Rafudoo Akarafa 10:3 - Anutuna Ufa

³ Mooseefa faqa Aaroonafa faqa Faraoo funnai oonuree maaqi qimasee qimamiqa qiqau. Yaaweefa Qeeburu maqannaasa Anutufa aniara maaqi qidanoo. Kisaaqasaa fee anee qaoo qidanee sia fee aneenna auqu mara maree muqufisee qini qimeemaanai marinnaree. Anee qini faiqí anaasee idukusainaqa oonureeqa qiniara innaaru qiaqee qidanoo.

Rafudoo Akarafa 10:3 Referans Kwoze

1 Peetooroo 5:6

Tamummaqara fasiqa ufa miqinoo marinara innee minara irisee Anutuna afeeka asauku ameemaanai ureeaqa marifanoo narí aukuana qumureenoo inni uqeera uriqararanaki quqannisaannoo.

Yameesa 4:10

Miqidaqa Anutuna afusa ureeqafifanoo Anutufa inni uqeeraani.

Heeburu 12:25

Minara innee Yisuna ufa sia sia iriaqa. Amiqimmandee rakisimaree iriaqa. Ooqai Mooseefa maa maqanasaaqaraafa qimannimimarufaqa sia iridaqa kuqimariqau. Maqee innaarunaindaraa fasiqa ufa rukiaanafa anee yaifee finnaree mina ariranakiqari rukiasee naqi fee innaree.

Roomma 2:4

Inniara Anutufa aneenna mandainainakiqari mifinnai ubeekeefandinnanara reendeenamasee rakisidanoo maridanoo. Innee minara Anutufa reendeenira oosana marainara innee minara furufarira oosana fee fee qimaseeqee kaqi mi mandoosannaki marida fee. Anutufa inniara reendeenira oosana fannoo sia furufarira oosanafau maridanoofau. Inneeqa mandainaina minnisee quandaki narinnai ubeekaaqee qimari oosanafa maridanoo innee sia fee minara iridaqee.

Aaquqira Ufa 18:12

Sia kaqi moona ameemaanai keeqeefara mifa narí mara maree quminaqa mina ameemaanai keeqeefaranoo. Nári nimoo qimariasa kuridira aataa fidaqa.

Aaquqira Ufa 1:24

Inni naarauna sia irimariafanoo. Aniaqee qunaqa innee qini ufa irisee mana mana imariafanoo.

Aaquqira Ufa 1:22

Innee furufarirausa innee kisaaqasaa fee furufarida marifaree, innee kisaaqasaa fee irirana faqaasa iriranara uteeti qifaree. Sia fee innee minara irifaree.

Rafudoo Akarafa 16:28

Anutufa mina qafamasee Mooseena qimaminau. Innee kisaaqasaa fee qini ufa rukiaidaqa sia qini sanda ufa afaqeefaree.

Rafudoo Akarafa 9:17

Faraoo, anee kaqi kai ramoo ramaa idana sia qini faiqí anaasee idukusaanaqa fidammia.

Rafudoo Akarafa 4:23

Qinee ani qimamidaqa. Anee qini ooqa faiqiuqa Isaraee maqannaasa quqasainaqa misa oonuree qini qimooqiaqa, qunana anee qaoo qianaqa doo maqee ani ooqa faiqi aruanaura.

Rafudoo Akarafa 10:4

Anee kaqi kai qaoo qimarinaqa qinee duna pandaaqa moomoo mara quqasaanaqa ani maqa maaqaki qumbiqaannoo fee qinoo.

Rafudoo Akarafa 5:1

Innaaru qimasoofaqa Mooseesa Aaroonasa Faraoo funnai oonuree qimamiqa qiqau. Oo Faraoo, Yaaweefa maasa Isaraee maqannaa Anutufa aniara maaqi qinoo. Anee qini faiqi namu idukusainaqa aadana maqa maaqaki oonureeqa oomaqa mandee qiniara innaaru qidaqa qimooqiaqee qinoo.