mariasa qumiasana andeeqarausa iannai kai fuannoo.


Yaaweefa Isipa maqannaasa ooqa faiqi akoonaiqiuqa naruseenoo Isaraee maqannaasa nifiqamareenoo misa Isipa maqannaasa koora siruaannai auqira ainainauqa mara maroofanoo Isipa maqa maaqakiqari nifiqee finau. Sia moo fannoo teeroo quqoofa mariqau aiqamausa amiqirausa kai fiqau.


Maa maqa maaqafa faqa aiqama minakinaa ainaina faqa Yaaweenaindi kai maridanoo. Maqa faqa minasaa maria fasiqa aanaaseesa faqa minaindi kai maridaqa.


Faiqí anaasee Yaaweena amirara nidimarusa misa kai nifaaqa auqimaru ainainausa nikiiqa asausi rumbee maru pinnana faqa naaqoo kinaa fidinaanu faqa nisaukuki quqee maru isaaqamana faqa ninukaki rufi maru kukukakana faqa oosana oosana ainaina nifaaqa auqi maruna koorannai auqiranauqa mini Yaaweena amidee qiqa mini quqaqau.


Miqi qiafaqa qinee qimannimiqa koora faqaasa qimiaqee qunaqa uaqee iasa akaqana qimia. Qimiafaqa idaki aqusaunanoo burimakau aanaaqi kambiqeenoo.


Miqimma saafananoo Anutufa inni nikoona aandau aina mareeqeenoo qinindiki kai quqaqiseenoo.


Amooqimaseenoo findifinoo qamunna faqa siruaa faqa koora faqa firaa feefauru aqimaru oonisa Reebeeka nammarina aminau. Mifa firaa munnimma aqimaru ainainausa mina afasaana faqa mina anoona faqa niminau.


Qinee Isipa maqannaasa inniara naaquqarana nimianaqa innee Isipa maqasaaqari sia kaqi fifaranoo. Misa ainaina inni nimifaqa mara maree fifaranoo.


Swiv nou:

Piblisite


Piblisite