Rafudoo Akarafa 1:17 - Anutuna Ufa

¹⁷ Qufaqa miqanda Anutunara rufiqasee sia akoonaiqi faiqiuqa maqasoosa rutuku aqiqau. Mi anaaseeqanda Faraoona ufa iriseeqara Anutuna ufara rufiaseeqa sia akoonaiqi faiuqa nárí mariqau, kaqi mariqau.

Rafudoo Akarafa 1:17 Referans Kwoze

Rafudoo Akarafa 1:21

Miqanda Anutunara rufioofanoo mina akiiqara Anutufa miqanda faqa faiqi asumu niminau.

Ruka 12:5

Innee rufieefandinnanara qimannimiana qini ufa iriaqa, Anutunara innee rufiaaqa. Mifa amana inni nipata naruseenoo naunduraindaraa nimana faqa amana mareeqeenoo idaki aqirana amanaiki marifa, eeoo qinee minara qimannimidaqa minara kai innee rufiaaqa.

Mataioo 10:28

Faiqí nipata kuqa narifandinausa sia misara rufiaaqa. Misa inni naunduraindaraa nimana sia amana kuqa narifaranoo. Moo fannoo Anutufa inni nipata faqa nimana faqa amana idaki kuqa narirana amanaiki marifa minara kai rufiaaqa. Faiqí nipata kai narifandinnanara sia rufiaaqa.

Aaquqira Ufa 16:6

Anee aiqama kari Yaaweena ufasaa mapukusee marinanoo mifa ani numoo taikaannoo. Yaaweena ufasaa mundufi finanoo sia moo mandainaina aniki kambiqaannoo.

Idi Ufa 31:19

Ani ameemaanai maridaqa ani ufa mau fimariasa afeedamma nimaqaqaanna ainainausa kaaqa amiqirafa maridanoo. Anee firaaqoo amiqimma nimaqee mariannanara aiqamausa iridaqa. Ani saqariki mariasa anee firaaqoo rakisi nimaqaidana itita nimaqee mariananoo.

Oosana 42:18

Qaaramoo faasaanasaa marisoofanoo Yooseefaafa maaqi qimasee qima niminau. Qinee Anutunara rufiee marunna fasiqausa maridaqa. Innee qini ufa mau fiqa amiqimmasee marifaranoo.

Aaquqira Ufa 8:13

Yaaweenara qeerairida mina ufa qaindusiraree qimasee manda oosanara fidiaqaa ia. Qinee ramoo ramaa iranara faqa nári nuqu uqeerara oosanara faqa manda oosanara faqa unnufa qiranara faqa fidiaqaamidaqa.

Oosana 20:11

Abaraqaammafa mina iriseenoo maaqi qimasee Abimeereekana qimaminoo qinau. Qinee maaqi qimasee qimiriqa maa maqannaasa sia Anutunara rufiqee mariafaqa qini daruseeqa qini qinaaqa mareefaara qimaseeqa miqi qiqa.

Rafudoo Akarafa 1:18

Faraoofa akoonaiqi moomoo kambiqoofanoo nindafama seenoo innaamunai nifiqaqanu aanaaseeqanda naaramaseenoo niqinoo qinau. Inneeqara naqaafee ifaqee sia akoonaiqi naridee qini ufa rukiaafanoo.

Estaana 3:3

Inaaqianna akaqa kiapausa mina qafamasee mina iramiriqa qiqau anee nanaree kinna ufamau sia finanee.