Oosana 9:23 - Anutuna Ufa

²³ Seemafa faqa Yafeetafa faqa minara iriseeqa qaoo qimasee qamunna marasee moo fannoo dinni ati narí aururusaa quqasoofanoo moo fannoo dinni ati narí aururusaa quqaseeqara ninaaqianaindari uiqaana maaqaki keeqa fiqaqara nári nikoona afaaqa itita amaqaqau. Miqanda noori kaqinni quqasee nisauruanoo qimasee sia nári nikoona qafaqau.

Oosana 9:23 Referans Kwoze

Karatia 6:1

Qini qikaqaafasaauqa inniki moo fannoo mandainainaki aqufinaqa qafeeqa Anutuna oosanara irimariasa mina mareeqee andeeqaranaki quqaaqa, sia aanoomasee miqi iaqa reendeenamandee miqi iaqa anee mi fasiqana dadaaqidana aneenna marirana faqa rakisia, anee faqa minaki aqufinafaara.

Rafudoo Akarafa 20:12

Inneeqa ninausa nikausara qeerairidaqa misa ufa qaindusuaqa. Innee miqiqa qinee nimianna maqanasaa kisaaqasaa marifaranoo.

1 Peetooroo 4:8

Aiqama amiqira ainaina urinaaqararafa maafa maridanoo, sia nifaurunnoo kai unna qimasee nariara nariara ruaqa, nisaukunnoo dadaaqirana faqa nimuqusannai faqa nariara nariara ruaqa. Nariara nariara nimuqusirafa moomoo manda oosana rafaaqafidanoo.

1 Peetooroo 2:17

Innee sia aiqamausara qini qimana fee qimasee furufariaqa, aiqamausa nári uriqararana amanasaa mina afusaa rufiaaqa. Aiqama Yisuna ufa irimariasa niqoonausa Yisuna ufa irimariasara nimuqusinoo nidiani. Innee Anutunara naaquqaani. Kaamanna firaa uriqararanara faqa naaquqaani.

1 Timooti 5:19

Faiqí moo fannoo Yisuna ufara suqimariasasaa rakisiranara anireenoo mi rakisiranara aaqaidanoommifoo qinaqa sia mi moodaa fasiqana ufa iriaqa, naríara qidaqinoo. Faiqí qaraqanda fee qaaramoo fee aniree minara qifaqa mina irisee andeeqaaqa.

1 Timooti 5:1

Oo Timooti anee Yisuna ufa irimariasa faqa maridana sia faiqí firaasa ufa arua. Faiqí firaasa ani akausara foora marifana reendeenamandee ufa qimannimia. Kumaaraauqa faqa aneenna akaqaafasaara foora kai ufa qimannimia anaasee firaasa faqa aneenna anausara foora amiqimasee kai ufa qimannimia. Maanaaqa aanaaseeuqa faqa aneenna asooqmaakara foora andeeqaseenana kai misa faqa ufa qia.

Roomma 13:7

Inneeqa takisa munnimma aiqama aquaqa, kaqikaa takisa kansoora takisa faqa kaamanna firaa takisa faqa aquaqa, aiqama uriqararausara amiqira fasiqee qimasee misa noorinni rufiaqa rufiaqa idaqa fuaqa.

Oosana 9:22

(Yafeetafa indaaruqaafa Seemafa mina aanaaqianaafa marinau Qammafa inaaqianaafa marinau.) Qammafa Kannaana akoofa maridanoo anireenoo narí akoofa kaqi samu faiqaqee ufanoo oonu qafeenoo narí akaqaafasaaqara naaramaseenoo qimanniminau.

Oosana 9:24

Nooafa kasooqaqee irirafa kambiqafufanoo narí inaaqianaa faiqi mifa auqoo ainainnara irinau.