Oosana 9:6 - Anutuna Ufa

⁶ Anutufa faiqí faiqi narí fooqaasa auquqoonara yafee moona auqu qimasee kuqa arinnana akaqausa mina akiiqara narí arifaranoo.

Oosana 9:6 Referans Kwoze

Mataioo 26:52

Yisufa mina qafamaseenoo qinau. Doo rakira paipana quqaa. Aiqama rakira ainainannai narimariasa minannai kai nári narifaranoo. Minara rakira paipana quqaa saina qini kai daruaqa.

Uqafiqoo Ufafa 13:10

Kasooqaqee kaasau aandau Yisuna ufasaara naruaninausara Anutufa ooqai irinau. Kaasau aandau fannoo rumbaaninausara faqa ooqai irinau. Mi narira aukuannai Anutuna ufa iri mariasa sia rufiasee minnisaaqa afeekaikamasee uaqee iaqa minasaa mundufi firana faqa kaqi kai fuaqa.

Yameesa 3:9

Maasa minakiqari maasa qikoona maasa karaambaiqara minakiqari dufi dufi qidaqa kafaa quandaki Anutufa narí amana kai maasa qiqoonausa auquqoosa niquraraidaqa.

Oosana 5:1

Adamana aiku asauku misa oosana maaqimmasee akaraki marinau. Anutufa indaaru narí amana kai faiqí anaasee auqinau.

Roomma 13:4

Kaamanna uriqararafa Anutuna saikira fasiqa maridanoo ani amiqimmasee marianneera ainainidanoo, anee manda oosana mareenana minara rufiaa mina akiaqara ani arirasamu doo asaukuki uaqeeidanoo. Mifa mandoosana maree mariasasaa Anutuna aanoo irana mareeqeenoo misasaa quqeemarifa maridanoo.

Oosana 4:14

Qinee maa maqanasaa ani afusaa marunnana anee diqiqaanaqa qinee qiku quqirausa aiqamatinai nuanaura. Qinee maaqanna maaqanna dapikiqa nuananoo yafee qini qiqafainafa mifa kuqa daruannoo.

Idi Ufa 51:4

Oo Anutu qini aaqarafa ani kai mandaikamma amaqeeqa. Ani afusaa kai maa manda oosanna auqeeqa. Oo Anutu akooqoo ani qimamidaqa. Anee qini ufa qimiannana anee kuqaa andeeqarafa mariananoo. Anee ufa qimiannanannai qini aaqarana akiiqara iananoo.

1 Koorinti 11:7

Faiqí Anutuna amana faqa Anutuna areenarafa faqa minaki marifa marinara sia akiqa rumbarafa amaana maqaki keeqaannoo. Anaasee faiqí areenarafa minaki marifa marinara akiqa rumbarafa mariani.

Oosana 42:22

Reeubeenafa misa ufa iriseenoo maaqi qinoo qinau. Qinee qaoo qiafana innee sia iriqau. Mifa kuquna akiiqara maasa maqee ummaara maraidaqa.

Rafudoo Akarafa 20:13

Innee sia faiqí anaasee nuqu qimasee naruaqa.

Aaquqira Ufa 28:17

Faiqí kuqa arinafa narí madika indufidanoo. Sia moo fannoo mina dadaaqiannoo.